វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 314 នាក់
ម្សិលមិញ 3717 នាក់
សរុប 14148647 នាក់
ខេត្តព្រះសីហនុ៖ រថយន្តម៉ាក Mercedes Benz ស៊េរីទំនើបមួយគ្រឿង ត្រូវអគ្គិភ័យលេបត្របាក់ទាំងស្រុង នៅក្រុងព្រះសីហនុ បង្កការភ្ញាក់ផ្អើលដល់កម្លាំងសមត្ថកិច្ចចម្រុះចុះជួយអន្តរាគមន៍បាញ់ពន្លត់ផងដែរតែមិនដឹងថាមកពីមូឡហេតុអ្វីឡើយ។ សមត្ថកិច្ចមូលដ្ឋាន បានឱ្យដឹងថា នៅវេលាម៉ោង១០:៣០នាទីព្រឹក ថ្ងៃទី២៣ ខែមករា ឆ្នាំ២០២៤ មានករណីគ្រោះអគ្គិភ័យមួយឆាបឆេះរថយន្តស៊េរីទំនើបមួយគ្រឿង ម៉ាក (Mercedes Benz ) ផ្លាកលេខភ្នំពេញ 2.BN 5585 នៅលើផ្លូវស្ពានឆេះ ស្ថិតក្នុងភូមិ៤ សង្កាត់លេខ៤ ក្រុងព្រះសីហនុ។
ភ្លាមៗគេឃើញកម្លាំងជំនាញ នៃការិយាល័យជំនួយមនុស្សធម៌ និងសង្គ្រោះគ្រោះមហន្តរាយ កងរាជអាវុធហត្ថខេត្ត និងមូលដ្ឋានកងរាជអាវុធហត្ថក្រុងព្រះសីហនុ ចំនួន ១៤នាក់ ដឹកនាំដោយ លោកវរសេនីយ៍ឯក ឆេង វុទ្ធី នាយសេនាធិការ សហការជាមួយកម្លាំងផ្នែកពន្លត់អគ្គិភ័យនៃស្នងការនគរបាលខេត្ត ចុះជួយអន្តរាគមន៍បាញ់ទឹកពន្លត់ភ្លើង នៅទីតាំងកើតហេតុ។អគ្គិឿភ័យឆេះឡាននេះសមត្ថកិច្ចជំនាញគ្រប់គ្រងទាំងស្រុង នៅវេលាម៉ោង១១:០០នាទី ថ្ងៃខែឆ្នាំដដែល។តាមសេចក្តីរាយការណ៍ឲ្យដឹងថា៖ រថយន្ត MERCEDES BENZ V250 សេរីទំនើបមួយគ្រឿង ផ្លាកលេខភ្នំពេញ 2.BN 5585 កំពុងបើកបរសុខៗបានឆ្លងប្រព័ន្ធភ្លើងក្នុងរថយន្ត បង្កជាអគ្គិភ័យឆាប.,ឆេះគ្មានសល់ បង្កការភ្ញាក់ផ្អើលដល់កម្លាំងសមត្ថកិច្ចចុះជួយអន្តរាគមន៍បា.,ញ់ពន្លត់ ។
សមត្ថកិច្ចបានប្រើប្រាស់ទឹកអស់១ឡាន ឯរថយន្តខូចខាតទាំងស្រុង តែមិនបង្កឱ្យមានមនុស្សគ្រោះថ្នាក់ ឬរងរបួសនោះឡើយ ។ឡានរងគ្រោះមានឈ្មោះ សួរ ឌីណា ភេទ ប្រុស អាយុ ៤១ ឆ្នាំ ជនជាតិខ្មែរ រស់នៅសង្កាត់ ស្ទឹងមានជ័យ ខណ្ឌមានជ័យ រាជធានីភ្នំពេញ ។សូមបញ្ជាក់ថាកន្លងមកមានករណីយ៍អគ្គិភ័យឆេះរថយន្តស៊េរីទំនើបជាបន្តបន្ទាប់ពីសេសនៅលើផ្លូវល្បឿនលឿន។