វិបត្តិសង្គមមួយថ្ងៃសម្លាប់ស្រីពីរនាក់ព្រោះរឿងកាងប្រដាប់!?
06-June-2026 / សន្តិសុខសង្គម
ភ្នំពេញនិងព្រះសីហនុ៖ស្រុកខ្មែរកត្តារីកចំរើនសេដ្ឋកិច្ចនិងការរីកចំរើនខាងបច្ចេគទេសវិទ្យាសាស្ត្រពិសេសបណ្តា្ញសង្គមបង្កឲ្យមានភាពសកម្មនិងអសកម្ម។សកម្មដោយសារមានសមត្តភាពខាងសេដ្ឋកិច្ចគឺស្ត្រីកាន់តែមានសិទ្ធសេរីភាពជាងមុនក្នុងការជ្រើសសរើសរកដៃគូដោយមិនសូវខ្វល់ពីប្រពៃណីយ៍។ឯភាពអសកម្មនោះគឺប្តីប្រពន្ធងាយនិងបែកបាក់គ្នា។ជាងនេះទៅទៀតដូចបុរសដែរស្ត្រីងាយនឹងផិតប្តីឬរកក្រៅដោយមិនខ្វល់ពីផលវិបាកដែលបុរសបង្កឡើងព្រោះខ្លួនធ្លាប់មានអំនាចត្រួត្រាស្ត្រី។
ឧទ្ទាហរណ៍ជាំក់ស្តែងគ្រាន់តែ១ថ្ងៃទី១៦មករា២០២៣មានអំពើរឃាតកម្មពីរករណិយ៍កើតឡើងបង្កដោយបុរសទៅលើស្ត្រីដែលពាក្យផ្សារគេហៅថាកាងប្រដាប់។អំពើឃាតកម្មទី១កើតឡើងកាលពីវេលាម៉ោង៧និង៣០នាទីព្រឹក ថ្ងៃទី១៦ ខែមករា ឆ្នាំ២០២៤ ស្ថិតនៅផ្ទះជនរងគ្រោះនៅផ្លូវលំ ភូមិទ្រុងមាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញដោយបុរសជាប្តីបានយកញញួវាយសម្លាប់ប្រពន្ធស្លាប់ហើយក៏លេបថ្នាំសម្លាប់ខ្លួនតាមក្រោយតែមិនស្លាប់ដោយសារត្រូវគ្រូពេទ្យជួយសង្គ្រោះទាន់។សមត្ថកិច្ចបានឲ្យដឹងថា បុរសជាប្តីដែលជាឃាតកមានឈ្មោះ សួង រតនា អាយុ៣៦ឆ្នាំ ស្នាក់នៅចំនុចកើតហេតុ
ចំណែកស្ត្រីរងគ្រោះខាងលើមានឈ្មោះ ពេជ្រ អង្គាពេញបរមី អាយុ៣៣ឆ្នាំ មុខរបរបុគ្គលិកធានាគារ ស្នាក់នៅផ្ទះកើតហេតុជាមួយគ្នា។
សមត្ថកិច្ចជំនាញផ្នែកកោសល្យវិច័យបានចុះពិនិត្យសពស្ត្រីជាប្រពន្ធ និងដោយមានព័ស្ដុតាង គឺក្រដាសមួយសន្លឹកដែលប្តីរបស់គាត់បានសរសេថា «ស្រីផឹតប្តី» និងប្រភពពីសាច់ញាតិផងនោះ ទើបសមត្ថកិច្ចសនិដ្ឋានថា ពិតជាមកពីរឿងប្តីប្រច័ណ្ឌប្រពន្ធពិតប្រាដកមែន។ប្រភពព័ត៌មានពីសាច់ញាតិជនរងគ្រោះបានឲ្យដឹងថា នៅយប់មុនពេលថ្ងៃកើតហេតុ ពួកគាត់បានឮសម្លេងប្តីប្រពន្ធទាំងពីរនាក់បានឈ្លោះប្រកែកគ្នាយ៉ាងខ្លាំង ហើយនៅព្រឹកឡើងក៏ពុំឃើញស្ត្រីជាប្រពន្ធភ្ញាក់ពីដំណេកទៅប្រកបការងារដូចសព្វរាល់ដងនោះទេ។ ដោយមានការសង្ស័យស្ត្រីជាម្តាយបង្កើតរបស់ស្ត្រីរងគ្រោះបានទៅគោះទ្វារស្រែកហៅកូនរបស់គាត់តែអត់ឮសម្លេងឆ្លើយតប ហើយគាត់ក៏បានរុញទ្វារចូលទៅមើលក៏ប្រទះឃើញកូនស្រីរបស់គាត់ដេកស្លាប់ក្នុងថ្លុកឈាមដោយមានស្នាមរបួសឈាមក្បាល និងមុខ ហើយជនសង្ស័យដែលជាកូនប្រសាបានដេកសន្លប់បាត់ស្មារតីដោយការលេបថ្នាំប៉ុនប៉ងធ្វើអត្តឃាតសម្លាប់ខ្លួនឯងតាមក្រោយ តែពុំបានសម្រេចត្រូវបានសមត្ថកិច្ចវាយខ្នោះបញ្ជូនទៅកាន់មន្ទីរពេទ្យព្រះកុសុមះដើម្បីធ្វើការសង្គ្រោះ។
ករណីយ៍ទី២គឺកើតឡើងនារសៀលថ្ងៃ១៦ខែមករាឆ្នាំ២០២៤នេះ នៅផ្ទះមួយកន្លែងម្តុំអូរ៣ ក្រុងព្រះសីហនុ។ ករណីឃាតកម្ម សង្ស័យស្នេហាត្រីកោណ ខាងប្រុសបាញ់សម្លាប់ ខាងស្រី ហើយបាញ់សម្លាប់ខ្លួនឯងតាមក្រោយ បង្កអោយមានការភ្ញាក់ផ្អើល ។ករណីយ៍នេះគេដឹងថាខាងប្រុសមាន ឈ្មោះ ម៉េត និរ័ន្ត ថ្ងៃខែឆ្នាំកំណើត ២៣.មករា.១៩៩៩ មុខរបរនគរបាល នាយកដ្ឋានកងអន្តរាគមន៏ពិសេស មានទីលំនៅភូមិ២ សង្កាត់លេខ៣ ក្រុងព្រះសីហនុ ។ ខាងស្រីឈ្មោះ កែវ ស្រីណេត ថ្ងៃខែឆ្នាំកំណើត ២០ធ្នូ.២០០០ មុខរបរ បុគ្គលិក កាស៊ីណូ មានស្រុកកំណើត នៅស្រុកព្រៃនប់ ខេត្តព្រះសីហនុ។ សពទាំង ២នាក់ យកទៅធ្វើបុណ្យ នៅវត្តអូរត្រេះ។សមត្ថកិច្ចឲ្យដឹងជាបឋមថា បុរសម្នាក់និងស្ត្រីម្នាក់ជាជនជាតិខ្មែរ ទំនងជាគូរសង្សារនឹងគ្នា បានស្លាប់ ដោយគ្រាប់កាំភ្លើង ដែលជាបឋមសមត្ថកិច្ចសន្និដ្ឋានថាទំនងជាអំពើអត្តឃាត (ម្នាក់អាចបាញ់សម្លាប់ម្នាក់ទៀតហើយ បាញ់សម្លាប់ខ្លួនឯងតាមក្រោយ) ។
