អ្នកនាង អ៊ឹម សុគន្ធា ៖ តើខ្ញុំធ្វើអី្វអ្នកឯងខ្លះ បានជាយំសោកដូចខ្ញុំធ្វើបាបខ្លាំងណាស់?
21-September-2026 / សិល្បះនិងប្លែកៗ
រឿងរ៉ាវនៃការដកសិទ្ធិកម្ពុជាធ្វើជាម្ចាស់ផ្ទះ នៃការរៀបចំកម្មវិធី Miss Grand International 2024 រហូតមកទល់ពេលនេះនៅមិនទាន់ស្ងប់ស្ងាត់នៅឡើយទេ ខណ:ភាគីគ្រប់គ្រងរបស់ថៃនិងកម្ពុជា បន្តការឆ្លើយឆ្លងគ្នាលើកហេតុផលរៀងៗខ្លួន។នៅព្រឹកថ្ងៃទី០៨ខែតុលា អ្នកនាង អ៊ឹម សុគន្ធាដែលទិញសិទ្ធធ្វើជាម្ចាស់កម្មវិធីនៅកម្ពុជា បានចេញមុខឆ្លើយតប នឹងចោទសួរដល់ Miss Grand Thailand ដែលយំសោកពេលទៅដល់ថៃវិញថា “តើនាងធ្វើអី្វអ្នកឯងខ្លះមកដល់ប្រទេសកម្ពុជា បានជាអ្នកយំសោកដូចនាងធ្វើបាបខ្លាំងណាស់?”។
អ្នកនាង អ៊ឹម សុគន្ធា ដែលជាអគ្គនាយិការ និងជាអ្នកគ្រប់គ្រងកម្មវិធី Miss Grand Cambodia នៅតែបង្ហាញការខកចិត្តជាខ្លាំងចំពោះការមើលងាយ និងមិនឲ្យតម្លៃមកលើក្រុមការងាររបស់អ្នកនាង ក៏ដូចជាប្រជាជនកម្ពុជាដែលបានខិតខំអស់ពីកម្លាំងចិត្ត។អ្នកនាងលើកជាសំណួរថា “តើខ្ញុំធ្វើអី្វអ្នកឯងខ្លះមកដ ល់ប្រទេសកម្ពុជាបានជាយំសោកដូចខ្ញុំធ្វើបាបដល់អ្ន កឯងខ្លាំងណាស់អ៊ីចឹង?មកដេកសុទ្ធតែសណ្ឋាគារផ្កា យ៥អាហារមួយពេលអស់រាប់ពាន់ដុល្លារ”។
ក្រៅពីម្ចាស់កម្មវិធីមហាជននិងអ្នកតាមដានវិស័យបវរកញ្ញានៅកម្ពុជាក៏ បានសម្តែងការហួសចិត្តនិងសង្វេគចិត្តជាខ្លាំង ខណ:ដែលឃើញនាង Lin Malin ដែលជា Miss Grand ប្រទេសThailand ចេញសម្តែងបង្ខូចកិត្តិយសដល់កម្ពុជា។ គេឃើញនាង Malin ពេលដល់ទឹកដីកំណើត(ថៃ) វិញភ្លាមៗនោះ នាងបានសម្រក់ទឹកភ្នែកដើរតួកម្សត់នៅព្រលានយន្តហោះ ដោយបាននិយាយបំភ្លៃពីការពិតពេលខ្លួននៅប្រទេសកម្ពុ ជាប៉ុន្មានថ្ងៃកន្លងទៅ។
នាង Lin Malinបាននិយាយ ថាបវរកញ្ញាទាំងអស់សោកស្ដាយណាស់អាហារដែលដាក់នៅលើទូកមានពងមាន់មានដង្កូវនៅខាងក្នុង ហើយគ្មានអ្នកណាអាចញ៉ាំបានដូច្នេះមានតែសណ្តែកដីនិងទឹកសុទ្ធ គ្រប់គ្នាសោកស្ដាយខ្លាំងណាស់ហើយដោយសា រតែមានពេលត្រឹមតែ១ម៉ោងប៉ុណ្ណោះឡើងចុះគ្រប់គ្នាក៏ចេញទៅប៉ុន្តែពេលមានរឿងកើតឡើងវាមិនអាចទទួលយកបាន។នាងថាទូកធ្វើពីឈើនោះមិនដឹងថាអាចទប់ទម្ងន់បានប៉ុន្មានទេផ្លូវដើរចុះពីទូកអាចធ្វើឱ្យគ្រោះថ្នាក់ណាស់។ប៉ុន្តែបើតាមសកម្មភាពជាក់ស្តែងវិញអ្វីៗដែលនាង Lin Malinបាននិយាយគឺជាអ្វីដែលភាគីខាងថៃកែប្រែរៀបចំខ្លួនឧងតែប៉ុណ្ណោះ។
ក្រុមការងារ Miss Grand International បានបញ្ជាក់ថា ពួកគេមានអារម្មណ៍ថាសម្ពាធចាប់តាំងពីវិនាទីដំបូងពេលដល់ប្រទេសកម្ពុជារហូតត្រឡប់មកប្រទេសថៃខ្លូនវិញ។ នេះបើតាម Story របស់ម្ចាស់ MGI លោក Nawat Itsaragrisil។
តាមរយៈ Story របស់ម្ចាស់ Miss Grand International លោក Nawat បានបង្ហាញពីទិដ្ឋភាពយំយែករបស់ក្រុមការងារខ្លួនឱបបវរកញ្ញាតំណាងប្រទេសថៃបូករួមជាមួយខេបសិនថា”ពួកគេមានសម្ពាធចាប់តាំងពីវិនាទីដំបូងពេលដល់ប្រទេសកម្ពុជារហូតត្រឡប់មកប្រទេសថៃខ្លូនវិញ”។ លើសពីនោះទៀត Story របស់លោក Nawat Itsaragrisil មួយផ្សេងទៀតបាននិយាយថា “ចូលមើលពីសភាពរបស់ពួកយើង ថាយើងបានជួបអ្វីខ្លះ លើកក្រោយកុំឆាប់ជឿទុកចិត្តមនុស្ស និងត្រូវចេះរៀនប្រយ័ត្នប្រយែង”។ ទាំងអស់នេះ គឺបានទម្លាយក្រោយលោក Nawat ដកសិទ្ធិធ្វើជាម្ចាស់ផ្ទះពីកម្ពុជាក្រោមហេតុផលមិនត្រឹមត្រូវតាមស្ដង់ដាកម្មវិធី។
ទោះបីយ៉ាងណាក្រោយមានហេតុការណ៍ចម្រូងចម្រាសរវាងកម្ពុជានិងថៃរួចមកអ្នករៀបចំ ប្រទេសទាំងសងខាងនឹងត្រៀមធ្វើសន្និសីទកាសែតដូចគ្នា ដើម្បីធ្វើការបកស្រាយអំពីហេតុផលរៀងៗខ្លួន។
ទាក់ទងនិងសកម្មភាពភាគិថៃមាក់ងាយកម្ពុជានោះមិនខុសពីអ្នកគាំទ្រនិងអ្នកសិល្ប:ឯទៀតទេ ម្ចាស់មកុដ Miss Grand Cambodia ២០២០ កញ្ញា លីវ ជីលី បានបញ្ចេញប្រតិកម្មនិងខកចិត្តជាខ្លាំង ចំពោះទង្វើលោក Nawat ដែលមិនឲ្យតម្លៃនិងមើលងាយប្រជាជនកម្ពុជា ថែមទាំងដកសិទ្ធិកម្ពុជាធ្វើជាម្ចាស់ផ្ទះ Miss Grand International 2024 ។
បវរកញ្ញាកម្ពុជា លីវ ជីលី បានចេញមកស្នើរអ្នកគាំទ្រកម្ពុជាថា “បើជ្រុលគេមើលងាយយើងយើងឈប់គាំទ្រ និងមើលកម្មវិធីនោះទៀតទៅ ព្រោះគេមើលមិនឃើញពីការផ្តល់តម្លៃរបស់យើង”។ កញ្ញា ចាត់ទុកថានេះជាទង្វើដែលគួរឲ្យស្អប់បំផុត។កញ្ញាបន្ថែមទៀតថា “នៅមានកម្មវិធីល្បីៗច្រើនណាស់ ដែលខ្មែរយើងអាចផ្សព្វផ្សាយអំពីប្រទេសយើងបាន។ សូមបងប្អូនគិតឱ្យមែនទែន ឈប់បានឈប់ទៅ និយាយមែនស្អប់ណាស់ លេងចរឹតបែបនេះ Report ផេកហ្នឹងចោលទៅប្លុកចោលទៀតរឹតតែល្អ អស្ចារ្យអីតែអ្នកឯង”។
ស្រីស្អាត លីវ ជីលី បានបញ្ជាក់ទៀតថា សូមជម្រាបថាមិនថាវិស័យបរវកញ្ញា ប្រទេសជាតិ សិល្ប: វប្បធម៌ គឺខ្លួនមិនឈរឱបដៃមើលទេ។ លីវ ជីលី ថា “ក្នុងនាមខ្ញុំជាបរវកញ្ញាជាពលរដ្ឋម្នាក់ បើចង់បានភាពស្មោះត្រង់មករកខ្ញុំ បើចង់បានល្បិចកិចកល ឆ្អិនក្បាលសុីក្បាល ឆ្អិនកន្ទុយសុីកន្ទុយ ទៅរកគេ (សម្តីមាសពីកូនស្រីម្នាក់នេះ)”។ អ្នកនាង អ៊ឹម សុគន្ធា អ្នកទិញសិទ្ធិរៀបចំកម្មវិធី បានបញ្ជាក់ថា “មូលហេតុដែលកម្ពុជាមិនអាចបន្តកម្មវិធីបាន មានរឿងច្រើននិ ងរងសម្ពាធយ៉ាងខ្លាំង”។ ហេតុផលពីក្រោយរឿងនេះ ក៏ដោយសារតែការជជែកញែកមិនត្រូវគ្នា រវាងក្រុមការងាររបស់កម្ពុជា ជាមួយលោក Nawat ស្ថាបនិក Miss Grand International ដែលមិនឲ្យតម្លៃ និងមើលងាយដល់អ្នកនាង ព្រមទាំងក្រុមការងាររៀបចំរបស់កម្ពុជាតែម្តង។
