អាកាសយានដ្ឋានអន្តរជាតិតេជោ៖ ច្រកទ្វារថ្មីរបស់កម្ពុជាឆ្ពោះទៅកាន់ពិភពលោក!

“ អាកាសយានដ្ឋានអន្តរជាតិតេជោ ” ដែលជាស្នាដៃដ៏ធំ និងជាមោទនភាពថ្មីមួយរបស់កម្ពុជា គឺបានប្រកាសបើកដំណើរការ នៅថ្ងៃទី៩ ខែកញ្ញា ឆ្នាំ២០២៥នេះ ។ព្រលានថ្មីសង់លើផ្ទៃដី២៦០០ហិកតាតម្លៃជាង១០០០លានដុល្លារស្ថិតក្នុងខេត្តកណ្តាលនិងតាកែវមានចម្ងាយ២០គីឡូម៉ែត្រពីភ្នំពេញនឹងសម្ពោធផ្លូវការនៅថ្ងៃទី២០ ខែតុលា ឆ្នាំ២០២៥ ក្រោមអធិបតីដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ។ 

ថ្ងៃទី៩កញ្ញានេះជើងហោះហើរដំបូងគេ នឹងចូលចតក្នុងអាកាសយានដ្ឋានថ្មីនេះ គឺក្រុមហ៊ុនអាកាសចរណ៍ជាតិ Air Cambodia ដឹកភ្ញៀវទេសចរមកពីប្រទេសចិន ខណៈក្រុមហ៊ុនអាកាសចរណ៍ Korean Air គឺជាជើងហោះហើរចុងក្រោយគេបង្អស់ ដែលចេញពីអាកាសយានដ្ឋានអន្តរជាតិភ្នំពេញ។

អាកាសយានដ្ឋាននេះ ត្រូវបានចាត់ថ្នាក់ជាអាកាសយានដ្ឋានលំដាប់ 4F ដែលជាកម្រិតខ្ពស់បំផុតនៅក្នុងវិស័យអាកាសចរណ៍អន្តរជាតិ។ ជាមួយនឹងចំណាត់ថ្នាក់នេះ អាកាសយានដ្ឋានអាចទទួលយន្តហោះគ្រប់ប្រភេទ រួមទាំងយន្តហោះខ្នាតយក្សដូចជា Airbus A380 និង Boeing 747 ផងដែរ។ក្នុងដំណាក់កាលទី១ ព្រលានយន្តហោះថ្មីនេះមានសមត្ថភាពអាចទទួលអ្នកដំណើរបានរហូតដល់ ១៣ លាននាក់ក្នុងមួយឆ្នាំ និងដោះស្រាយទំនិញបាន ២៦,០០០ តោន។

ទោះជាយ៉ាងណាមានការរិះគន់ថាព្រលានយន្តហោះនេះវាបានធ្វើឲ្យប្រទេសកម្ពុជាមានមុខមានមាត់ជាមួយបណ្តាប្រទេសនានាតែក៏មានការរិះគន់ថាព្រលាននេះមិនងាយរកបានចំណេញនោះទេព្រោះសក្តានុពលសេដ្ឋកិច្ចកម្ពុជានៅតូចម្យ៉ាងព្រលានយន្តហោះពោធិចិនតុងដែលមានអាយុ៦០ផ្លាយឆ្នាំនៅមានសក្តានុពលប្រើប្រាសនៅឡើយដែលមិនគួរចំណាយលុយច្រើនដើម្បីបង្កើតព្រលានថ្មីដែលនាំឲ្យជម្ពាក់គេច្រើនឡើយ។