ចូលរួមបុណ្យទន្លេលើកទី៩ នៅខេត្តតាកែវសម្តេចមហាបវរធិបតី អះអាងពីការខិតខំបង្កើតព្រិត្តិការណ៍ទេសចរណ៍
11-March-2026 / ទេសចរណ៏និងវប្បធម៌
ខេត្តតាកែវ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា មានប្រសាសន៍ថា រាជរដ្ឋាបាលនីតិកាលទី ៧ បានចាត់ទុកវិស័យទេសចរណ៍ជាវិស័យអាទិភាពមូយដែលរួមចំណែក អភិវឌ្ឍន៍សេដ្ឋកិច្ចតាមរយៈផ្ដល់ការងារប្រាក់ចំណូលបង្កើនចំណូលជាតិចូលរួមការពាក្យអភិរក្សបរិស្ថានវប្បធម៌។
ក្នុងឳកាសអញ្ជើញជាអធិបតីបើកពិធីបុណ្យទន្លេលើកទី៩ នៅក្នុងខេត្តតាកែវ នៅល្ងាចថ្ងៃទី២២ ខែមីនា ឆ្នាំ២០២៥នេះ សម្ដេចធិបតី បានស្នើក្រសួងទេសចរណ៍ជួយសហគមន៍បង្រៀន បង្កើនសមត្ថភាពធ្វើទំនាក់ទំនងទីផ្សារ និងការបដិសណ្ឋារកិច្ចទទួលភ្ញៀវទេសចរ និងចងក្រងឲ្យមានសហគមន៍ទេសចរណ៍។សម្ដេចធិបតីបន្ថែមថា ក្រសួងទេសចរណ៍ត្រូវជួយផ្សព្វផ្សាយនូវផលិតផលរបស់សហគមន៍ឲ្យពិភពលោកដឹងតាមរយៈផេករបស់ក្រសួង។
សម្តេចមហាបវរធិបតី ហ៊ុន ម៉ាណែត បានថ្លែងថា កត្តាសុខសន្តិភាពកម្ពុជាបានក្លាយជាគោលដៅទេសចរណ៍, វិនិយោគ និងពាណិជ្ជកម្ម ដ៏គួរឱ្យទាក់ទាញមួយក្នុងតំបន់អាស៊ី ជាពិសេសបានធ្វើឱ្យវិស័យទេសចរណ៍ក្លាយជាកម្លាំងចលករដ៏សំខាន់ ក្នុងរយៈពេល៣០ឆ្នាំចុងក្រោយនេះ ក្នុងការចូលរួមជំរុញវឌ្ឍនភាពសេដ្ឋកិច្ចកម្ពុជាឱ្យកើនឡើងប្រមាណ១៣ដង ធៀបនឹងឆ្នាំ១៩៩៣។
សម្តេចមហាបវរធិបតី ហ៊ុន ម៉ាណែត បានថ្លែងថា រាជរដ្ឋាភិបាល ខិតខំបង្កើតព្រឹត្តិការណ៍ និងផលិតផលទេសចរណ៍ជាច្រើនថ្មីៗ ដែលមានភាពទាក់ទាញ ព្រមទាំងជួយលើកស្ទួយគុណតម្លៃនៃវប្បធម៌ និងអត្តសញ្ញាណជាតិខ្មែរថែមទៀត។សម្តេចមហាបវរធិបតី ហ៊ុន ម៉ាណែត បានថ្លែងថា ព្រឹត្តិការណ៍បុណ្យទន្លេ, អង្គរសង្ក្រាន្ត និងផ្លូវថ្មើរជើងជាដើម គឺសុទ្ធសឹងតែជាកិច្ចខិតខំ ប្រឹងប្រែងជាប្រចាំពីសំណាក់រាជរដ្ឋាភិបាល និងអាជ្ញាធរមូលដ្ឋាន ក្នុងការប្រឡងប្រជែង ទាក់ទាញភ្ញៀវទេសចរ ដើម្បីបង្កើនចំណូលដល់ប្រជាជន និងអាជីវករ នៅមូលដ្ឋានផ្ទាល់។
ពិធីបុណ្យទន្លេលើកទី៩ ក្នុងខេត្តតាកែវ រៀបចំឡើងក្រោមប្រធានបទ « គុណ តម្លៃនៃទន្លេ៖ ផ្សារភ្ជាប់វប្បធម៌ និងទេសចរណ៍ធម្មជាតិ» ដែលប្រារព្ធ ធ្វើ ឡើងរយៈពេល៣ថ្ងៃ គឺថ្ងៃទី២១ ២២ និង២៣ ខែមីនា ឆ្នាំ២០២៥។
ពិធីបុណ្យទន្លេ ត្រូវបានប្រារព្ធឡើង៖-លើកទី១ ឆ្នាំ២០១៥ នៅខេត្តក្រចេះ, ។-លើកទី២ ឆ្នាំ២០១៦ នៅខេត្តកំពង់ចាម-ត្បូងឃ្មុំ, ។-លើកទី៣ ឆ្នាំ២០១៧ នៅខេត្តស្ទឹងត្រែង,។-លើកទី៤ ឆ្នាំ២០១៨ នៅ ខេត្តកណ្ដាល,។
-លើកទី៥ ឆ្នាំ២០១៩ នៅខេត្តកំពង់ឆ្នាំង ។-លើកទី៦ ឆ្នាំ២០២០ នៅខេត្តបាត់ ដំបង,!-លើកទី៧ ឆ្នាំ២០២៣ នៅខេត្តកំពង់ធំ ។-លើកទី៨ ឆ្នាំ២០២៤ នៅខេត្ត សៀម រាប
-និងលើកទី៩ឆ្នាំ២០២៥ នៅលើទឹកដីខេត្តតាកែវ។
ពិធីបុណ្យទន្លេ បានក្លាយជាព្រឹត្តិការណ៍ទេសចរណ៍ដ៏សំខាន់មួយ សម្រាប់ កម្ពុជា ដែលមិនត្រឹមតែ ចូលរួមចំណែកក្នុងការផ្សព្វផ្សាយពីសក្តា នុពល ទេស ចរណ៍ នៃខេត្តជាប់ដងទន្លេរបស់កម្ពុជា ប៉ុណ្ណោះ ទេ ប៉ុន្តែថែមទាំងចូល រួមគាំទ្រ នយោបាយរបស់រាជ រដ្ឋាភិបាល ក្នុងការយកចិត្តទុកដាក់ អភិវឌ្ឍ តំបន់តាមដងទន្លេប្រកបដោយនិរន្ត រភាព និងការទទួលខុសត្រូវ។– ការតាំងពិព័រណ៍សមិទ្ធផលក្នុងវិស័យទេសចរណ៍មហោស្រពម្ហូបអាហារ និងភេសជ្ជៈ ការតាំងពិព័រណ៍ពាណិជ្ជកម្ម ផលិតផលកសិ-ទេសចរណ៍ និងផលិតផលក្នុងស្រុក ព្រមទាំងការបង្ហាញសមិទ្ធផល និងគម្រោងអភិវឌ្ឍន៍នានារបស់ខេត្តតាកែវ។– សកម្មភាពកីឡាទេសចរណ៍ ជាលក្ខណៈមហាជនដែលមានសកម្មភាពកីឡាជាច្រើនប្រភេទ រួមជាមួយកម្មវិធីបង្ហោះគោមនៅពេលរាត្រី និងកម្មវិធីកម្សាន្តជាច្រើនផ្សេងៗទៀតផងដែរ។
