អភិបាលរងស្រុកជុំគិរី ទៅរៀបការប្រពន្ធថ្មី ខណៈមិនទាន់លែងលះដាច់

ច្រកទ្វារព្រំដែន ប៉ែកខាងកើត ( កម្ពុជា-វៀតណាម ) ប្រជា ពលរដ្ឋខ្មែរសប្បាយនឹងការលេងល្បែងសុីសងជល់មាន់យ៉ាងគគ្រឹកគគ្រេងក្នុងកាសុីណូ Casino Hotel Hero 777 ឯ ច្រកទ្វារព្រំដែនប៉ែកខាងលិច ( កម្ពុជា- ថៃ )ប្រជាពលរដ្ឋ ភ័យព្រួយនឹងការផ្ទុះអាវុធបាញ់ប្រយុទ្ធគ្នារវាងកងទ័ពថៃ និង កងទ័ពខ្មែរ

ក្រុមហ៊ុនវិនិយោគមួយបានអាជ្ញាបណ្ណគ្រោងបូមខ្សាច់ព្រែកកោះប៉ោតែអាជ្ញាធររសើបកោះប្រជុំជាមួយពលរដ្ឋសិន

បទបញ្ជារបស់នាយករដ្ឋមន្ត្រី ស្តីពីការប្រឆាំងនឹងល្បែងសុីសងគ្រប់ប្រភេទ មិនត្រូវបានអាជ្ញាធរ និងសមត្ថកិច្ចខេត្តព្រៃវែង យកមកអនុវត្តតាមទេ ?

មន្ត្រីនគរបាល២នាក់ ម្នាក់ជាអធិការរងនគរបាលស្រុកបវេល ត្រូវតុលាការឃុំខ្លួន ពាក់ព័ន្ធដោះលែងជនជាតិថៃជាថ្នូរលុយរាប់ម៉ឺនដុល្លារ

ខុសពីក្រុមសកម្មជនការពារព្រៃឈើក្រសួងព័ត៌មានមិនទទួលស្គាល់សកម្មភាពឈ្មោះ អ៊ុក ម៉ៅ ដែលចេញមុខការពារបរិស្ថាន!

ដីព្រៃជាច្រើនហិកតាត្រូវបានក្រុមមន្ត្រីបរិស្ថានដែនជម្រកសត្វព្រៃស្រែវាលនិងបក្ខពួកឃុបឃិតជាមួយឈ្មួយទន្ទ្រានធ្វើជាកម្មសិទ្ធ?

ជាច្រើនទៀត

ចំនួនអ្នកទស្សនា

ថ្ងៃនេះ 264 នាក់

ម្សិលមិញ 6243 នាក់

សរុប 16966485 នាក់

រដ្ឋមន្ត្រីក្រសួងបរិស្ថានបើការដ្ឋានកសាងហេដ្ឋារចនាសម្ពន្ធ័តមបន់ទសចរបៃតងភ្នំខ្នងផ្សារ

21-May-2025 / ទេសចរណ៏និងវប្បធម៌

ខេត្តកំព ង់ស្ពឺ៖កាលពីថ្ងៃទី១៦ ខែឧសភា ឆ្នាំ២០២៥ កន្លងទៅរដ្ឋមន្ត្រីក្រសួងបរិស្ថាន បានបើកការដ្ឋានសាងសង់ផ្លូវចូលទៅកាន់ ភ្នំខ្នងផ្សារ និងហេដ្ឋារចនាសម្ព័ន្ធបម្រើឱ្យគោលដៅលម្ហែបៃតងតំបន់ភ្នំខ្នងផ្សារ ស្ថិតនៅក្នុងភូមិតាំងបំពង់ ស្រុកឱរ៉ាល់ ខេត្តកំពង់ស្ពឺ ក្នុងគោលបំណងជំរុញការអភិវឌ្ឍសេដ្ឋកិច្ច និងលើកកម្ពស់ជីវភាពប្រជាពលរដ្ឋក្នុងតំបន់ តាមរយៈគម្រោងលម្ហែបៃតង ។ a sophalet hill1

បើតាមលោករដ្ឋមន្ត្រី គម្រោងលម្ហែបៃតងភ្នំខ្នងផ្សារ នឹងបង្កើតអនាគតថ្មីដល់ប្រជាសហគមន៍មូលដ្ឋាន ដោយពួកគាត់អាចចូលរួមការពារ និងអភិរក្សធនធានធម្មជាតិ ហើយសហគមន៍មូលដ្ឋានអាចធ្វើការគ្រប់គ្រង ដើម្បីលើកកម្ពស់ជីវភាពគ្រួសារ និងប្រែក្លាយសហគមន៍ឱ្យទៅជាសហគ្រិន ដែលជាការប្តូរពីការប្រព្រឹត្តបទល្មើសព្រៃឈើខុសច្បាប់ មកចូលរួមចំណែកកាន់តែប្រសើរ ក្នុងការការពារ និងអភិរក្សធនធានធម្មជាតិ។ ដោយឡែក សម្រាប់គម្រោងលម្ហែបៃតង មាននូវហេដ្ឋារចនាសម្ព័ន្ធដូចជា៖១. ផ្លូវក្រាលក្រួសក្រហម និងក្រាលថ្មម៉ិច ប្រវែង ៧,២ គីឡូម៉ែត្រ និងទទឹងប្រវែង ៨ម៉ែត្រ ចាប់ពីផ្លូវលេខ៤៨.៤ ដល់ជើងភ្នំ២. ផ្លូវឡើងភ្នំខ្នងផ្សារ

៣. ផ្លូវថ្មើរជើងឡើងតំបន់ខ្នងផ្សារ ចាប់ពីចំណុចជើងភ្នំ ដល់ដំណាក់ដានព្រះ ចម្ងាយប្រមាណ ៤គីឡូម៉ែត្រ និងគ្រោងរៀបចំកន្លែងសម្រាកជាដំណាក់ៗ ដែលមានដើមឈើហូបផ្លែ និងឈើព្រៃផ្តល់ម្លប់ ក៏ដូចជាប្រព័ន្ធទឹកស្អាតសម្រាប់បរិភោគ រួមជាមួយនឹងស្លាកសញ្ញាព័ត៌មាននៅតាមកន្លែងសម្រាកនីមួយៗ៤. ចំណតយានយន្ត នៅកន្លែងដំណាក់ដានព្រះ៥. ហេដ្ឋារចនាសម្ព័ន្ធគាំទ្រ មានដូចជា ៖ ហាងកាហ្វេ កន្លែងផ្តល់ព័ត៌មាន ប្រព័ន្ធអគ្គិសនីដើរដោយថាមពលព្រះអាទិត្យ ប្រព័ន្ធទឹកស្អាត កន្លែងបោះតង់ កន្លែងសង្គ្រោះបឋម អាហារដ្ឋាន និងកន្លែងទុកដាក់សំរាមផងដែរ ។

មានប្រសាសន៍ក្នុងកម្វិធីលោករដ្ឋមន្រ្តីបានណែនាំមន្រ្តីបរិស្ថាន ណែនាំ ឱ្យប្រើប្រាស់ឈើ ដែលត្រូវបានគេកាប់រំលំរួចហើយ ដើម្បី ធ្វើគន្លងផ្លូវអូសខ្សែអគ្គិសនីនាពេលកន្លងមកនោះ យកទៅប្រើប្រាស់ក្នុងការសាងសង់ហេដ្ឋារចនាសម្ព័ន្ធ មណ្ឌលនានា និងផ្លូវឡើងទៅលើភ្នំ ដោយមិនឱ្យមានការដឹកឈើទាំងនោះចេញ និងកាប់ថ្មីនោះទេ។

លោករដ្ឋមន្រ្តី សុផល្លែតបានបញ្ជាក់ថា៖«ហាម ដាច់ខាតមិនឱ្យកាប់ឈើ យកមកប្រើប្រាស់សម្រាប់ ការសាងសង់អ្វីទាំងអស់នៅទីនេះ។ សម្តេចធិបតីឡើងភ្នំខ្នងផ្សារ ទៅដល់លើ គាត់សួររកចៅហ្វាយស្រុក គាត់សួររកប្រធានដែន[ជម្រកសត្វព្រៃ] ប្រធានការិយាល័យ។ គាត់ថាបើបាត់ដើមឈើមួយដើម បាត់ប្រធានការិយាល័យដែរ។ រាប់ដាក់ដ្រូនរាប់។ បើបាត់ដើមឈើ គឺបាត់ប្រធានការិយាល័យដែរ។ មន្ទីរបរិស្ថានស្តាប់ អត់និយាយលេងទេ។ ខ្ញុំចាត់ការ តាមអនុសាសន៍របស់សម្តេចធិបតី»។

លោកនាយករដ្ឋមន្រ្តីហ៊ុន ម៉ាណែតបានដឹកនាំ ថ្នាក់ដឹកនាំក្រសួងបរិស្ថាន ក្រសួងទេសចរណ៍ និងរដ្ឋបាលខេត្ត ចុះពិនិត្យមើលស្ថានភាពជាក់ស្តែងនៅតំបន់ខ្នងផ្សារ និងភ្នំសំពៅកាលពីខែមីនាកន្លងមក។ ក្រោយមក ក៏មានការដកហូតដីពីក្រុមហ៊ុនចំនួន៤ផងដែរ ដើម្បីយកមកអភិវឌ្ឍ ឱ្យប្រជាសហគមន៍រលាក់កងជើងគ្រប់គ្រងវិញ។

សូមបញ្ជាក់ថាសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កាលពីឱកាសបំពេញទស្សនកិច្ចនៅតំបន់ភ្នំខ្នងផ្សារកាលពីថ្ងៃទី០៨ ខែមីនា ឆ្នាំ២០២៥ កន្លងទៅបានដាក់ចេញ គោលដៅថែរក្សា អភិរក្ស និងអភិវឌ្ឍដោយចីរភាពនូវតំបន់ភ្នំខ្នងផ្សារឱ្យបានកាន់តែប្រសើរឡើង និងក្លាយជាគោលដៅទាក់ទាញទេសចរបានកាន់តែច្រើន a sophalet hill a sophalet hill2