ប្រពន្ធតាមទាន់លោកប្តី នាំស្រីមកឡើងឋានសួគ៌ នៅសណ្ឋាគារអូរមាស ក្រុងប៉ោយប៉ែតប្តឹងឲ្យចាប់ដាក់គុក !?
26-December-2024 / សន្តិសុខសង្គម
ខេត្តបន្ទាយមានជ័យ ៖ , កាលពីវេលាម៉ោង២រំលងអាធ្រាត្រឈានចូលថ្ងៃទី៨ ខែធ្នូ ឆ្នាំ២០២៤ កម្លាំងនគរបាលក្រុងប៉ោយប៉ែត ខេត្តបន្ទាយមានជ័យ បានចុះទៅឃាត់ខ្លួន បុរសឈ្មោះ ហុក វិចិត្រ និងស្ត្រីឈ្មោះ យក់ ដាណែត តាមពាក្យបណ្តឹងឈ្មោះ អ៊ុយ ច័ន្ទនិមលដែលត្រុវជាប្រពន្ធ ប្តឹងថាប្តី ខ្លួន បាននាំស្រីស្នេហ៍ទៅក្រេបទឹកឃ្មុំនៅក្នុងសណ្ឋាគារអូរមាស ក្រុងប៉ោយប៉ែត ខេត្តបន្ទាយមានជ័យ ។
សមត្ថកិច្ចនគរបាលក្រុងប៉ោយប៉ែត បាននាំខ្លួនអ្នកទាំងពីរ មកកាន់អធិការដ្ឋាន នគរបាលក្រុងប៉ោយប៉ែត ដើម្បីសាកសួរ តាមនីតិវិធី ។
សូមបញ្ជាក់ថា ៖បើតាមប្រភពពីខាងភរិយាបានឲ្យដឹងថា កន្លងទៅ ភរិយាធ្លាប់បានប្តឹង លោកប្តីកំហូចទៅ លោកអធិការនគរបាលខណ្ឌជ្រោយចង្វារ ថា ៖ សុំប្តឹងពីឈ្មោះ ហុក វិចិត្រ ភេទប្រុស អាយុ៣៩ឆ្នាំ(ត្រូវជាប្តី) មានលំនៅ ភូមិសន្សំកុសល សង្កាត់បឹង ទំពុន ខណ្ឌមានជ័យ រាជធានីភ្នំពេញ និង នារី ឈ្មោះ យក់ ដាណែត ភេទស្រី អាយុ៣១ឆ្នាំ មានទីលំនៅ ផ្ទះ លេខAB20 ផ្លូវ 56R ក្រុមទី៥ ភូមិទួលថ្លាន់ សង្កាត់ទួលសង្កែ២ ខណ្ឌឬស្សីកែវ រាជធានីភ្នំពេញ ពីបទ អំពីអំពើជិតក្បត់ !។
ភរិយាថានៅក្នុងខែមិថុនា ឆ្នាំ២០២១ ប្តីរបស់នាងខ្ញុំចាប់ផ្តើមមានទំនាក់ទំនង ស្នេហាគ្នាលួចលាក់ជាមួយនារីម្នាក់ ឈ្មោះ យក់ ដាណែត ដែលជា សមាជិកបណ្តាញធុរកិច្ច ជាមួយគ្នា។ ចាប់ពីពេលមានទំនាក់ទំនងស្នេហាលួចលាក់ ជាមួយនារីឈ្មោះ យក់ ដា ដាណែត នោះមកប្តីរបស់នាងខ្ញុំតែងតែ បង្កជំលោះនៅក្នុងគ្រួសារ និងបំផ្លាញលុយកាក់ទ្រព្យសម្បត្តិនៅក្នុងផ្ទះអស់ជាច្រើន ហើយបានចុះចេញពី ផ្ទះទៅរស់នៅជាមួយនារីឈ្មោះ យក់ ដាណែត ដោយលួចលាក់ដោយរស់នៅចល័តម្តងនៅកន្លែងនេះ ម្តង នៅកន្លែងនោះ ដោយនាងខ្ញុំមិនអាចដឹងច្បាស់។”
លោកស្រីបន្តថា ៖ កាលពីថ្ងៃទី១៨ ខែវិច្ឆិកា ឆ្នាំ២០២២ នាងខ្ញុំបានតាមទាន់ប្តីនាងខ្ញុំ ឈ្មោះ ហុក វិចិត្រ ដែលកំពុងស្នាក់នៅ ជាមួយនារីឈ្មោះ៖ យក់ ដាណែត នៅផ្ទះលេខBAB20 ផ្លូវ 56R-ក្រុមទី5-ភូមិទួលថ្ងាន់ សង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ ស្ថិតនៅក្នុងបុរីមង្គលភ្នំពេញ ។ នាងខ្ញុំក៏បានប្តឹងរាយការ កាណ៍ទៅមូលដ្ឋាននគរបាលប៉ុស្តិ៍ទួលសង្កែទី២ផងដែរ ។ ចាប់ពីពេលនោះមកប្តីរបស់នាងខ្ញុំនិងនារីឈ្មោះ យក់ ដាណែត បានរស់នៅចល័តតាមខុនដូរចំនួន០២ កន្លែងទៀត នៅក្នុងខណ្ឌទួលគោក (ឈ្មោះ ខុនដូររ៉ូ យាល់ផាក និង ខុនដូរផាំស្វែ) ពេលដឹងថានាងខ្ញុំតាមរកប្តីនាងខ្ញុំនិងឈ្មោះ យក់ ដាណែត បានឈប់រស់នៅ ក្នុងខុនដូរនោះហើយ ហើយមករស់នៅក្នុងផ្ទះវីឡាក្នុងបុរីវិមានភ្នំពេញ ស្ថិតនៅក្នុងភូមិបាក់ខែង សង្កាត់ ព្រែកលៀប ខណ្ឌជ្រោយចង្វារ រាជធានីភ្នំពេញ ផ្ទះលេខ60F ផ្លូវលេខ១ ។
ភរិយាជើងខ្លាំងប្រាប់ថានាងខ្ញុំបានតាមរកផ្ទះ ខាងលើឃើញ កាលពីថ្ងៃទី១៤ ខែមេសា ឆ្នាំ២០២៤ ហើយនិងខ្ញុំសង្ស័យថាប្តីនាងខ្ញុំនិងនារី ឈ្មោះ យក់ ដាណែតរស់នៅជាមួយគ្នា ហើយនាងខ្ញុំសង្ស័យថា ឈ្មោះ យក់ ដាណែត កំពុងមានមានផ្ទៃពោះទៀតផង។នៅព្រឹកថ្ងៃទី៨ ខែធ្នូ ឆ្នាំ២០២៤ លោកស្រី អ៊ុយ ច័ន្ទនិមល អាយុ ៤០ ឆ្នាំ បានឱ្យដឹងថា ៖ គាត់បានតាមប្តីជាមួយកូនប្រុសក៏ឃើញឡាន នៅសណ្ឋាគារ អូរមាស ក៏ប្តឹងសមត្ថកិច្ចតាមនីតិវិធី ទើបសមត្ថកិច្ចឃាត់ខ្លួនអ្នកទាំងពីរ មកកាន់អធិការដ្ឋាននគរបាលក្រុងប៉ោយប៉ែត ។ លោកស្រីបន្តថា ៖ លោកប្តីបានគម្រាមគាត់ មិនឱ្យបង្ហោះសកម្មភាពដែលខ្លួនមានសហាយស្មន់ ទាំងគាត់កំពុងប្រព្រឹត្តបទល្មើស ដែលសមត្ថកិច្ចចុះឃាត់ខ្លួនដោយផ្ទាល់នោះ។
សូមបញ្ជាក់ថា ៖ លោកស្រី អ៊ុយ ច័ន្ទនិមល និងលោក ហុក វិចិត្រ បានរៀបអាពាហ៍ពិពាហ៍ជាមួយគ្នា ក្នុងកំឡុងឆ្នាំ២០០៩ មកដល់បច្ចុប្បន្ន មានកូន៣នាក់ ក្នុងបន្ទុក ក្នុងនោះកូនស្រី១ ប្រុស២ ។ស្រី ជាភរិយាបានសំណូមពរ ឲ្យសមត្ថកិច្ចធ្វើការស្រាវជ្រាវឃាត់ខ្លួនប្តីនាងឈ្មោះ ហុក វិចិត្រ និង នារី ឈ្មោះ យក់ ដាណែត ដែលបានប្រព្រឹត្តិអំពើផិតក្បត់ដើម្បីផ្តន្ទាទោស អ្នកទាំងពីរ តាមផ្លូវច្បាប់។
នៅចំពោះមុខសមត្ថកិច្ចនគរបាលក្រុងប៉ោយប៉ែត ភរិយាស្របច្បាប់ បានសំណូមពរឲ្យសមត្ថកិច្ចចាត់វិធានការទៅតាមផ្លូវច្បាប់ និងសូមឱ្យលោកប្ដីជាមួយស្រីកំណាន់ចិត្តក្រោយ យកកូនមកពិនិត្យមើល DNA បន្ទាប់ពីលោកប្ដីបានប្រាប់សមត្ថកិច្ចថា ស្ត្រីដែលបានឃាត់ខ្លួននោះ គឺជាប្រពន្ធក្រោយរបស់គាត់ ដូច្នេះភរិយាស្របច្បាប់ សូមឱ្យយកកូននោះមកពិនិត្យមើល DNA ។បច្ចុប្បន្នសមត្ថកិច្ចនគរបាលក្រុងប៉ោយប៉ែត កំពុងធ្វើការសាកសួរតាមនីតិវិធី ដើម្បីកសាងសំណុំរឿងបញ្ជូនទៅសាលាដំបូងខេត្ត ប្រសិនគ្មានការសម្របសម្រួលគ្នាទេ។គេមិនដឹងថាតើផ្ទៃក្នុងគ្រួសារមួយហ្នឹងវាយ៉ាងម៉េចបានជាបុរសជាប្តីលួចមានស្រីហើយមិនព្រមលែងលប្រពន្ធឲ្យដាច់ចឹងនោះទេ។ព្រោះស្រុកខ្មែររដ្ឋធម្មនុញ្ញាតម្រូវឲ្យមានតែប្តីមួយប្រពន្ធមួយទេ។បើមានអ្នកអ្នកណាប្តឹងមិនអីទេបើប្តឹងច្បាស់ជាគុកព្រោះជាបទល្មើសព្រហ្មទណ្ឌបើតាមច្បាប់ឯកពន្ធភាព៕
