គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 5912 នាក់

ម្សិលមិញ 9639 នាក់

សរុប 20696083 នាក់

ជនត្រូវចោទម្នាក់ត្រូវបានអនុប្រធានសាលាដំបូងខេត្ត បញ្ជាឲ្យឃុំខ្លួនជាបណ្ដោះអាសន្ន ករណីយ៍ប្រើឈ្មោះលោកសេងទៀង

21-September-2026 / សន្តិសុខសង្គម

ពោធិ៍សាត់៖ ជនត្រូវចោទពៅរឿងឆបោកម្នាក់ត្រូវបានអនុប្រធានសាលាដំបូងខេត្ត បញ្ជាឲ្យឃុំខ្លួនជាបណ្ដោះអាសន្ន នេះបើយោងតាមដីកាបង្គាប់ឲ្យឃុំខ្លួនបណ្ដោះអាសន្ន លេខ១២០៣ ឃ.ខ/24 ចុះថ្ងៃអង្គារ ៦កើត ខែអស្សុជ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៨ ខែតុលា ឆ្នាំ២០២៤ ចេញដោយលោក លី ចន្ថា អនុប្រធាន និងជាចៅក្រមស៊ើបសួរនៃសាលាដំបូងខេត្តពោធិ៍សាត់ ។ a cheat seng teang

លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ បានឲ្យដឹងថា ជនសង្ស័យម្នាក់ឈ្មោះ ឈឿន ឈុន្នី (ហៅ ញ) ភេទប្រុស អាយុ២៦ឆ្នាំ រស់នៅភូមិសូរិយាលើ សង្កាត់រលាប ក្រុងពោធិ៍សាត់ ត្រូវបានចាប់ខ្លួនបញ្ជូនទៅកាន់សាលាដំបូងខេត្តពោធិ៍សាត់ ដើម្បីចាត់ការតាមផ្លូវច្បាប់ នៅរសៀលថ្ងៃទី០៨ ខែតុលាឆ្នាំ២០២៤ ពីបទឆបោក និងប្រើប្រាស់ឈ្មោះលោក សេង ទៀង ជំនួយការផ្ទាល់សម្តេចនាយករដ្ឋមន្ត្រី បំភាន់សាធារណ:ជន។

ជនសង្ស័យរូបនេះ ត្រូវបានឃាត់ខ្លូនកាលពីវេលាម៉ោង ១១ និង៣០នាទីព្រឹកថ្ងៃទី០៧ ខែតុលា ឆ្នាំ២០២៤ តាមពាក្យបណ្តឹងរបស់ឈ្មោះ វ៉ាន់ ហ៊ាង នាយកប្រតិបត្តិសាខាកាកបាទក្រហមកម្ពុជាខេត្តពោធិ៍សាត់។
កំហុសរបស់ជនសង្ស័យនៅត្រង់ថា បានតេទូរស័ព្ទទៅកាន់ឈ្មោះវ៉ាន ហ៊ាង ថាខ្លួន ជាលោក សេង ទៀង ជំនួយការផ្ទាល់របស់សម្តេចនាយករដ្ឋមន្ត្រី បញ្ជាឲ្យគាត់យកអំណោយទៅចែកជូនប្រជាពលរដ្ឋក្រីក្រចំនួន ០៤គ្រួសារនៅភូមិលាវ សង្កាត់ចំរើនផល ក្រុងពោធិ៍សាត់ ដោយកំណត់ ១គ្រួសារថវិកាចំនួន ១០ម៉ឺនរៀល អង្ករ២៥គីឡូ មី២កេស ទឹកត្រី១យូរ ទឹកស៊ីអ៊ីវ១យូរ នៅថ្ងៃទី០៥ខែតុលាឆ្នាំ២០២៤ វេលាម៉ោង ៨ព្រឹក។

ក្រោយពីក្រុមការងារបានយកអំណោយទៅចែកជូនតាមការកំណត់រួចនោះ លោក វ៉ាន់ ហ៊ាង នាយកប្រតិបត្តិសាខាកាកបាទក្រហមកម្ពុជាខេត្តពោធិ៍សាត់ បានរាយការណ៍ជូនសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ទើបដឹងថា រឿងនេះជាករណីឆបោកដោយយកឈ្មោះលោក សេង ទៀង ជំនួយការផ្ទាល់សម្តេចនាយករដ្ឋមន្ត្រី មកបំភាន់ ទើបសមត្ថកិច្ចធ្វើការស្រាវជ្រាវកំណត់មុខសញ្ញា និងឃាត់ខ្លូនជនសង្ស័យឈ្មោះ ឈឿន ឈុន្នី(ហៅញ)នេះតែម្តង។

នៅចំពោះមុខសមត្ថកិច្ច ជនសង្ស័យ បានសារភាពថា ខ្លួនពិតជាបានប្រើប្រាស់ទូរស័ព្ទតេទៅឈ្មោះ វ៉ាន់ ហ៊ាង ដោយយកឈ្មោះលោក សេង ទៀង ជំនួយការផ្ទាល់របស់សម្តេចនាយករដ្ឋមន្ត្រី ដើម្បីបំភាន់សាធារណជនពិតប្រាកដមែន។ បើតាមអង្គហេតុជនសង្ស័យដូចជាមិនបានយកអំនោយដែលខ្លួនប្រើលោកសេងទៀងមកប្រើប្រាសផ្ទាល់ខ្លួនជាប្រយោជន៍នោះទេព្រោះខាងកាកាបាទក្រហមយកទៅឲ្យប្រជាពលរដ្ឋផ្ទាល់ខ្លួនទេតើ។ការពិតវាកំហុសខាងកាកបាទក្រហមដែលមិនបានផ្ទៀតផ្ទាត់ទេតើ?។

ស្នងការនគរបាលខេត្តពោធិ៍សាត់ បានក្រើនរំឮកដល់ប្រជាពលរដ្ឋគ្រប់គ្នា សូមប្រុងប្រយ័ត្នគ្រប់រូបភាពចំពោះការតេតាមទូរស័ព្ទប្រាប់ថា ត្រូវរង្វាន់នេះរង្វាន់នោះ ចៀសវាងការចាញ់បោក ជនមិនស្គាល់អត្តសញ្ញាណ៕ a cheat seng teang2