ឃាត់ខ្លួនជនសង្ស័យចំនួន ២៦៣នាក់ ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា នៅខេត្តព្រះសីហនុបន្ទាប់ពីនៅបាវិតបាន៦រយនាក់

ព្រះសីហនុ៖ ជនសង្ស័យចំនួន២៦៣នាក់ (ស្ត្រី ១៧នាក់) ត្រូវបានកម្លាំងសមត្ថកិច្ចឃាត់ខ្លួន ក្នុងប្រតិបត្តិការចុះត្រួតពិនិត្យឆែកឆេរ ទីតាំងអតីតកាស៊ីណូ ហ្គាឡាក់ស៊ី វើលដ៍ ស្ថិតនៅក្រុមទី៦ ភូមិ៤ សង្កាត់លេខ៤ ក្រុង-ខេត្តព្រះសីហនុ ក្រោមការសង្ស័យថា មានការលបលួចប្រព្រឹត្តបទល្មើសឆបោកតាមប្រព័ន្ធ បច្ចេកវិទ្យា (Online Scam)។ 

ជនសង្ស័យដែលបានឃាត់ខ្លួនទាំង២៦៣នាក់នោះ រួមមានៈ ជនជាតិប៉ាគីស្ថាន ១១នាក់, បង់ក្លាដេស២៣នាក់, ចិន ២០៧នាក់ (ស្ត្រី ០៧នាក់), ស្ត្រីមីយ៉ាន់ម៉ា ០៦នាក់, នេប៉ាល់ ០៤នាក់, វៀតណាម ០៧នាក់ (ស្ត្រី ០៣នាក់), ម៉ាឡេស៊ី ០៤នាក់ និងស្ត្រីជនជាតិឡាវ០១នាក់។ ចំណែកវត្ថុតាងដកហូត មានកុំព្យូទ័រលើតុ ៨៦០គ្រឿង, ទូរស័ព្ទ ៤,១២៩គ្រឿង, កុំព្យូទ័រយួរដៃ ១៦គ្រឿង និង iPad ១៤គ្រឿង។គេមិនដឹងថាតើសមត្តកិច្ចអាចរកមេខ្លោងដើម្បីដាក់ទោសបានដែរឬអត់ទេ?។

សកម្មភាពនៅខេត្តព្រះសីហនុបានកើតឡើងបន្ទាប់ពីសមត្តកិច្ចចំរុះឆ្មកបង្ក្រាបទីតាំង ឆបោកនិងលាងលុយតាមអនឡាញ(Online Scams )ចំនួន២កន្លែងនៅក្រុងបាវិត ខេត្តស្វាយរៀង។ចាំលទ្ធផល: ឃាត់ខ្លួនបានជាង៦០០ភាគច្រើនជនបរទេសក្នុងនោះក៏មានមនុស្សជាច្រើនទៀតបាននាំគ្នាសម្រុករត់ចេញរួចខ្លួនផងដែរ។

សូមបញ្ជាក់ថា៖បន្ទាប់ពីមានការរិះគន់ពីអន្តរជាតិរាជរដ្ឋាភិបាលកម្ពុជាបានសម្រេចចិត្តសហការជាមួយប្រទេសអាមរិកកូរ៉េពិសេសថៃដើម្បីបង្ក្រាបបនឆបោកនិងលាងលុយតាមអនឡាញ។