វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1515 នាក់
ម្សិលមិញ 3717 នាក់
សរុប 14149848 នាក់
ភ្នំពេញ៖ អ្នកនាង អាជី ឬ Ah Gi Leader ជាអ្នកលក់ឡេអនឡាញដ៏ល្បីឈ្មោះម្នាក់ បន្ទាប់ពីត្រូវក្រសួងវប្បធម៌ និងវិចិត្រសិល្បៈ កោះហៅទាំងពីរនាក់បងប្អូន (អាជី-អាម៉ី) ទៅធ្វើការអប់រំ «ដុះក្អែល» ព្រោះបានផលិតឃ្លីបសម្តែងរឿង «ទុំទាវ ២០២១» ដែលមានឈុតកាយវិការដ៏មិនសមរម្យច្រើន ជាពិសេសបានយកតួអង្គតំណាងឲ្យព្រះសង្ឃ បែរមកសម្តែងក្នុងលក្ខណៈបែបកំប្លែងលេងសើច ។
ឡូវ ថ្មីៗនេះ អាជី បានធ្វើឲ្យមហាជនភ្ញាក់ផ្អើល ម្តងទៀត ក្រោយពីបានឃើញ នាងឲ្យ បមេធាវីចេញលិខិតប្រកាសទុកពេល ៤៨ ម៉ោង ដើម្បីឱ្យ «ចំប៉ីខ្មៅ» បុរសភេទទី៣ចេញវីដេអូសូមទោសជាធារណៈ ដោយបានចោទប្រកាន់ថា ចំប៉ីខ្មៅ បានយកខ្សែអាត់សម្លេងវីដេអូឃ្លីបរបស់ខ្លួនទៅធ្វើជាប្រធានបទ សម្តែង។តែក្រោយពីដឹងរឿងមហាជនមានការហួសចិត្តករណីយ៍ ដែល អាជី បានចេញវីដេអូចង់កោះហៅអ្នកដែលរិះគន់ខ្លួនសំដៅនូវពាក្យមិនល្អ។បើតាមរយៈខ្សែអាត់សំឡេងនោះ អាជី បាននិយាយជាមួយកំហឹងខ្លាំងៗ ព្រមានទៅមនុស្សមួយចំនួនដែលបានចោទប្រកាន់ថាបានដៀលខ្លួន «សំផឹង» នឹងស្នើឲ្យមេធាវីចាត់ការតាមផ្លូវច្បាប់ ហើយទាមទារសំណងជាទឹកប្រាក់ក្នុងម្នាក់ ២០ ម៉ឺនដុល្លារ តែម្តង។
ករណីយ៍នេះយុវជនឈ្មោះយិនហេងហៅ ចំប៉ីខ្មៅ ដែលបានរៀនចប់ថ្នាក់បរិញ្ញាបត្រផ្នែកច្បាប់និងដាក់ពាក្យប្រឡងចូលចៅក្រម ក៏បានសម្តែងការហួសចិត្តថា ការចេញមុខព្រមានរបស់អ្នកនាង អាជី គឺជារឿងដែលមិនសមហេតុផល ព្រោះតាមពិនិត្យមើលទៅ គឺ អាជី ឆេះដុំទៅនឹងអ្នកខមិនពាក្យថា «SP» ដែលរូបនាងបានសន្មត់ចង់ផ្តោតពាក្យ «សំផឹង»។ ប៉ុន្តែ ចំប៉ីខ្មៅ អះអាងថា អក្សរ «SP» នេះ គឺគ្រាន់តែជាអក្សរឡាតាំង ហើយក៏មិនត្រូវបានកំណត់ជាភាសាខ្មែរផ្លូវការអ្វីឡើយ។ ដូច្នេះហើយ ចំប៉ីខ្មៅ ហ៊ាននិយាយថា អ្នកនាង អាជី គ្មានភស្តុតាងដែលត្រូវដាក់ពាក្យបណ្តឹងប្តឹងអ្នកខមិន ហើយទាមទារសំណងទឹកប្រាក់ ២០ ម៉ឺនដុល្លារ ដ៏គួរឲ្យហួសចិត្តបែបនេះឡើយ។ក្រោយឃើញ ចំប៉ីខ្មៅ ធ្វើការបកស្រាយពន្យល់ផ្លូវច្បាប់បែបនេះ បានធ្វើឲ្យមហាជនជាច្រើនគាំទ្រយ៉ាងពេញទំហឹង និងបាននាំគ្នាលើកយកអក្សរកាត់ «SP» ពន្យល់ឲ្យ អាជី បានដឹងតាមរយៈន័យផ្សេងៗគ្នាថា៖ SP=Sva Prey ស្វាព្រៃ, SP=ស៊ីផុយ SP = សុផាត, SP = សុភី, សុ ភ័ក្ត្រ, ស្រី ពៅ, ស្រី ភា និងនៅមានច្រើនទៀតដែលយកអក្សរ SP មកកាត់ន័យបាន ហេតុនេះមិនប្រាកដថាអក្សរ SP មានន័យ «សំផឹង» ដូចអាជី បានគិតនោះទេ។
ទោះជាយ៉ាងណា នៅថ្ងៃទី២១ ខែវិច្ឆិកា ឆ្នាំ២០២៣ ចំប៉ីខ្មៅក៏បានសម្រេចចិត្ត លុបចោលវីដេអូនោះចេញគណនីហ្វេសប៊ុករបស់ខ្លួនរួចហើយ ប៉ុន្តែ ពុំបានចេញវីដេអូសុំទោសឡើយ។លិខិតក្រុមមេធាវី អន្តរជាតិ ខេ ធី អិល ចុះថ្ងៃទី២០ ខែវិច្ឆិកា ឆ្នាំ២០២៣ តំណាងដោយមេធាវី ឈុន ច័ន្ទតារា បានជូនដំណឹងទៅកាន់លោក យិន ហេង ហៅ ចំប៉ីខ្មៅ ឱ្យសូមទោសកូនក្តីរបស់ខ្លួនជាសាធារណៈឈ្មោះ «តេង ស៊ីណាត» ដែលមហាជនស្គាល់ថាអាជី និងលុបវីដេអូដែលបានបង្ហោះជាបន្ទាន់ក្នុងរយៈពេល៤៨ម៉ោង មិនដូច្នេះទេនឹងមានវិធានការតាមផ្លូវច្បាប់។