បក្សភ្លើងទៀនបរាជ័យក្នុងការសុំឲ្យក្រសួងមហាផ្ទៃចេញលិខិតទុតិយតាលើលិខិតចុះបញ្ជីគណបក្ស!
ភ្នំពេញ៖គម្រោងការរបស់គណបក្សភ្លើងទៀន ត្រៀមស្នើសុំក្រសួងមហាផ្ទៃចេញលិខិតទុតិយាលើលិខិតចុះបញ្ជីគណបក្សនៅឯក្រសួងមហាផ្ទៃ ដើម្បីអាចឲ្យបក្សប្រឆាំងមួយនេះ ចូលរួមការបោះឆ្នោតពេលក្រោយៗត្រូវបរាជ័យហើយ។ ប្រការនេះធ្វើឲ្យមានការសន្និដ្ឋាវាយតម្លៃថាគណបក្សភ្លើងទៀនក្រៅពីមិនអាចចូលរួមបោះឆ្នោតជ្រើសតាំងសមាជិកព្រិទ្ធសភានៅខែកុម្ភ៖ឆ្នាំ២០២៤គណបបក្សដែលមានសាមាជិកក្រុមប្រឹក្សាឃុំសង្កាត់ប្រមាណ២០០នាក់មួយនេះអាចនឹងត្រូវរំលាយចោលក៏ថាបានប្រសិនបើមិនមានការប្រែប្រួលនូវស្ថានភាពនយោបាយក្នុងស្រុកនោះទេ។
បើតាមកំណត់ហេតុនៃជំនួបរវាងក្រសួងមហាផ្ទៃដឹកនាំដោយលោកប៊ុនហុនរដ្ឋលេខាធិការក្រសួងមហាផ្ទៃនិងលោកសុខហាចប្រធានស្តីទីគណបក្សភ្លើងទៀនកាលពីព្រឹកថ្ងៃទី ២១ ខែកញ្ញា ឆ្នាំ២០២៣ បានបញ្ជាក់ជូនគណក្សភ្លើងទៀនថា៖ ករណីបាត់បង់ច្បាប់ដើម នៃប្រកាសលេខ ១៩៣ ប្រក ចុះថ្ងៃទី ២៣ ខែមីនា ឆ្នាំ១៩៩៨ របស់ក្រសួងមហាផ្ទៃ ក្រសួងបានទទួលជួបតំណាងគណបក្សភ្លើងទៀន រហូតដល់លើកទី៤ ដែលបង្ហាញថា មិនមែនក្រសួងមហាផ្ទៃ បដិសេធ ឬមិនយកចិត្តទុកដាក់ ក្នុងការស្វែងរកដោះស្រាយ ឱ្យគណបក្សភ្លើងទៀននោះទេ ប៉ុន្តែគឺដោយសារច្បាប់ ស្តីពីគណបក្សនយោបាយ និងលិខិតបទដ្ឋានគតិយុត្តពាក់ព័ន្ធ មិនបានផ្តល់សមត្ថកិច្ចឱ្យក្រសួងមហាផ្ទៃ ចេញជូនឯកសារចុះបញ្ជីច្បាប់ដើមជាថ្មី ឬឯកសារច្បាប់ទុតិយតា នៃប្រកាសចុះបញ្ជីឡើយ។
ជំនួបនេះ គឺបន្ទាប់ពីគណបក្សភ្លើងទៀន កាលពីថ្ងៃទី ៤ ខែកញ្ញា ឆ្នាំ២០២៣ បានដាក់លិខិតជូនឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្ងៃទី៤ ខែកញ្ញា ឆ្នាំ២០២៣ ដើម្បីស្នើសុំដំណោះស្រាយពាក់ព័ន្ធឯកសារ “លិខិតបញ្ជាក់ការចុះបញ្ជីគណបក្សនយោបាយ នៅក្រសួងមហាផ្ទៃ របស់គណបក្សភ្លើងទៀន” សម្រាប់គណបក្ស ភ្លើងទៀន យកមកប្រើប្រាស់ ក្នុងការចុះបញ្ជីគណបក្សនយោបាយឈរឈ្មោះបោះឆ្នោត។លោក សុក ហាច ប្រធានស្តីទីគណបក្សភ្លើងទៀន បានលើកឡើងថា កិច្ចប្រជុំនាថ្ងៃនេះ មានគោលបំណង ដើម្បីស្នើសុំការសម្របសម្រួល ឬស្វែងរកដំណោះស្រាយ ករណីបាត់ឯកសារច្បាប់ដើម នៃប្រកាសលេខ១៩៣ ប្រក ចុះថ្ងៃទី២៣ ខែមីនា ឆ្នាំ១៩៩៨ របស់ក្រសួងមហាផ្ទៃ ដើម្បីធ្វើយ៉ាងណា អាចឱ្យគណបក្សភ្លើងទៀន បានចូលរួមការបោះឆ្នោត នាពេលខាងមុខ។
លោក ប៊ុន ហុន រដ្ឋលេខាធិការក្រសួងមហាផ្ទៃ បានបញ្ជាក់ជូនដល់តំណាងគណបក្សភ្លើងទៀនថា ករណីបាត់បង់ច្បាប់ដើម នៃប្រកាសលេខ ១៩៣ ប្រក ចុះថ្ងៃទី២៣ ខែមីនា ឆ្នាំ១៩៩៨ របស់ក្រសួងមហាផ្ទៃ ក្រសួងបានទទួលជួបតំណាងគណបក្សភ្លើងទៀន រហូតដល់លើកទី៤ រួមទាំងថ្ងៃនេះ ដែលបង្ហាញថា មិនមែនក្រសួងមហាផ្ទៃ បដិសេធ ឬមិនយកចិត្ត ទុកដាក់ ក្នុងការស្វែងរកដោះស្រាយឱ្យគណបក្សភ្លើងទៀននោះទេ ប៉ុន្តែគឺដោយសារច្បាប់ ស្តីពីគណបក្សនយោបាយ និងលិខិតបទដ្ឋានគតិយុត្តពាក់ព័ន្ធ មិនបានផ្តល់សមត្ថកិច្ចឱ្យក្រសួងមហាផ្ទៃ ចេញជូនឯកសារចុះបញ្ជីច្បាប់ដើម ជាថ្មី ឬឯកសារច្បាប់ទុតិយតា នៃប្រកាសចុះបញ្ជីឡើយ។ ទន្ទឹមនេះ លោកប្រធានបានកត់សម្គាល់ និងបញ្ជាក់ បន្ថែមនូវចំណុចចំនួន ៤ .។
ក្រសួងមហាផ្ទៃអនុញ្ញាតឲ្យតំណាងគណបក្សភ្លើងទៀនចំនួន៥នាក់ ចូលជួបពិភាក្សាជាមួយតំណាងក្រសួងមហាផ្ទៃ នៅថ្ងៃព្រហស្បតិ៍ ទី២១កញ្ញា ដើម្បីជជែកពីបញ្ហាលិខិតចុះបញ្ជីគណបក្សរបស់គណបក្សភ្លើងទៀនដែលបានបាត់បង់។អ្នកនាំពាក្យគណបក្សភ្លើងទៀន បានអះអាងថា បក្សប្រឆាំងនឹងបន្តទាមទារក្រសួងមហាផ្ទៃ ចេញលិខិតទុតិយតាលើលិខិតលេខ១៩៣។ លិខិតលេខ១៩៣ ដែលជាលិខិតចុះបញ្ជីគណបក្សភ្លើងទៀននៅឯក្រសួងមហាផ្ទៃ។
លោក គីមសួរ ភីរិទ្ធិ អ្នកនាំពាក្យបក្សភ្លើងទៀន បានបញ្ជាក់ប្រាប់វិទ្យុបារាំងអន្តរជាតិ ថា គណបក្សភ្លើងទៀននៅតែបន្តរក្សាជំហ ឲ្យក្រសួងមហាផ្ទៃជួយដោះស្រាយបញ្ហារបស់ខ្លួន ដើម្បីអាចចូលរួមការបោះឆ្នោតពេលខាងមុខ។ បើតាមលោក គីមសួរ ភីរិទ្ធិ លោកជឿជាក់ថា លិខិតទុតិយតាលើលិខិតចុះបញ្ជីគណបក្ស នឹងអាចជួយគណបក្សភ្លើងទៀន អាចចូលរួមការបោះឆ្នោត។
គួរបញ្ជាក់ថា គណបក្សភ្លើងទៀន បានបាត់បង់ឱកាសចូលរួមការបោះឆ្នោតជ្រើសតាំងតំណាងរាស្ត្រអាណត្តិទី៧កន្លងទៅនេះ ដោយសារតែបក្សបានបាត់លិខិតច្បាប់ដើមនៃការចុះបញ្ជីគណបក្ស។ ក្រុមមន្ត្រីបក្សភ្លើងទៀន បញ្ជាក់ថា លិខិតនោះបានបាត់នាអំឡុងពេលដែលទីស្នាក់ការនៃអតីតបក្សសង្គ្រោះជាតិ ត្រូវបានអាជ្ញាធរចូលបង្ក្រាបកាលពីឆ្នាំ២០១៧។យ៉ាងណាមិញ ក្រសួងមហាផ្ទៃ កាលពីដើមខែមិថុនាបានចេញលិខិតបញ្ជាក់មួយជូនដល់គណបក្សភ្លើងទៀន ថាជាគណបក្សស្របច្បាប់ ដើម្បីចុះឈ្មោះចូលរួមការបោះឆ្នោត ក៏ប៉ុន្តែលិខិតនោះមិនអាចជួយអ្វីជាដុំកំភួនដល់បក្សប្រឆាំងមួយនេះឡើយ។ ពោលគឺ គណៈកម្មាធិការជាតិរៀបចំការបោះឆ្នោត បានបញ្ជាក់ថា ការចុះឈ្មោះចូលរួមការបោះឆ្នោតរបស់គណបក្ស ត្រូវតែមានលិខិតចុះបញ្ជីច្បាប់ដើម។
