ចេញពីតំណែងឈឹក្បាលភ្លាមលោក រដ្ឋមន្ត្រីទេសចរណីយ៍ថ្មី ហួត ហាក់ ជួបឈ្វេងយល់ជាមួយ សមាគមទេសចរណ៍ភ្លាម
15-March-2026 / សេដ្ឋកិច្ច
ភ្នំពេញ៖បន្ទាប់ពីត្រូវបានរដដ្ឋសភាអនុមត័និងមានព្រះរាជក្រិត្យដាក់ឲ្យចូលកាន់តំណែងជារដ្ឋមន្ត្រីថ្មីនៅក្រសួងទេសចរណ៍បាន១ថ្ងៃនៅ រសៀលថ្ងៃសៅរ៍ ទី២១ ខែកញ្ញា ឆ្នាំ២០២៤លោក ហួត ហាក់អតីតរដ្ឋមន្ត្រីក្រសួងអធិការកិច្ចបាន១ឆ្នាំ ដែលជាតំណែងឈឹក្បាលបានជួបពិភាក្សាការងារជាមួយនឹងសមាគមទេសចរណ៍កម្ពុជា (Cambodia Tourism Association-CATA) ដែលមានក្រុមហ៊ុនជាសមាជិកចំនួន៤០០ក្រុមហ៊ុន ជជែកគ្នាអំពីបញ្ហាប្រឈមក្នុងវិស័យទេសចរណ៍នៅស្រុកខ្មែរ។
លោកស្រី ឆាយ ស៊ីវលីនជា ប្រធានសមាគម និងក្រុមប្រឹក្សាភិបាល សមាជិកសមាជិកាសមាគម បានផ្ដោតការពិភាក្សាលើការងារ រាយការណ៍អំពីបញ្ហាប្រឈម និងសំណូមពរនានារបស់សមាគម ដើម្បីទាក់ទាញកំណើនភ្ញៀវទេសចរធ្វើដំណើរមកទស្សនាប្រទេសកម្ពុជាឱ្យបានច្រើន ជាពិសេសទេសចរណ៍បែបធម្មជាតិ និងវប្បធម៌ ព្រោះកម្ពុជា សម្បូរធនធានទេសចរណ៍បែបវប្បធម៌ ប្រវត្តិសាស្ត្រ និងធម្មជាតិ។
លោក ហូត ហាក់ រដ្ឋមន្ត្រីក្រសួងទេសចរណ៍ បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់សមាគមលើការប្តេជ្ញា និងការចូលរួមចំណែកក្នុងការជួយជំរុញវិស័យទេសចរណ៍កន្លងមក និងសង្ឃឹមជឿជាក់ថា សមាគមនឹងនៅតែបន្តចូលរួមចំណែកគាំទ្រ និងអភិវឌ្ឍវិស័យទេសចរណ៍នៅកម្ពុជាបន្ថែមទៀត។
លោករដ្ឋមន្ត្រី បានបញ្ជាក់ថា រាល់កង្វល់នានា បញ្ហាប្រឈម សំណូមពរ ដែលសមាគមបានលើកឡើងនៅក្នុងកិច្ចពិភាក្សានាពេលនេះ លោក នឹងទទួលយកទៅពិភាក្សាលម្អិតបន្ថែមក្នុងក្របខណ្ឌក្រសួង អន្តរក្រសួង ក្រុមការងារផ្នែកទេសចរណ៍ ក្នុងក្របខណ្ឌវេទិការាជរដ្ឋាភិបាល-ផ្នែកឯកជន ដើម្បីធ្វើការឆ្លើយតបឱ្យមានប្រសិទ្ធភាព ប្រសិទ្ធផល និងទាន់ពេលវេលា។សូមបញ្ជាក់ថាក្នុងពេលដែលប្រទេសជិតខាងមានភ្ញៀវទេសចរណ៍កើតឡើងយ៉ាងគំហុកប្រទេសកម្ពុជាមានកំណ ើនភ្ញៀវទេសចរណ៍បរទរទេសតិចតួចប៉ុនណ្ណោះក្នុងរយៈពេល១ឆ្នាំនៃរាជរដ្ឋាភិបាលអាណងត្តិទី៧នេះ។
គិតនៅត្រឹមឆ្នាំ២០២៤ លោក ហួត ហាក់ មានវ័យ៥១ឆ្នាំ។ លោកបានកើតនៅភូមិត្រពាំងគង ឃុំត្រពាំងគង ស្រុកសំរោងទង ខេត្តកំពង់ស្ពឺ ដែលមានលោកឪពុកឈ្មោះ ហួត ឈុន អ្នកម្តាយឈ្មោះ យឹម ហុង និងមានភរិយាឈ្មោះ សុង ធីតា ព្រមទាំងមានកូនប្រុសស្រី ចំនួន ៣នាក់។លោកហួតហាក់បានបញ្ចប់ការសិក្សាថ្នាក់បរិញ្ញាបត្រនីតិសាស្ត្រ នៅមហាវិទ្យាល័យនីតិសាស្ត្រ និងវិទ្យាសាសស្ត្រសេដ្ឋកិច្ច និងសញ្ញាបត្រជាមន្ត្រីជាន់ខ្ពស់ផ្នែកការទូត នៅសាលាភូមិន្ទរដ្ឋបាល (ERA) នៅឆ្នាំ២០០១។
លោកហួតហាត់ក៏បានបន្តការសិក្សា បញ្ចប់សញ្ញាបត្រថ្នាក់បរិញ្ញាបត្រជាន់ខ្ពស់ វិទ្យាសាស្ត្រនយោបាយ នៅឆ្នាំ២០០៥ និងថ្នាក់បណ្ឌិតគ្រប់គ្រងធុរកិច្ច ពីសកលវិទ្យាល័យ Preston (Preston University) នៅឆ្នាំ២០០៨។ លោក ហួត ហាក់ បានទៅបន្តការសិក្សានៅតាមបណ្តាប្រទេសមួយចំនួនដូចជា ចក្រភពអង់គ្លេស ប្រទេសសឹង្ហបុរី សាធារណៈរដ្ឋប្រជាមានិតចិន ជាពិសេស លោកក៏មានឱកាសទទួលបានអាហារូបករណ៍ ទៅសិក្សានៅប្រទេសបារាំង និងទទួលបានសញ្ញាបត្រជាន់ខ្ពស់ ផ្នែកគ្រប់គ្រងសាធារណៈ ពីសាលាជាតិរដ្ឋបាលបារាំង (ENA) ។ លោកហួតហាក់អាចប្រើប្រាស់ភាសាបារាំង និងអង់គ្លេសបានយ៉ាងស្ទាត់ជំនាញ។
លោកហួតហាក់ធ្លាប់មានបទពិសោធន៍លើការងារជំនាញផ្សេងៗ ជាច្រើនដូចជា សាស្ត្រាចារ្យច្បាប់ និពន្ធនាយកសារព័ត៌មាន អ្នករដ្ឋបាល អ្នកច្បាប់ មុខជំនាញការទូត ។លោក ហួត ហាក់ បានប្រឡូកក្នុងការងារ នៅក្នុងវិស័យអធិការកិច្ចប្រមាណជា ៣០ឆ្នាំមកហើយ ដោយធ្លាប់ចូលបម្រើការតាំងពីជាមន្ត្រីធម្មតា ជាប្រធានការិយាល័យ ជាប្រធាននាយកដ្ឋានរដ្ឋបាល និងបុគ្គលិក ពីឆ្នាំ២០០១ ដល់ឆ្នាំ២០០៨ ជាអនុរដ្ឋលេខាធិការរយៈពេល ១០ឆ្នាំ ពីឆ្នាំ២០០៨ ដល់ឆ្នាំ២០១៨ និងជារដ្ឋលេខាធិការទទួលបន្ទុកការងារទទួលពាក្យបណ្តឹង និងអង្កេតស្រាវជ្រាវ ពីឆ្នាំ២០១៨ ដល់ឆ្នាំ២០២៣ នៅក្រសួងអធិការកិច្ចផងដែរ។ក្នុងនាមជារដ្ឋមន្ត្រីថ្មីនៃក្រសួងទេសចរណ៍ លោក ហួត ហាក់ បានប្តេជ្ញាយ៉ាងមុតមាំ ចងចាំជានិច្ចនូវអភិក្រមការងារទាំង៥យ៉ាង របស់ សម្តេចអគ្គមហាសេនាបតីតេជោ ហ៊ុន សែន មហាវីរៈបុរសជាតិខ្មែរ ដែលបានដឹកនាំប្រទេសអស់រយៈកាលជាង ៤០ឆ្នាំនោះគឺ «ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់»។
