វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6016 នាក់
ម្សិលមិញ 5304 នាក់
សរុប 14145542 នាក់
បន្ទាយមានជាន័៖ជនជាតិចិនម្នាក់ដែលត្រូវគេស្គាល់ថា ជាអ្នកគ្រប់គ្រងកាស៊ីណូហ្គោលឌិន ស្ថិតភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត ត្រូវបានបុគ្គលិកជាជនជាតិចិនដូចគ្នា ចាក់ជាច្រើនកាំបិតបណ្តាលឱ្យស្លាប់នៅក្នុងថ្លុកឈាម កាលថ្ងៃទី១១ ខែតុលា ឆ្នាំ២០២៣នៅអគារកាស៊ីណូ ។
សមត្ថកិច្ច ឱ្យដឹងនៅថ្ងៃទី១២ ខែតុលា ឆ្នាំ២០២៣នេះថា ជនរងគ្រោះដែលស្លាប់អាយុជាង៣០ឆ្នាំ (ជនជាតិចិនមានតួនាទីគ្រប់គ្រោងកាស៊ីណូ) ស្នាក់នៅអគារខាងលើ។ មូលហេតុដែលជនសង្ស័យបានចាក់សម្លាប់ជនរងគ្រោះ ដោយសារជនរងគ្រោះនិងអ្នកបើកបររបស់ខ្លួន បានទៅតាមរកជនសង្ស័យដែលខ្ជិលធ្វើការនិងរត់មកដេកក្នុងបន្ទប់ ហើយក្រោយតាមមកដល់ក្នុងបន្ទប់ជនរងគ្រោះក៏បានទាញកអាវជនសង្ស័យឡើងជង្គង់ ២ទៅ៣ដង។ ភ្លាមនោះជនសង្ស័យបានខឹងក៏ទាញកាំបិតកៃចុងស្រួច ដែលដាក់ក្នុងហោបៅជាប់ខ្លួន ចាក់ជាច្រើនកាំបិតលើដើមទ្រូងជនរងគ្រោះ ភ្លាមនោះអ្នកបើកបររបស់ជនរងគ្រោះក៏ស្ទុះទៅជួយវ៉ៃទៅជនដៃដល់ ហើយជនបង្ករក៏បានគេចខ្លួនបាត់។សមត្ថកិច្ចបញ្ជាក់ថា ក្រោយមន្ត្រីជំនាញចុះពិនិត្យសាកសព ហើយក៏បានដឹកសាកសពតាមរយៈរថយន្តអំប៊ូឡង់ ទៅរាជធានីភ្នំពេញ ស្ថានទូតចិនប្រចាំកម្ពុជា រងចាំសាច់ញាតិមកទទួលយកទៅប្រទេសចិនវិញ។ សមត្ថកិច្ចក៏កំពុងស្រាវជ្រាវចាប់ខ្លួនជនដៃដល់ដើម្បីចាត់ការតាមច្បាប់៕