ថៃបានទិញពេលវេលាធ្វើសង្គ្រាមបាន២ថ្ងៃទៀតក្នុងកិច្ចប្រជុំរដ្ឋមន្ត្រីការបរទេដសអាស៊ាននៅកូឡាឡាំពួ

ម៉ាឡេស៊ី៖កិច្ចប្រជុំពីសេសរដ្ឋមន្ត្រីការបរទេសអាស៊ាននាថ្ងៃទី២២ធ្នូនៅកូឡាឡាំពួបើតាមលទ្ធផលដែលប្រកាសបង្ហាញថាថៃបានទិញពេលវេលាសម្រាប់បន្តសង្គ្រាម២ថ្ងៃទៀត។ 

ព្រោះអ្វីៗវាស្រេចលើកិច្ចប្រជុំGBCរវាងរដ្ឋមន្ត្រីក្រសួងការពារជាតិថៃនិងកម្ពុជានៅថ្ងៃទី២៤ធ្នូម្តងទៀត។ប្រសិនបើមិនត្រូវគ្នាគឺបន្តវ៉ៃគ្នាបន្តទៀត។ព្រោះមន្ត្រីខ្មែរយើងបាននិយាយហើយថាអានុទីនធ្វើសង្គ្រាមដើម្បីសន្លឹកឆ្នោត។លើកលែងតែយើងអាចបំបាក់កម្លាំងរស់របស់វាបានច្រើនដូចគោលដៅសម្តេចតេជោដាក់ចេញ។សម្រាប់លទ្ធផលកិច្ចប្រជុំរដ្ឋមន្ត្រីការបរទេសបានប៉ុនណឹងក៏ដោយសារមានការឡប៊ីពីលោកអាន់វ៉ាអ៊ីប្រាហ៊ីមនាពេលព្រឹកថ្ងៃទី២២ធ្នូពេលទូរសព្ទជួបនាយករដ្ឋមន្ត្រីកម្ពុជានិងសៀមដែរ។

ម៉ាឡេស៊ីមានរូបភាពពីផ្កាយរណបក្នុងដៃចឹងថៃវាក៏មិនហ៊ានបំបាក់មុខលោកអាន់វ៉ាដែលសល់ពេលធ្វើប្រធានអាស៊ានតែ៨ថ្ងៃទៀតដែរទើបក្នុងការប្រជុំត្រីភាគីកម្ពុជាថៃម៉ាឡេស៊ីចេញបានលទ្ធផលប៉ុនណឹង។ឡូវនេះសង្គ្រាមនៅ២ថ្ងៃទៀតយ៉ាងពេញបន្ទុក។ចាំអ៊ុតមើលថាយោធាថៃនិងនាយករដ្ឋមន្ត្រីចាំផ្ទះអានុទីនឆានវិរ:គុលវាវាលេងល្បែងអីទៀតបង្ហាញប្រជាជនដើម្បីបានការគាំទ្រ?។

សូមអានខ្លឹមសារសេចក្តីប្រកាសពត៍មានស្តីពីកិច្ចប្រជុំពិសេសរដ្ឋមន្ត្រីការបរទេសអាស៊ានដែលមិនហ៊ានធ្ងនមាត់ជាមួយថៃអីតិច៖១. រដ្ឋមន្ត្រីការបរទេសអាស៊ាន បានបើកកិច្ចប្រជុំពិសេសមួយដើម្បីជជែកពិភាក្សាអំពីបញ្ហាបច្ចុប្បន្នរវាងកម្ពុជា និងថៃ នៅឯទីក្រុងគូឡាឡាំពួរ នាថ្ងៃទី២២ ខែធ្នូ ឆ្នាំ២០២៥ ដោយអនុវត្តតាមសេចក្ដីសម្រេចរបស់នាយករដ្ឋមន្ត្រីម៉ាឡេស៊ី កម្ពុជា និងថៃ កាលពីថ្ងៃទី១១ ខែធ្នូ ឆ្នាំ២០២៥ ។

២. ភាគីម៉ាឡេស៊ី បានរាយការណ៍ជូនកិច្ចប្រជុំអំពីកិច្ចខិតខំប្រឹងប្រែងរបស់លោកនាយករដ្ឋមន្ត្រី អាន់វ៉ា អ៊ីប្រាហ៊ីម (Anwar Ibrahim) ដែលជាប្រធានអាស៊ាន ក្នុងការលើកទឹកចិត្តឱ្យប្រទេសកម្ពុជា និងថៃ បញ្ឈប់ការប្រយុទ្ធគ្នា។ ក្រុមសង្កេតការណ៍អាស៊ាន (AOT) ក៏បានរាយការណ៍ផងដែរជូនកិច្ចប្រជុំ ទៅតាមភារកិច្ចដែលខ្លួនទទួលបាន។ ចំណែកកម្ពុជា និងថៃ ក៏បានបង្ហាញពីគោលជំហររៀងៗខ្លួន ។

៣. កិច្ចប្រជុំបានកោតសរសើរចំពោះតួនាទីដ៏សកម្មរបស់លោកនាយករដ្ឋមន្ត្រី អាន់វ៉ា អ៊ីប្រាហ៊ីម និងលោកប្រធានាធិបតី ដូណាល់ ត្រាំ ព្រមទាំងការចូលរួមពីបណ្តាប្រទេសអាស៊ាន និងប្រទេសចិន ក្នុងការស្វែងរកដំណោះស្រាយសន្តិភាពអំឡុងអរិភាពកំពុងបន្ត។ កិច្ចប្រជុំមានក្តីសង្ឃឹមដោយឃើញឆន្ទៈរបស់លោកនាយករដ្ឋមន្ត្រី ហ៊ុន ម៉ាណែត និងលោកនាយករដ្ឋមន្ត្រី អានុទីន ឆាន់វីរកុល ក្នុងការបន្តសហការជាមួយប្រធានអាស៊ាន ដើម្បីកាត់បន្ថយភាពតានតឹង និងបង្ការការយល់ច្រឡំដែលអាចធ្វើឱ្យស្ថានការណ៍កាន់តែអាក្រក់ ។

៤. កិច្ចប្រជុំបានបញ្ជាក់ជាថ្មីអំពីការរួបរួមគ្នារបស់អាស៊ាន ដើម្បីធានាឱ្យបាននូវសន្តិភាព សន្តិសុខ ស្ថិរភាព និងវិបុលភាពក្នុងតំបន់ ស្របតាមធម្មនុញ្ញរបស់អាស៊ាន ។
៥. កិច្ចប្រជុំបានរម្លឹកពីកិច្ចព្រមព្រៀងបទឈប់បាញ់កាលពីថ្ងៃទី២៨ ខែកក្កដា, ការសម្រេចចិត្តរបស់គណៈកម្មាធិការព្រំដែនទូទៅ (GBC) កាលពីថ្ងៃទី៧ ខែសីហា និងសេចក្តីថ្លែងការណ៍រួមនៅទីក្រុងគូឡាឡាំពួរ កាលពីថ្ងៃទី២៦ ខែតុលា ឆ្នាំ២០២៥ ដោយជំរុញឱ្យកម្ពុជា និងថៃ អនុវត្តតាមឱ្យបានខ្ជាប់ខ្ជួន និងមានប្រសិទ្ធភាព ។

៦. កិច្ចប្រជុំបានបង្ហាញក្ដីព្រួយបារម្ភយ៉ាងខ្លាំងចំពោះការបន្តអរិភាពរវាងភាគីទាំងពីរ ដែលបណ្តាលឱ្យមានជនរងគ្រោះច្រើន ទាំងស្លាប់និងរងរបួស ខូចខាតហេដ្ឋារចនាសម្ព័ន្ធស៊ីវិល និងធ្វើឱ្យប្រជាជននៅតាមព្រំដែនទាំងសងខាងត្រូវរត់ភៀសខ្លួន។ កិច្ចប្រជុំបានអំពាវនាវឱ្យភាគីទាំងពីរធានាថា ប្រជាជនស៊ីវិលអាចត្រឡប់ទៅផ្ទះសម្បែង និងប្រកបរបរចិញ្ចឹមជីវិតដោយសុវត្ថិភាព និងមានសេចក្តីថ្លៃថ្នូរដូចដើមវិញ ។

៧. កិច្ចប្រជុំបានសន្យាជាថ្មីនូវការប្ដេជ្ញាចិត្តរួមគ្នាក្នុងការចៀសវាងការប្រើប្រាស់កម្លាំងវាយប្រហារគ្នា ហើយនឹងដោះស្រាយបញ្ហាដោយសន្តិវិធី គោរពច្បាប់និងព្រំដែនអន្តរជាតិ ដើម្បីសន្តិភាព និងស្ថិរភាពក្នុងតំបន់ ដោយផ្អែកលើការគោរពគ្នាទៅវិញទៅមកចំពោះឯករាជ្យ អធិបតេយ្យភាព សមភាព បូរណភាពទឹកដី និងអត្តសញ្ញាណជាតិ ស្របតាមធម្មនុញ្ញអង្គការសហប្រជាជាតិ ធម្មនុញ្ញអាស៊ាន និងកិច្ចព្រមព្រៀងមិត្តភាព និងសហប្រតិបត្តិការនៅតំបន់អាស៊ីអាគ្នេយ៍ (TAC) ។

៨. កិច្ចប្រជុំបានអំពាវនាវឱ្យកម្ពុជា និងថៃ រក្សាភាពអត់ធ្មត់ឱ្យបានខ្ពស់បំផុត និងចាត់វិធានការបន្ទាន់ ដើម្បីបញ្ឈប់ការវាយប្រហារគ្នាតាមគ្រប់រូបភាពទាំងអស់។ កិច្ចប្រជុំបានអំពាវនាវឱ្យប្រទេសទាំងពីរ កសាងទំនុកចិត្ត ត្រឡប់មកចរចាគ្នា តាមរយៈយន្តការទ្វេភាគី និងប្រើតួនាទីជួយសម្របសម្រួលរបស់ប្រធានអាស៊ាន បន្តសហការការដោះមីនមនុស្សធម៌ អនុវត្តការកាត់បន្ថយភាពតានតឹងផ្នែកយោធា តាមព្រំដែនរួម ក្រោមការសង្កេតការណ៍របស់ AOT និងគោរពគោលការណ៍ច្បាប់អន្តរជាតិ ការរស់នៅរួមដោយសន្តិភាព និងសហប្រតិបត្តិការពហុភាគី ដើម្បីឈានទៅរកដំណោះស្រាយសន្តិភាពយូរអង្វែង ។

៩. រដ្ឋមន្ត្រីការបរទេសអាស៊ាន បានស្វាគមន៍ចំពោះការពិភាក្សាដើម្បីត្រឡប់ទៅរកបទឈប់បាញ់ និងការបញ្ឈប់អំពើហិង្សា។ គណៈកម្មការព្រំដែនទូទៅ (GBC) នឹងបើកកិច្ចប្រជុំនៅថ្ងៃទី២៤ ខែធ្នូ ឆ្នាំ២០២៥ ដើម្បីពិភាក្សាអំពីការអនុវត្តបទឈប់បាញ់។ រដ្ឋមន្ត្រីការបរទេសអាស៊ាន បានបង្ហាញនូវក្តីសង្ឃឹមថា ស្ថានការណ៍តានតឹងនឹងកាត់បន្ថយឱ្យបានឆាប់តាមដែលអាចធ្វើទៅបាន ។
១០. រដ្ឋមន្ត្រីការបរទេសអាស៊ាន បានបញ្ជាក់ដែរថា នឹងបន្តតាមដាន និងយកចិត្តទុកដាក់បំផុតលើបញ្ហានេះជាបន្តទៀត ៕