» ឪពុក​បង្កើត​អតីត​ឧកញ៉ា​ហេង​សិទ្ធី​សម្រេចចិត្ត​បោះបង់ចោល​តួនាទី​ឯកឧត្តម​អត់​ស្តាយ​ » គ្រូបាធ្យាយ ឧកញ៉ា ឆេង ស្រីរ័ត្ន ហៅ Love Riya ខ្លាំង​មែន​សំពះ​តិច​រួច​បញ្ហា​បាត់​អ្នកផ្សេងស្ពៃ » ករណី​គ្រូបង្រៀន​កិច្ចសន្យា​នៅ​សាលាបឋមសិក្សា​ទួល​កី ខណ្ឌ​កំបូល ដែល​ត្រូវបាន​បញ្ឈប់​ពី​ការងារ​សិស្ស​រៀន​គរ​គ្នា​ត្រូវ​ដោះស្រាយ​! » នាយករដ្ឋមន្ត្រី​ចុះ​ពិនិត្យ​ច្រវាក់​ផលិតកម្ម​រោងចក្រ​ម៉ូតូ​ក្រុមហ៊ុន អិន ស៊ី អិ​ច (NCX) នៅ​សង្កាត់​ចោមចៅ រាជធានី​ភ្នំពេញ​ » លោកស្រី ឆេង ស្រីរ័ត្ន ហៅ Love Riya​ឧកញ៉ា​លក់​ឡេ​ត្រូវបាន​ប៉ូលិស​និង​សមាគម​ឧកញ៉ា​ហៅ ចូល​សួរ​រឿង​លេង​ហ្វេ​ស​ប៊ុ​ក​! » អាជ្ញាធរ​ជាតិ​អប្សរា​៖​កុំ​ធ្វើ​ឲ្យ​សត្វ​ស្វា​នៅ​តំបន់​អង្គរ​ផ្លាស់ប្តូរ​ទម្លាប់ និង​មាន​ចរិត​កាច​សាហាវ​! » បែក​រឿង​ករណី​យ៍​ចាប់​ឡាន​ឈើ​ហើយ​ចៅហ្វាយខេត្ត​រាគ​មន៍​គឺជា​ឈើ​របស់​លោកសង្ឃ​! » ពលរដ្ឋ​ប៉ា​ណា​ម៉ា ធើ្វ​ការតវ៉ា​ប្រឆាំង​វត្តមាន​រដ្ឋមន្ត្រីការបរទេស​អាម៉េរិក លើ​បញ្ហា​តំបន់​ព្រែកជីក Panama » ចាប់ខ្លួន​បុរស​ដែល​ថ្លើមធំ យក​ចិញ្ចើមផ្លូវ​សាធារណៈ​ធ្វើ​អាជីវកម្ម ដើរ​ប្រមូល​លុយ​ដាក់​ខែ​ពី​អ្នកលក់ដូរ​ដាក់ចូល​ហោប៉ៅ​របស់ខ្លួន » កាប់​ឈើទាល​អស់​៤៩​ដើម​នៅ​ខេត្ដ​ស្ទឹងត្រែង​ ​សម​ត្ត​កិច្ច​ឃាត់ខ្លួន​ជនសង្ស័យ​បាន​ម្នាក់​?! » ការជួសជុល​កែលម្អ​ផ្លូវ​លេខ​៤៨​ស្រែ​អំ​បឹ​ល​កោះកុង​សម្រេចបាន​ជាង​៨០​ភាគរយ​ហើយ​! » តារា​សម្ដែង​ស្រី​តៃវ៉ាន់ អ្នកនាង Barbie Hsu ដែល​កម្ពុជា​ស្គាល់​ថា​នាង​សាន់ ឆាយ ស្លាប់​ហើយ​ » ឃាតក​តាម​ប​ណ្តោ​ផ្លូវ​៦០​ម៉ែត្រ​ស្តា​រ៉ិ​ច​បុក​រ៉ឺម៉ក​ខូច​ស្លាប់​ម្នាក់​ទៀតហើយ! » សង្គ្រាម​ពា​ណិ​ជ្ចក​ម្មរ​វាង​អាមេរិក​ម៉ិចស៊ិក​កាណាដា​ចាប់ផ្តើម​!? » អភិបាល​រាជធានី​ភ្នំពេញ បញ្ជា​ឲ្យ​បូម​ដី​ចាក់​លុប ទប់ស្កាត់​ការបាក់​ច្រាំងទន្លេ​នៅ​ភូមិ​ខ្ទរ និង​នៅ​ចំណុច​បាក់ស្រុត​នៅ​ចំណុច​មុខ​អនុវិទ្យាល័យ​ចំបក់​មាស

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 7998 នាក់

ម្សិលមិញ 6961 នាក់

សរុប 15995356 នាក់

សម​ត្ត​កិច្ច​បំបែកសំណុំរឿង​ឃាតកម្ម ពាក់ព័ន្ធ​ករណី​រំលោភ​សម្លាប់​ក្មេងស្រី «​កូនភ្លោះ​» ឃាតក​ជា​ព្រះសង្ឃ​


​ខេត្តសៀមរាប ៖ កាលពី​ថ្ងៃទី​២៨ ខែតុលា ឆ្នាំ​២០២៤ កម្លាំង​សមត្ថកិច្ច​នគរបាល​ខេត្តសៀមរាប បាន​ស្រាវជ្រាវ​បំបែកសំណុំរឿង​ដោយ​ជោគជ័យរ​ណី​យ៍​រំលោភ​សម្លាប់​ក្មេងស្រី​អាយុ​៣​ឆ្នាំ​«​កូនភ្លោះ​»​រួច​យក​សាកសព​ទៅ​បោះចោល​នៅ​វាលស្រែ ។​ឃាតករ​ត្រូវបាន​ចាប់ខ្លួន គឺជា​សង្ឃ​គង់នៅ​វត្ត​ប្រាសាទសង្កែ​សិង្ហ ហៅ​វត្ត​ត្រពាំង​ខ្ទះ ក្នុងភូមិ​ត្រពាំង​ខ្ទះ ឃុំ​ស្វាយ​លើ ស្រុក​ស្វាយ​លើ ខេត្តសៀមរាប (​ជា​មុខសញ្ញា​ធ្លាប់​ជាប់ពន្ធនាគារ​ខេត្ត​ប៉ៃលិន​រយៈពេល​៣​ខែ​) ចេញពី​គុក​ហើយទៅ​បួស​ ។​a kill twin2 

 

​ជនសង្ស័យ​មានឈ្មោះ ណាន់ សំនៀង ភេទ​ប្រុស អាយុ​៥៤ ឆ្នាំ ជាស​ង្ឃ ស្នាក់នៅ​វត្ត​ប្រាសាទសង្កែ​សិង្ហ ហៅ​វត្ត​ត្រពាំង​ខ្ទះ ភូមិ​ត្រពាំង​ខ្ទះ ឃុំ​ស្វាយ​លើ ស្រុក​ស្វាយ​លើ ខេត្តសៀមរាប ។​
​បើតាម​សេចក្តី​រាយ​ការ​បាន​ឲ្យ​ដឹង​ពី​អង្គ​ហេតុថា កាលពី​ព្រឹក​ថ្ងៃទី​២៦ តុលា ឆ្នាំ ២០២៤ ឈ្មោះ ដួង ឌី ភេទ​ប្រុស អាយុ​២៥​ឆ្នាំ និង​ប្រពន្ធ​ឈ្មោះ ឈិន សាវ៉ា​ន់ អាយុ​២៥​ឆ្នាំ បាន​ទុក​កូនស្រី​ឈ្មោះ ផុន ស្រី​ខួច អាយុ​១០​ឆ្នាំ ឱ្យនៅ​ចាំផ្ទះ​មើលថែ​ប្អូនៗ​៣​នាក់ ហើយ​ឪពុកម្តាយ​ទាំង​២​នាក់ បាននាំគ្នា​ចេញទៅ​ធ្វើ​ចំការ ដូច​ធម្មតា ។

 

​បន្ទាប់ពី​ឪពុកម្តាយ​ចេញទៅ​ធ្វើ​ចម្ការ​បាត់ នៅវេលា​ម៉ោង​៩​ព្រឹក​ថ្ងៃ​ដដែល ឈ្មោះ ផុន ស្រី​ខួច បាន​នាំ​ប្អូនៗ​ទៅលេង​នៅក្នុង​បរិវេណ​វត្ត​ប្រាសាទសង្កែ​សិង្ហ ហៅ​វត្ត​ត្រពាំង​ខ្ទះ ដែលមាន​ចម្ងាយ​ពី​ផ្ទះ​ប្រហែល​១៥០​ម៉ែត្រ ។ នៅក្នុង​វត្ត ក្មេងៗ​មួយក្រុម​នោះ បាននាំគ្នា​ទៅលេង​កុដិ​សង្ឃ​ឈ្មោះ ណាន់ សំនៀង ដោយ​សង្ឃ​ឃាតករ​បាន​យក​ទូរស័ព្ទដៃ​មកចាក់​រឿង​ភាគ​ឱ្យ​កុមារ​ទាំងអស់​មើល ។

​លុះដល់​វេលា​ម៉ោង​១០​និង​៣០​នាទី កុមារី​ដែលជា​ជនរងគ្រោះ បាន​ចុះ​ពីលើ​កុដិ​ទៅលេង​នៅ​ទីធ្លា​ដី​តែម្នាក់ឯង​វិញ ប៉ុន្តែ​មួយសន្ទុះ​ក្រោយមក ក៏​ស្រាប់​បាត់​ក្មេងស្រី​នោះ​មិនដឹង​ទៅ​ទីណា ។ បងស្រី​ដែលមាន​ភារកិច្ច​មើល​ប្អូន យក​រឿងនេះ​ទៅប្រាប់​ឪពុកម្តាយ ពេលនោះ​ឪពុកម្តាយ​និង​អ្នកជិតខាង រួមទាំង​សាច់ញាតិ​ក្នុងភូមិ បាននាំគ្នា​ជួយ​ដើររក​កុមារី​ដែរ តែ​រក​មិនឃើញ ។

​រហូតដល់​វេលា​ម៉ោង​៩​ព្រឹក​ថ្ងៃទី​២៨ ខែតុលា ឆ្នាំ​២០២៤ គឺ​២​ថ្ងៃក្រោយ​ក៏បាន​ប្រទះឃើញ​កុមារី​រងគ្រោះ ក្លាយជា​សាកសព​ស្លាប់​នៅ​វាល ស្រែ​ខាងត្បូង​វត្ត​ប្រាសាទសង្កែ​សិង្ហ ហៅ​វត្ត​ត្រពាំង​ខ្ទះ ប្រហែល​១៥០​ម៉ែត្រ បាត់ទៅហើយ​។ ឪពុកម្តាយ​ក៏បាន​យក​ព័ត៌មាន​នេះ​ទៅ​រាយ​ការជូន​សមត្ថកិច្ច​ប៉ុស្តិ៍​រដ្ឋបាល​នគរបាល​មូលដ្ឋាន ដើម្បី​ឲ្យ​សមត្ថកិច្ច​ជួយ​ស្រាវជ្រាវ និង​ស្វែងរក​ជន​ជា​ឃាតករ​ដែល​សម្លាប់​កូនស្រី​គាត់ ។​

​ដោយ​អនុវត្តតាម​បញ្ជា​ដឹកនាំ​ពី​លោក​ឧ​ត្ត​ម​សេនីយ​ទោ ហួត សុធី ស្នងការ​នគរបាល​ខេត្តសៀមរាប និង​លោក​វរ​សេនី​ឯក ស្នងការរង​ទទួល​ផែន​ជំនាញ កម្លាំង​ការិយាល័យ​នគរបាល​ព្រហ្មទណ្ឌ​កម្រិតធ្ងន់ បាន​សហការ​ជាមួយ​កម្លាំង​នគរបាល​បច្ចេកទេស​វិទ្យា សាស្ត្រ និង​កម្លាំង​នគរបាល​ស្រុក​ស្វាយ​លើ បាន​ចុះទៅពិនិត្យ​កន្លែងកើតហេតុ និង​ធ្វើ​កោសល​វិ​ច្ច័​យ​លើ​សាកសព ជនរងគ្រោះ​ពិតជា​ស្លាប់​ដោយ​អំពើ​ឃាតកម្ម​រំលោភ​សម្លាប់ ។
​បន្ទាប់ពី ធ្វើការ​ស្រាវជ្រាវ​ស៊ើបអង្កេត​រយៈពេល​២​ថ្ងៃ ទើប​កំណត់​បាន​មុខសញ្ញា​ជនដៃដល់ គឺជា​ព្រះសង្ឃដែលគេជឿថាជាមនុស្សញៀនថ្នាំ ហើយ​ក៏បាន​នាំខ្លួន​ទៅ​សាកសួរ និង​ប្រគល់​ឲ្យ​ខាង​ធម្មការ​គណៈកម្មការ និង​ព្រះចៅអធិការ​វត្ត ផ្សឹក​សង្ឃ​អង្គ​នោះ​ដើម្បី​បន្ត​នីតិវិធី ។a kill twin a kill twin1