វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1117 នាក់
ម្សិលមិញ 4292 នាក់
សរុប 14110816 នាក់
ភ្នំពេញៈ បុរសម្នាក់ពាក់ព័ន្ធករណីបាញ់អ្នករើសអេតចាយម្នាក់ស្លាប់ដោយចោទថាលួចដែក កាលពីទៀបភ្លឺថ្ងៃទី ២៤ កញ្ញា នៅភូមិចាក់ជ្រូក សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញត្រូវបានឃាត់ខ្លួនហើយរួមជាមួយបក្ខពួកជនរងគ្រោះម្នាក់ផងដែរ។
នៅថ្ងៃទី ២៦ កញ្ញាប្រភពពីមន្ត្រីនគរបាលខណ្ឌពោធិ៍សែនជ័យសុំមិនបញ្ចេញឈ្មោះបានឱ្យកាសែតដឹង ថា ជនរងគ្រោះក្នុងហេតុការណ៍នេះឈ្មោះ ខឿន វ៉ាន់ឌឿន ភេទប្រុស អាយុ ១៨ ឆ្នាំ។ រីឯជនសង្ស័យឈ្មោះម៉ា ច័ន្ទរិទ្ធី អាយុ ២៦ ឆ្នាំរស់នៅភូមិចាក់ជ្រូក សង្កាត់ត្រពាំងក្រសាំង ខណ្ឌពោធិ៍សែនជ័យរាជធានីភ្នំពេញ(មិនប្រាប់ពីតួនាទីដែលមានអាវុធប្រើ?)។ «ករណីនេះ ខាងការិយាល័យព្រហ្មទណ្ឌរាជធានីភ្នំពេញជាអ្នកកាន់សំណុំរឿងនេះ។ ប៉ុន្តែខាងខណ្ឌយើងក៏សហការដែរ»។ប៉ុន្តែខាងអ្នកនាំពាក្យស្នងការនគរបាលរាជធានីមិនបានប្រាប់រឿងនេះដល់កាសែតឡើយ។
នគរបាននិយាយតាមសាក្សីនៅកន្លែងកើតហេតុថា កាលពីម៉ោងជាង១រំលងអធ្រាត្រឈានចូលថ្ងៃទី ២៤ កញ្ញា មានបុរសចំនួន ៤ នាក់ បានដើរអូសរទេះអេតចាយហើយបានលួចដែកពីផ្ទះ ១ កន្លែង។ពេលនោះម្ចាស់ដែកទាន់ហើយបានដេញក្រុមជនទាំងនោះ តែត្រូវជនទាំង ៤ នាក់យកដែកត្បែងដេញវាយម្ចាស់ដែកវិញ។ដោយឃើញជនទាំង៤នាក់ដេញវាយឪពុកក្មេកក៏ស្រាប់តែបុរសជាកូនប្រសា(ជនសង្ស័យ)យកកាំភ្លើងខ្លីបាញ់ត្រូវជនរងគ្រោះឈ្មោះខឿន វ៉ាន់ឌឿន ចំគល់ក្លៀកខាងស្តាំ១គ្រាប់របួសធ្ងន់ ហើយត្រូវអ្នកនៅជិតកន្លែងកើតហេតុនាំគ្នាដឹកទៅសង្គ្រោះនៅមន្ទីរពេទ្យតែបានស្លាប់ក្រោយបញ្ជូនដល់មន្ត្រីពេទ្យបានបន្តិច។
មន្ត្រីនគរបាលរូបនោះបាននិយាយតាមសម្តីម្ចាស់ដែកថា៖ តាមពិតទៅក្រុមអ្នកដើររើសអេតចាយនោះធ្លាប់បានលួចដែកកាលពីថ្ងៃទី២៣កញ្ញាម្តងហើយ ប៉ុន្តែម្ចាស់គេទើបតាមទាន់នៅយប់ថ្ងៃទី២៤កញ្ញា។លុះថ្ងៃទី ២៥ កញ្ញា សមត្ថកិច្ចខណ្ឌពោធិ៍សែនជ័យសហការជាមួយនគរបាលព្រហ្មទណ្ឌស្នងការដ្ឋាននគរបាលរាជធានីភ្នំពេញបានស្រាវជ្រាវឃាត់ខ្លួនបក្ខពួកជនរងគ្រោះបានម្នាក់។ ចំណែកខ្មាន់កាំភ្លើងក៏ចាប់បាននៅថ្ងៃនោះដែរ។ «អ៊ីចឹងសមត្ថកិច្ចឃាត់ខ្លួនបានទាំងអ្នកបាញ់គេបានទាំងបក្ខពួកចោរម្នាក់ផង»។ចំពោះជនសង្ស័យទាំង ២ នាក់ ដែលម្នាក់ជាអ្នកបាញ់សម្លាប់ជនរងគ្រោះ និងម្នាក់ទៀតជាបក្ខពួកចោរគឺសមត្ថកិច្ចកំពុងបន្តស៊ើបមុនពេលបញ្ជូនពួកគេទៅសាលាដំបូងរាជធានីភ្នំពេញដើម្បីចាត់ការតាមបន្តតាមនីតិច្បាប់។