ភ្លេចកាបូបមានលុយ៦ពាន់ដុល្លារនៅបន្ទប់ទឹកហាងសាំងភីធីធីជាង២ម៉ោងចុងបញ្ចប់ជួបស្ត្រីចំណាស់ចិត្តធមិទៀងត្រង់ជួយសង្គ្រោះ!
11-February-2026 / សន្តិសុខសង្គម
ភ្នំពេញ៖ក្នុងសង្គមមនុស្សមិនមែនសុទ្ធតែអាក្រក់នោះទេជាក់ស្តែងអ្នកមីងម្នាក់ទោះបីគាត់ក្រស៊ីឈ្នួលគេតែចារឹកទៀតត្រង់របស់គាត់ត្រូវតែទទួលបានការគោរព។ 
ម្ចាស់ប៊ុកមួយឈ្មោះគួយកែវវិបុល( Kuo Keo Vibol )បានរៀបរាប់រឿងហេតុការណ៍មួយសឹងតែមិនគួរឲ្យជឿ ទាក់ទងបងប្រុសរបស់គាត់ម្នាក់បានភ្លេចកាបូបដែលមានលុយក្នុងនោះ៦ពាន់ដុល្លាអាមេរិកនិងការធនាគារសំខាន់ជាច្រើនទៀតនៅស្ថានីយ៍ប្រេង PTT ត។ ម្ចាស់ហ្វេសប៊ុករូបនេះបានរៀបរាប់ទាំងក្តីរំភើបជំនួសម្ចាស់កាបូបនេះផងដែរថា៖
“រំភើបជំនួស! យ៉ាប់ណាស់ ម្ចាស់កាបូប!!! ប្រាក់សុទ្ធ6000$ ស្វែងរកម្ចាស់ឃើញវិញហើយ ហាហាហា។ បាត់ម៉ោង 7:30am រកឃើញ 9:30am។ នៅម៉ោងប្រហែល 8:40ជាង បងតេមក ខណៈពេលខ្ញុំនៅ PTT ជាសុផារ៉ា ជំនួបជាមួយស្ថាបនិក website.
– បុល! បងបាត់កាបូបហើយ ក្នុងនោះមានជិត 6000
– ហា៎? 6000$មែន ខ្ញុំសួរ
– អឺ 6000$ សម្លេងបង្កប់ដោយទឹកមុខស្អុយ ដែលយកលុយនោះទៅបង់ថ្លៃដីគេ នៅកំពត។ ហើយគាត់បន្តទៀតថា ភ្លេចកាបូបនៅ PTT ផ្លូវជាតិលេខ3 រង្វង់មូលចោមចៅ ប្រមាណជាង10km ក្រោយពីសរសេរសេចក្តីប្រកាសហើយក៏គិតក្នុងចិត្តថា៖ សរសេរបែបនេះតិចមានគេទៅរកមុនទៅ ស្របពេលដែលអត់មានមនុស្សចូលទៅប្រទះឃើញកាបូប?”។
ម្ចាស់ហ្វេសប៊ុកវិបុលគិតថា៖ “ពេលជិះទៅរក ផ្លូវស្ទះណាស់ គិតថាបើរកមិនឃើញមានតែស្នើសុំឆែកមើលកាមេរ៉ាសុវត្ថិភាព ជាគំនិតដំបូងពេលជជែកជាមួយបងវ៉ាង ណាមួយរកមិនឃើញបានមុខស្អុយ2នាក់ផង កុំអោយមុខស្អុយម្នាក់គាត់។ ខ្ញុំជិះចុះទៅរក បងវ៉ាងជិះឡើងមករកវិញ។
ពេលជិះជិតដល់ សប្បាយជិតផង ភ័យផង ក្រែងមិនមាននរណាគេប្រទះកាបូបនោះ។ ដើរចូលបន្ទប់ទឹកមួយៗដោយមើលទៅមានសភាពធម្មតាកុំឲ្យគេចាប់អារម្មណ៍ថាបាត់អី។ បើកបន្ទប់ទឹក 1 2 3 4… អត់ឃើញ អស់សង្ឃឹមជំនួសគាត់ណាស់ ហើយក៏ដើរមើលកាមេរ៉ា មិនឃើញមានបង្កប់ក្បែរច្រកចូលបន្ទប់ទឹកទៀត រឹតតែនិយាយលែងចេញ។
ឃើញលោកយាយអនាម័យម្នាក់អង្គុយក្បែរនោះ ក៏គិតថា មុខមាត់ឯងស្អាត សង្ហា គួរឲ្យស្រលាញ់ដែរ ប្រហែលសួរគាត់ទៅបានដឹងព័ត៌មានខ្លះ។ ហិហិហិ… គាត់ថាឃើញ។ តែគាត់សួរបកវិញមានអីខ្លះ? ខ្ញុំថាកាបូបពណ៌ខ្មៅរលោង ទឹកប្រាក់នឹងមានកាតធានាគារច្រើន។ គាត់ថាត្រូវហើយ។ ហាហាហា សប្បាយចិត្តចង់ហោះ។”។
គាត់ថា៖ “ខ្ញុំថាខ្ញុំសុំវិញមក ចាំបងខ្ញុំមក គាត់នឹងមានអ្វីជូនយាយ។ សុចរិតភាពគាត់ គាត់មិនបានបើកមើលកាបូបក្នុងរ៉ូតនោះទេ គាត់មើលត្រឹមសភាពខាងក្រៅនៃកាបូប។
គាត់ពិពណ៌នានៃសាច់រឿងថា មានក្មេងប្រុសម្នាក់វ័យប្រហែលខ្ញុំ តែស្គមស្តើង បានរើសបានមុនស្របពេលគាត់បោសជូតក្នុងបន្ទប់ទឹក។
ក្មេងប្រុសនោះបំរុងនឹងយកវា តែលោកយាយបានឃើញថាមិនប្រក្រតី ក៏សុំមើល អត្តសញ្ញាណប័ណ្ណក្នុងកាបូបសិនមុខដូចគ្នាអត់ ហើយគាត់ថា ទុកឲ្យគេវិញទៅ ម្ចាស់គេនឹងមករកនៅទីនេះ បើមិនមែនជារបស់ក្មួយទុកនឹងចុះ។ ក្មេងនោះព្រមឲ្យវិញ ទាំងដើរចេញមើលលោកយាយចុះ ឡើងចុះឡើង។
តម្លៃសុចរិតភាព មិនប្រកាន់វណ្ណៈ តួនាទីក្នុងសង្គម រឺ ចំណេះដឹងត្រឹមបណ្ឌិតឡើងនោះទេ តែវាមានតម្លៃកាន់ថ្លៃមិនបានត្រឹមលុយ 6000$នោះទេ។ ចរិតអន់ វ៉ក់កាន់តែ phone ឲ្យរៀងថ្ងៃក្រោយ សំណាងហើយប៉ះចំលោកយាយអនាម័យជិតព្រះរើសទុកឲ្យ។ លោកយាយគាត់មានគ្រប់គ្រាន់ល្អណាស់។
តាមពិតទៅម៉ោង 10am មានណាត់ជាមួយលោកប្រធានបច្ចេកទេស គម្រោង អុគីដេរ និង លោកស្ថាបត្យករ ជ័យលាភីនៅ Brown cafe មុខសាលាបាក់ទូកដែរហ្នឹង តែអរគុណពួកគាត់ដែលយោគយល់ពេលវេលារវ្វល់និងសំខាន់បែបនេះ។ទៅណាមកណាជួបតែមនុស្សល្អ ជីវិតមានសេចក្តីសុខណាស់ខ្ញុំ ហាហាហា។”។
ជាចុងក្រោយម្ចាស់កាបូបនេះបានសងជាសាគុណនូវទឹកប្រាក់ចំនួន ៥០០ដុល្លារអាមេរិក។
