វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5567 នាក់
ម្សិលមិញ 5561 នាក់
សរុប 16720747 នាក់
ខេត្តឧត្តរមានជ័យ: នៅវេលាម៉ោង០៨:០០នាទី ព្រឹកថ្ងៃពុធ៤រោច ខែអាសាឍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ២៤ ខែកក្កដា ឆ្នាំ២០២៤ លោកវរ:សេនីយ៍ទោ ប្លុង យូឡុង មេបញ្ជាការកងវរ:៧០២បានដឹកនាំកម្លាំងចំនួន១០នាក់ចូលរួមកម្មវិធី រៀបចំផ្លាស់ប្តូរបទពិសោធន៍គ្នាទៅវិញទៅមករវាងយោធាកម្ពុជា និងយោធាថៃក្នុងការជួយសង្គ្រោះគ្រោះមហន្តរាយ និង ជំនួយដំបូងក្នុងការជម្រុញគម្រោងភូមិ-ឃុំរឹងមាំតាមបណ្តោយព្រំដែននិងបន្តទំនាក់ទំនងល្អរវាងកម្ពុជា និងថៃ នៅទីស្នាក់ការក្រុមការងារទំនាក់ទំនងព្រំដែនកម្ពុជា-ថៃទល់មុខច្រកទ្វារព្រំដែនអន្តរជាតិអូរស្មាច់-ឆងចម( ខាងថៃ)ស្ថិតក្នុងភូមិដាន ឃុំដាន ស្រុកកាប់ជើង ខេត្តសុរិន្ទ ប្រទេសថៃ ។
យោធា ភាគីកម្ពុជាមានចំនួន៥០នាក់ដឹកនាំដោយលោកឧត្តមសេនីយ៍ត្រី លួស ឡាញ់ មេបញ្ជាការរងយោធភូមិភាគទី០៤ ប្រចាំទិសទី០៣ ។យោធាភាគីថៃ មានចំនួន៦០នាក់ដឹកនាំដោយលោកឧត្តមសេនីយ៍ត្រី ណាត់ សុីអុីម មេបញ្ជាការកងទ័ពសុរ:ណារី ភូមិន្ទថៃ(ឯកសណ្ឋានប៉ារ៉ា) ។ក្រៅពីបានបង្ហាញនូវបទពិសោធន៍និងរបៀប នៃការជួយសង្គ្រោះជនរងគ្រោះក្នុងគ្រោះមហន្តរាយផ្សេងៗដែលកើតឡើងជាយថាហេតុនៅតាមខ្សែបន្ទាត់ព្រំដែនខ្មែរ-ថៃ ភាគីទាំងពីរបានពង្រឹងកិច្ចប្រតិបត្តិការដោយបានចាត់តាំងកងកម្លាំងយោធាដាក់ពង្រាយ ត្រៀមបង្ក្រាបក្រុមឧទ្ទាមក្រៅច្បាប់ និងទប់ស្កាត់បង្ក្រាបរាល់បទល្មើសឆ្លងដែនខុសច្បាប់នៅតាមខ្សែបន្ទាត់ព្រំដែនក្នុងភូមិសាស្ត្រវរ:៧០២ទទួលខុសត្រូវ ។ការផ្លាស់ប្តូរបទពិសោធន៍នៃការជួយ សង្គ្រោះគ្រោះមហន្តរាយ និងជំនួយដំបូងក្នុងគម្រោងភូមិ-ឃុំរឹងមាំតាមបណ្តោយព្រំដែននេះ ភាគីទាំងពីរប្រកបដោយភាពស្និទ្ធស្នាល រីករាយ ៕ ដោយ: ពិទូ