វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2920 នាក់
ម្សិលមិញ 6359 នាក់
សរុប 14089553 នាក់
ភ្នំពេញ៖ មនុស្សប្រុសស្រីដែលសុទ្ធតែយុវវ័យ ជិត៣០០នាក់ ត្រូវបានសមត្ថកិច្ចធ្វើការឃាត់ខ្លួន និងបញ្ជូនឡើងឡានទ្រុងទាំងហ្វូងៗចេញពីក្លឹបកម្សាន្តយីហោ «ហ្គោលឡាញ» ដែលមានទីតាំងស្ថិតនៅតាមបណ្តោយផ្លូវ១៩៨៦ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ កាលពីវេលាម៉ោងជាង១២រំលងអធ្រាត្រឈានចូលថ្ងៃអង្គារ ទី២៨ ខែកក្កដា ឆ្នាំ២០២០ ទៅកាន់ស្នងការដ្ឋាននគរបាលរាជធានីភ្នំពេញ ។
ក្រុមយុវជននារីទាំងនោះត្រូវបានឃាត់ខ្លួនពេលសមត្តដែលដឹកនាំដោយឯកឧត្តម មាន ចាន់យ៉ាដា អភិបាលរងរាជធានីភ្នំពេញ លោកឧត្តមសេនីយ៍ទោ សុង លី តំណាង លោក ម៉ូវ ម៉ានិត អភិបាលខណ្ឌសែនសុខ លោក ហួរ ម៉េង វ៉ាង អធិការនគរបាលខណ្ឌសែនសុខប្រតិបត្តិការបង្ក្រាបក្លឹបកម្សាន្តខាងលើនេះ ។
លោក មាន ចាន់យ៉ាដា បានហៅពួកយុវជននិងនារីក្នុងក្លឹបថា “សត្វមមាចមិនខ្លាចភ្លើង អាចធ្វើឱ្យវិនាសខ្លួន ប៉ុន្តែការល្មើសនឹងបទបញ្ជារបស់រាជរដ្ឋាភិបាលនាពេលនេះ វាអាចធ្វើឱ្យវិនាសដល់អ្នកដទៃថែមទៀត។ខ្ញុំសូមអរគុណដល់ក្រុមការងារ និងកងកម្លាំងទាំងអស់ដែលបានប្រឹងប្រែងរហូតដល់ម៉ោង ២ ទាស់ភ្លឺនេះ ចុះប្រតិបត្តិការបិទទីតាំងក្លឹបកម្សាន្តល្មើសនឹងបញ្ជារបស់រាជរដ្ឋាភិបាល”។
លោកអភិបាលរាជធានី បានប្រាប់ថាការសម្រេចឈានទៅបិទក្លឹបកម្សាន្តនេះ គឺដោយសារតែក្លឹបនេះមិនស្តាប់តាមការណែនាំរបស់រាជរដ្ឋាភិបាល ដែលកំពុងទប់ស្កាត់ និងបង្ការវីរុសកូវីដ១៩ ដែលពុំទាន់ថមថយ។សូមបញ្ជាក់ថាសម្តេចតេជោក្នុងកិច្ចប្រជុំគណរដ្ឋមន្ត្រីបានអនុញ្ញាតឲ្យក្លឹបខារ៉ាអូខេបើកវិញក្នុងរូបភាពជាភោជនីយ៍ដ្ឋានតែត្រូវអនុវត្តតាមវិធានសុខាភិបាល។