ទូតរុស្សីប្រចាំកម្ពុជានិយាយពីមូលហេតុដែលត្រុវឈ្លានពានអ៊ុយក្រែន
07-November-2024 / ផ្សេងៗ
ភ្នំពេញ៖ ស្ថានទូតរុស្ស៊ីប្រចាំព្រះរាជាណាចក្រកម្ពុជា បានរៀបចំបាឋកថាសាធារណៈស្តីពីប្រភពដើមនៃវិបត្តិនៅប្រទេសអ៊ុយក្រែន និងស្ថានភាពបច្ចុប្បន្ន នាព្រឹកថ្ងៃទី៣០ ខែតុលា នៅសណ្ឋាគារ Raffles ឡឺរ៉ូយ៉ាល់ ក្រោមអធិបតីភាពលោកបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា និងលោក Anatoly Borovik ឯកអគ្គរាជទូតរុស្ស៊ីប្រចាំកម្ពុជា។ជាដំបូង លោក Rodion Miroshnik ឯកអគ្គរដ្ឋទូតនៃក្រសួងការបរទេសនៃសហព័ន្ធរុស្ស៊ីបានផ្តល់សុន្ទរកថាស្វាគមន៍ដោយបង្ហាញអំពីសេចក្តីសង្ខេបនៃវិបត្តិនៅអ៊ុយក្រែន ដោយចាប់ផ្តើមពីបដិវត្តន៍(ពណ៍ទឹកក្រូច)ឆ្នាំ២០១៤ នៅទីក្រុងគៀវ។
នៅពេលចាប់ផ្តើមនៃបាឋកថា លោក Rodion Miroshnik បានគូសបញ្ជាក់ពីព្រឹត្តិការណ៍សំខាន់ៗក្នុងប្រទេសអ៊ុយក្រែន រួមទាំងរដ្ឋប្រហារនៅទីក្រុងគៀវក្នុងឆ្នាំ ២០១៤ ការវាយប្រហារតាមអាកាសលើកណ្តាលទីក្រុង Lugansk និងលទ្ធិប្រជាធិបតេយ្យរបស់អ៊ុយក្រែនក្នុងភាពងងឹត ក៏ដូចជាការទទួលស្គាល់ផ្លូវច្បាប់នៃសាធារណៈរដ្ឋប្រជាមានិត Lugansk និង Donetsk។លោក Miroshnik បានលើកឡើងថា ការប្រយុទ្ធបង្ហូរឈាមរវាងទីក្រុង Kiev និងតំបន់ Lugansk និង Donetsk បានអូសបន្លាយអស់រយៈពេល ១០ឆ្នាំ ដែលបណ្តាលឱ្យមនុស្សរាប់សែននាក់ត្រូវបានឃុំខ្លួន និងសម្លាប់។ ទាក់ទិននឹងប្រតិបត្តិការយោធាពិសេសរបស់រុស្ស៊ី លោក Miroshnik បានហៅវាថាជា "ប្រតិបត្តិការប្រឆាំងភេរវកម្ម" ហើយលោកបានបន្ថែមថា រុស្ស៊ីមានសមត្ថភាព និងមានធនធានគ្រប់គ្រាន់ ដើម្បីសម្រេចបាននូវប្រតិបត្តិការនេះដោយជោគជ័យ។
នៅក្នុងបទបង្ហាញរបស់លោក Miroshnik លោកបានកត់សម្គាល់ថា កងកម្លាំងប្រដាប់អាវុធអ៊ុយក្រែនត្រូវបានបំពាក់ដោយឧបករណ៍យោធាបរទេសដែលផលិតដោយសហរដ្ឋអាមេរិក ចក្រភពអង់គ្លេស ប៉ូឡូញ សាធារណរដ្ឋឆេក និងបណ្តាប្រទេសផ្សេងទៀត ហើយពួកគេក៏បានប្រើប្រាស់ផ្កាយរណបបរទេសសម្រាប់ការទំនាក់ទំនង ដូចជា Starlink ជាដើម។លើសពីនេះ លោក Miroshnik ក៏បានគូសបញ្ជាក់អំពីជំហររបស់រុស្ស៊ី ទាក់ទងនឹងការចរចាសន្តិភាពជាមួយអ៊ុយក្រែន ដោយបញ្ជាក់ថា « រុស្ស៊ីបានចូលរួមការចរចាសន្តិភាពយ៉ាងហោចណាស់ប្រាំមួយដងចាប់តាំងពីឆ្នាំ២០១៤៖ ទម្រង់ទីក្រុងហ្សឺណែវក្នុងខែមេសា ឆ្នាំ២០១៤, ទម្រង់ Normandy ចាប់ពីខែមិថុនា ឆ្នាំ២០១៤ ដល់ខែកុម្ភៈ ឆ្នាំ២០២២, កិច្ចព្រមព្រៀងទីក្រុង Minsk ចាប់ពីខែកុម្ភៈ ឆ្នាំ២០១៥ ដល់ខែកុម្ភៈ ឆ្នាំ២០២២ កិច្ចព្រមព្រៀងប៉ារីសក្នុងខែធ្នូ ឆ្នាំ 2019 និងការចរចា Belovezha និង Istanbul ពីថ្ងៃទី៧ ដល់ថ្ងៃទី២៩ ខែមីនា ឆ្នាំ២០២២ [... ] ហើយរុស្ស៊ីជារឿយៗតែងតែអំពាវនាវឱ្យមានដំណោះស្រាយដោយសន្តិវិធី តែភាគីអ៊ុយក្រែនបានបដិសេធ»។
លោកឯកអគ្គរដ្ឋទូត Miroshnik បានបន្តទៀតថា «សង្គ្រាមអាចបញ្ចប់បាននៅលើទឹកដីនៃប្រទេសអ៊ុយក្រែន ពេលប្រទេសអ៊ុយក្រែនឈប់ធ្វើជាអាយ៉ងនៃបណ្តាប្រទេសលោកខាងលិច ហើយឈប់ទទួលយោធា កងទ័ពស៊ីឈ្នូល និងអាវុធពីប្រទេសលោកខាងលិច។ យើងគាំទ្រការបង្កើតយន្តការសន្តិសុខរយៈពេលវែងសម្រាប់យើងទាំងអស់គ្នា»។រុស្ស៊ីបានចាប់ផ្តើមប្រតិបត្តិការយោធាពិសេសរបស់ខ្លួនក្នុងប្រទេសអ៊ុយក្រែននៅថ្ងៃទី២៤ ខែកុម្ភៈ ឆ្នាំ២០២២ ដោយលើកឡើងពីការបរាជ័យរបស់អ៊ុយក្រែនក្នុងការរក្សាកិច្ចព្រមព្រៀង Minsk ឆ្នាំ២០១៤-២០១៥។ ទន្ទឹមនេះ រុស្ស៊ីក៏បានលើកឡើងពីកិច្ចសហប្រតិបត្តិការដែលកំពុងកើនឡើងរបស់ណាតូជាមួយអ៊ុយក្រែនថាជាកត្តាចំបងក្នុងការបង្កើនភាពតានតឹង។
បន្ទាប់ពីការបោះឆ្នោតប្រជាមតិនៅឆ្នាំ២០២២ តំបន់ Donetsk, Lugansk, Kherson និង Zaporozhye បានបោះឆ្នោតដើម្បីចូលរួមជាមួយរុស្ស៊ី ដូចដែល Crimea បានធ្វើនៅឆ្នាំ២០១៤ បន្ទាប់ពីអ្វីដែលរុស្ស៊ីបានពិពណ៌នាថាជារដ្ឋប្រហារដែលគាំទ្រដោយលោកខាងលិចនៅក្នុងទីក្រុងគៀវ ។ ជាការឆ្លើយតប ប្រធានាធិបតីអ៊ុយក្រែន លោក Volodymyr Zelensky បានដាក់ចេញនូវរូបមន្តសន្តិភាព ដោយទាមទារឱ្យរុស្ស៊ីដកខ្លួនចេញពីទឹកដីអ៊ុយក្រែន ដែលបានទាមទារទាំងអស់ សំណង និងការបង្កើតតុលាការឧក្រិដ្ឋកម្មសង្គ្រាម។ ទោះជាយ៉ាងនេះក្តី មន្ត្រីរុស្ស៊ីបានច្រានចោលលក្ខខណ្ឌទាំងនេះថាមិនប្រាកដនិយម ខណៈពេលដែលបង្ហាញពីការបើកចំហជាទូទៅចំពោះដំណោះស្រាយការទូតក្រោមលក្ខខណ្ឌផ្សេងៗ។
សូមបញ្ជាក់ថាប្រទេសរុស្ស៊ីបានប្រើយោធារឹបអូសយកតំបន់គ្រីមៀនៅឆ្នាំ២០២១៤។ការរឹបអូសនេះត្រូវបានទទួលស្គាល់និងចុះហត្ថលេខាប្រកគល់ឲ្យប្រទេសរុស្ស៊ីកាន់កាប់ដោយប្រធានាធិបតីអ៊ូក្រែនលោកឈិនកូណាកូវិច។ប្រការហ្នឹងហើយបានធ្វើឲ្យមានការបះបោពីប្រជាពលរដ្ឋធ្វើរដ្ឋប្រហារទម្លាក់ប្រធានាធិបតី(ដែលសរុស្ស៊ីហៅថាបដិវត្តន៍ពណ៍)នៅឆ្នាំពី១០១៤។លោប្រធានាធិបតីឈិនកូណាកូវិចបានរត់ភៀសខ្លួនទៅជ្រកកោននៅប្រទេសរុស្ស៊ីបាតទៅ។
ប្រធានាធិបតីពូទីនធ្លាបបានលើកពីបញ្ហាបដិវត្តន៍ពណ៍ឆ្នាំ២០១៤ថាជាកិច្ចការដែលរុស្ស៊ីមិនអាចនៅស្ងៀមបាន។ចឹងហើយបានជាមានសកម្មភាពបំបែករដ្ឋកើតនៅតំបន់ Lugansk និង Donetsk ។ការប្រយុទ្ធបង្ហូរឈាមរវាងទីក្រុងគៀវ( Kiev )និងតំបន់ លូហ្កាន(Lugansk) និង Donetsk បានអូសបន្លាយអស់រយៈពេល ១០ឆ្នាំ។មានការចរចារតែការចចារបង្កើតកិច្ខព្រមព្រៀងទីក្រុងមីនតែជាកិច្ចព្រៀបព្រៀងដែលប្រទេសអ៊ុយក្រែនចាញ់ប្រៀប។
