សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ជាច្រើនទៀត

ចំនួនអ្នកទស្សនា

ថ្ងៃនេះ 4281 នាក់

ម្សិលមិញ 5304 នាក់

សរុប 14143807 នាក់

រកមុខម្ចាស់វល្លិរមៀតចំនួន ៤ តោន ដែលបម្រុងដឹកទៅលក់ប្រទេសឡាវមិនឃើញ?

03-April-2024 / ព័ត៌មានជាតិ

ស្ទឹងត្រែងះសមត្តកិច្ចជំនាញបានប្រទះឃើញវល្លិរមៀតប្រមាណ ៤តោន ដែលគេយកទៅទុកក្នុងបរិវេណនៃឧទ្យានជាតិវ៉ើនសៃ-សៀមប៉ាង តែគេនៅមិនទាន់រកម្ចាស់ឃើញនៅទ្បើយ ។សូមបញ្ជាកបញ្ជាក់ថា កាលពីថ្ងៃទី២១ ខែកុម្ភៈ ឆ្នាំ២០២៤ មន្ត្រីឧទ្យានុរក្សបរិស្ថានខេត្តស្ទឹងត្រែង បានប្រទះឃើញគំនរវល្លិរមៀតចំនួន៦៥ការុង ស្ថិតក្នុងភូមិសាម៉ឃុំសេកុង ស្រុកសៀមប៉ាង ខណៈចុះល្បាត។ a romeat

ក្រសួងបរិស្ថានបានឲ្យដឹងថា នៅថ្ងៃទី២២ ខែកុម្ភៈ ឆ្នាំ២០២៤ មន្ត្រីអនុវត្តន៍ច្បាប់បានប្រមូលយកវល្លិរមៀត ចំនួន៦៥ការុងស្មើនឹង ៤០០០ គីឡូក្រាម ដែលជនមិនស្គាល់អត្តសញ្ញាណបានលាក់ទុកក្នុងព្រៃបម្រុងដឹកជញ្ជូនយកទៅលក់បន្តទៅប្រទេសឡាវ មករក្សាទុកបណ្តោះអាសន្ននៅស្នាក់ការឧទ្យានជាតិវីរជ័យ-ស្រុកសៀមប៉ាង ។បើតាមក្រសួងបរិស្ថាន ការកែច្នៃវល្លិរមៀតគឺជាសកម្មភាពផ្ទុយនឹងច្បាប់ស្តីពីតំបន់ការពារធម្មជាតិ ត្រង់មាត្រា៦១ ដែលត្រូវផ្តន្ទាទោសជាបទល្មើស ធនធានធម្មជាតិថ្នាក់ទី៣ និងច្បាប់ស្តីពីព្រៃឈើត្រង់មាត្រា៩៧ ដែលត្រូវផ្តន្ទាទោសជាបទល្មើសព្រៃឈើ ថ្នាក់ទី១ផងដែរ។

ករណីនេះ ប្រធានមន្ទីរបរិស្ថានខេត្តស្ទឹងត្រែងលោកស្រេង ជាហេងបានប្រាប់សារពត៌មានថា មន្ទីរបរិស្ថានបានសហការជាមួយអាជ្ញាធរមូលដ្ឋានដើម្បីស្រាវជ្រាវរកជនសង្ស័យពាក់ព័ន្ធនឹងវល្លិរមៀតនេះ។លោកថា មន្ទីរក៏បានកសាងសំណុំរឿងនេះ និងករណីបទល្មើសធនធានធម្មជាតិផ្សេងៗទៀតបញ្ជូនទៅតុលាការខេត្ត ដើម្បីអនុវត្តនីតិវិធីច្បាប់នាថ្ងៃទី២៧ ខែកុម្ភៈឆ្នាំ២០២៤ផងដែរ។លោកបន្តថា រហូតមកដល់ថ្ងៃទី២៨ ខែកុម្ភៈការស្រាវជ្រាវនៅមិនទាន់ទទួលបានតម្រុយណាមួយទាក់ទងនឹងអ្នកទទួលខុសត្រូវលើវល្លិរមៀតនោះនៅឡើយទេ។ បច្ចុប្បន្ននេះក៏មានប្រជាពលរដ្ឋក្នុងមូលដ្ឋានមួយចំនួនបានរកវល្លិរមៀតលក់ ដែលក្នុង១គីឡូក្រាមតម្លៃប្រមាណជាពី៤០០ ទៅ៥០០រៀលផងដែរ។

សូមបញ្ជាក់ថាកាលពីថ្ងៃទី១២ ខែកុម្ភៈ ឆ្នាំ២០២៤ នគរបាលប្រឆាំងបទល្មើសសេដ្ឋកិច្ចខេត្តស្ទឹងត្រែងបានធ្វើការបង្ក្រាបករណីដឹកជញ្ជូនវល្លិរមៀតខុសច្បាប់ចំនួន ៨០ការុង ប្រហែលស្មើនឹង ៤ តោនផងដែរនៅក្នុងស្រុកបុរីអូរស្វាយសែនជ័យ ក្នុងនោះក៏បានធ្វើការឃាត់ខ្លួនជនសង្ស័យជាបុរសចំនួន ២ នាក់ និងរថយន្តចំនួន២គ្រឿង៕ a romeat1