វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4538 នាក់
ម្សិលមិញ 5304 នាក់
សរុប 14144064 នាក់
ភ្នំពេញ៖មកទល់ពេលនេះ រយៈពេលប្រមាណ ២ ឆ្នាំហើយ ដែលតារាចម្រៀងកញ្ញា ស៊ូ ស៊ីរីកា និងក្រុមគ្រួសារតារាកំប្លែងជើងចាស់ អ្នកស្រី ជុំ រស្មី ហៅ ស្រីទូច មិនទទួលបានយុត្តិធម៍តាមបណ្តាំមរតករបស់តារាភាពយន្ត និងចម្រៀងជំនាន់ទសវត្សរ៍ ៦០ លោកស្រី កែវ មន្ថា ដែលត្រូវជាម្តាយ និងជីដូន ក្នុងពេលរឿងក្តីបានដល់ដៃតុលាការឧទ្ធរណ៍ទៅហើយ។
តារាកំប្លែង ស្រីទូចឲ្យដឹង ថា រយៈពេលជាង២ឆ្នាំមកនេះ សមាជិកគ្រួសារអ្នកស្រី រួមទាំងក្មួយស្រីតារាចម្រៀង ស៊ូ ស៊ីរីកា បានខិតខំអស់ពីលទ្ធភាពហើយ ដើម្បីតតាំងតាមផ្លូវតុលាការជាមួយភាគីស្វាមី(ក្រោយ)របស់អ្នកស្រី កែវ មន្ថា ដែលមិនព្រមអនុវត្តន៍តាមបណ្ដាំមរតក ហើយថែមទាំងបានបណ្ដេញសមាជិកជាកូនចៅបង្កើតចេញពីផ្ទះ ដែលធ្លាប់រស់នៅជួបជុំគ្នាតាំងពីយូរ នោះទៀតផង។ ក្នុងនោះ ក៏មានតារាចម្រៀង ស៊ូ ស៊ីរីកា ផងដែរ។តារាចម្រៀង ស៊ូ ស៊ីរីកា ក៏បានចេញមុខអំពាវនាវដល់ប្រមុខថ្នាក់ដឹកនាំឱ្យរកយុតិ្តធម៌យ៉ាងពិតប្រាដកពីប្រព័ន្ធតុលាការ ព្រោះរឿងក្តីនេះកំពុងដំណើរការដល់សាលាឧទ្ធរណ៍ ប៉ុន្តែនាងនៅពុំទាន់ទទូលបានយុតិ្តធម៌នៅឡើយ ខណៈពេលនេះនាងកំពុងតែមានជីវភាពលំបាកខ្លាំង។
តាំងពីកើតរហូតដល់ដឹងក្ដី កញ្ញាស៊ូស៊ីរីកាឲ្យដឹងថានាងបានរស់នៅក្រោមការមើលថែទាំយ៉ាងល្អបំផុតពីជីដូន ប្រៀបបីដូចជាម្ដាយកូនដូច្នេះដែរ។ ជីដូនរបស់នាងបានផ្គត់ផ្គង់គ្រប់បែបយ៉ាង សូម្បីលុយដែលនាងរកបានពីការច្រៀងកន្លងមកក៏ផ្ញើរទុកដាក់ជាមួយជីដូនដែរ។ តែក្រោយពីជីដូនទទួលអនិច្ចកម្មទៅមិនបានប៉ុន្មាន ទ្រព្យសម្បត្តិទាំងឡាយដែលជីដូនទិញជាអំណោយត្រូវបានដកហូតទាំងអស់ ដូចជា រថយន្ត ខុនដូរ សូម្បីផ្ទះវីឡាធ្លាប់រួមរស់ជាមួយជីដូនរហូតមកក៏ត្រូវបានស្វាមីរបស់ជីដូនបណ្ដេញចេញដែរ។
សូមបញ្ជាក់ថាអ្នកស្រី កែវ មន្ថាជា អតីតតារាភាពយន្ត និងជាតារាចម្រៀង តាំងពីក្នុងទសវត្សរ៍ឆ្នាំ៦០ បានទទួលមរណភាពក្នុងជន្មាយុ៧៧ឆ្នាំ ដោយរោគាពាធ នៅគេហដ្ឋានរបស់អ្នកស្រី ក្នុងរាជធានីភ្នំពេញ កាលពីវេលាម៉ោង១២ និង៣០នាទី រំលងអាធ្រាត្រ ឈានចូលថ្ងៃទី១១ ខែវិច្ឆិកា ឆ្នាំ២០២១នេះ។បើតាមកញ្ញា ស៊ូ ស៊ីរីកា លោកស្រី កែវ មន្ថា មានកូនចំនួន៧នាក់ ប៉ុន្តែបានស្លាប់ម្នាក់។ អ្នកស្រី កែវ មន្ថា ក៏មានកូនភ្លោះផងដែរ។ ក្នុងចំណោម កូន ចៅ និងចៅទួតជាច្រើនរូប មានតែចៅស្រីតែម្នាក់គត់ គឺកញ្ញា ស៊ូ ស៊ីរីកា ដែលមានឧបនិស្ស័យខាងសិល្បៈ និងបានស្នងមរតកសិល្បៈពីជីដូន។
បើតាមការផ្សាយរបស់ក្រុមព្រះសុរិយាដដែល លោកស្រី កែវ មន្ថា កើតនៅឆ្នាំ១៩៤៤ ក្នុងរាជធានីភ្នំពេញ ដែលមានឪពុកជាសិល្បករអាយ៉ៃដ៏ល្បីមួយរូប។ អ្នកស្រីបានចូលប្រឡូកក្នុងវិស័យសិល្បៈភាពយន្តខ្មែរ តាំងពីដើមឆ្នាំ១៩៦០ ក្នុងអាយុ១៦ឆ្នាំ តាមរយៈភាពយន្តដំបូងរឿង “ស្បៃក្រហម”។ក្នុងមហោស្រពភាពយន្តក្រុងកែប នាឆ្នាំ១៩៦៤ តារាភាពយន្ត កែវ មន្ថា បានទទួលពានរង្វាន់អប្សរាមាស ជាតារាឯកស្រីលំដាប់កំពូលនៃកម្ពុជា តាមរយៈខ្សែភាពយន្តលំដាប់ថ្នាក់ជាតិ គឺរឿង “សង្សារឧត្តមដួងចិត្ត” ក្រោមព្រះរាជប្រទានដោយផ្ទាល់ នៃព្រះបាទសម្ដេច ព្រះនរោត្តម សីហនុ ព្រះបរមរតនកោដ្ឋ។
ក្នុងវិស័យចម្រៀងវិញ បន្ទាប់ពីបទ “ខ្យល់កំពូលភ្នំ” ដែលលោកស្រីបានច្រៀង ដើម្បីដាក់បញ្ចូលក្នុងខ្សែភាពយន្ត “សង្សារឧត្តមដួងចិត្ត” ក៏មានអ្នកនិពន្ធល្បីៗជាច្រើនរូប ដូចជាលោក យ៉ង់ ឈៀង លោក គឹម សំអែល លោក វ៉ោយ ហូរ បានយកចម្រៀងមួយចំនួន ទៅឱ្យលោកស្រីច្រៀង ដើម្បីដាក់បញ្ចូលក្នុងខ្សែភាពយន្ត និងចេញផ្សាយតាមវិទ្យុ។ បទខ្លះរបស់លោកស្រី ក៏បានចេញលក់ជាថាសផងដែរ ដូចជាបទ “ប្រហារដួងចិត្ត” សរសៃទឹកភ្នែក” “ឱបអូនមក” “ថើបមកចុះ” “គេហើយបង” “គូជីវិត” “ម្ចាស់ចិត្តស្នេហ៍” “មិនយកទេប្ដីចាស់” និងបទ “មួលភ្លៅ” ជាដើម៕