វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 839 នាក់
ម្សិលមិញ 10264 នាក់
សរុប 14140021 នាក់
ភ្នំពេញ៖ ដើមឆ្នាំថ្មី ២០២០ កញ្ញាតន់ ច័ន្ទសីម៉ា តារាចម្រៀងផលិតកម្ម Galaxy បានធ្វើឲ្យមហាជនស្គាល់និងគាំទ្រកាន់តែច្រើន ក្រោយពីនាងបទចេញថ្មីចង្វាក់ហ៊ីបហប់មួយបទមានចំណងជើងថា "ឡានស៊ីរ៉ែន" ។បទចម្រៀងនេះបញ្ចេញក្រោយពីបទចម្រៀង ៣បទរបស់នាងកាលពីគ្រាកន្លងទៅទទួលបានការពេញចិត្តពីអ្នកគាំទ្រ។
ការផ្អាកច្រៀងនៅតាមភោជនីយដ្ឋានរបស់តារាស្រីរូបនេះក៏នឹងអាចទុកពេលឲ្យនាងហ្វឹកហាត់ក្បាច់រាំ និងការថែរក្សាសុខភាពសំឡេងរបស់នាងកាន់តែប្រសើរ និងត្រៀបចេញទទួលយកការងារលើឆាកតន្ត្រីធំចាប់ពីដើមឆ្នាំនេះផងដែរ។ បទនេះ ជាប្រភេទបទបែប ឌីជេ កម្រលឺសម្រាប់នាងផ្ទាល់ និងប្រិយមិត្តរបស់នាង។
ប្រភេទបទពេញនិយមសម្រាប់យុវវ័យមួយនេះ ទើបនឹងចេញនៅយប់ចុងក្រោយនៃឆ្នាំ ២០១៩ ប៉ុណ្ណោះ ហើយមកដល់ពេលនេះ អ្នកគាំទ្ររបស់នាងនៅតែជជែកគ្នាពីរឿងនេះនៅឡើយថា ប្លែក និងពីរោះ។ជាពិសេសនោះឃើញថាបទ ឡាន សារ៉ែន របស់តារាចម្រៀងស្រីរូបនេះ គឺមានការគាំទ្រយ៉ាងខ្លាំង គួរឱ្យកត់សម្គាល់ទាំងក្នុងស្រុក ទាំងក្រៅស្រុក និងមានតារាចម្រៀង Cover ថៃ យកទៅច្រៀងCover ថែមទៀតផង។
យ៉ាងណាមិញនាពេលថ្មីនេះៗ ពិតជាប្លែកអារម្មណ៍មែនទែនដោយម្ចាស់បទ ឡាន សារ៉ែន រូបនេះបាន Cover សារជាថ្មីច្រៀងជាភាសាថៃវិញម្តង គឺពិតជាពីរោះប្លែកត្រជាក់ខ្លាំងមែនទែន ជាមួយនឹងកាយវិកាយយ៉ាងក្រមិចក្រម៉ើម៕
តាមរយៈបទនេះ អ្នកគាំទ្រនាងជាច្រើន បានលើកសរសើរតារាចម្រៀងស្រីថា នាងមានសមត្ថភាពខ្ពស់គឺអាចច្រៀងបានគ្រប់ទម្រង់តែម្ដង។ ក៏មានសរសើរពីទឹកដៃនិពន្ធបទភ្លេងរបស់ Tempo Tris ដែរថា មារសជាតិប្លែក មួយបទណាក៏ពីរោះដែរ។ ចំណុចគួរចាប់អារម្មណ៍បទ "ឡានស៊ីរ៉ែន" គឺជាស្នាដៃនិពន្ធផ្ទាល់របស់ឧកញ៉ា ឡេង ណាវ៉ាត្រា បន្ទាប់ពីឧកញ៉ាវ័យក្មេងរូបនេះ បានជួយឲ្យ ល្បីជាមួយបទ "គេជាស្រីកាប់ដាវ" ។