ហាងលក់សាច់ត្រីសាលម៉ុនចរណៃទទួលស្គាល់កំហុសនិងសុំទោសអ្នកទិញ!

ករណីយ៍ក្រុមចំរុះខណ្ឌព្រែកព្នៅចុះឆែករកទំនិញសៀមប្រជាពលរដ្ឋប្រតិកម្មក្នុងពេលលោកចាងហ្វាងខំសំពងលោកអនុរដ្ឋលេខាធិការក្រសួងអធិការកិច្ចម្នាក់!

ក្នុងគោលបំណងកាត់ផ្តាច់ឫសគល់បទល្មើសឆបោកតាមអនឡាញកម្ពុជាបើកយុទ្ធនាការផ្ទៀងផ្ទាត់អត្តសញ្ញាណអ្នកប្រើប្រាស់ស៊ីមកាតជាមួយគណនីធនាគារ គណនីទូទាត់សងប្រាក់

មហាជនរិះគន់ខ្លាំងៗ ចំពោះកម្មវិធីរត់ប្រណាំងអន្តរជាតិពាក់កណ្តាលម៉ារ៉ាតុងភ្នំពេញ លើកទី១៤, អបអរទិវាចំរើនព្រះជន្ម

សម្តេចតេជោបកស្រាយបញ្ហាបង្ក្រាបទំនិញថៃក្នុងពេលរដ្ឋាភិបាលមិនប្រកាសបិទការនាំចូល!

អភិបាលរងស្រុកកៀនស្វាយលោក ស៊ុម ធន ឈរឈ្មោះប្រមូលទិញដីប្រជាពលរដ្ឋជូនអ្នកឧកញ៉ា ហុង ពីវ, ពលរដ្ឋធ្វើប្លង់ឱ្យហើយ តែលុយបង់មិនព្រមឲ្យគ្រប់!

ករណីចេញស្សែកស្អុយ៣០ម៉ឺនដុល្លារឧកញ៉ាហេងឡុងបានល្អឡើងវិញមិនមានទោសព្រោះមេអន្តរាគមន៍!

ជាច្រើនទៀត

ចំនួនអ្នកទស្សនា

ថ្ងៃនេះ 2175 នាក់

ម្សិលមិញ 8930 នាក់

សរុប 19699429 នាក់

ប្រធានាធិបតីអ៊ុយក្រែនទៅការពារខ្លួននៅអង្គការសហប្រជាជាតិក្នុងពេលដែលក្នុងប្រទេសកំពុងសំអាតមន្ត្រីក្នុងក្រសួងការពារជាតិ

06-June-2026 / ព័ត៌មានអន្តរជាតិ

អ៊ុយក្រែន៖ ប្រធានាធិបតីអ៊ុយក្រែន លោក វ្លូឌីមៀ ហ្សេលែនស្គី (Volodymyr Zelenskiy) បានជួបជាមួយទាហានអ៊ុយក្រែនដែលរងរបួស ស្ថិតនៅឯមន្ទីរពេទ្យនៅក្នុងទីក្រុងញូវយ៉ក កាលពីដើមសប្តាហ៍នេះ មុនពេលដែលលោកទ្រូទៅថ្លែងសុន្ទរកថា ទៅកាន់បណ្តាមេដឹកនាំពិភពលោកនៅអង្គការសហប្រជាជាតិ ។ a uy un

នេះគឺជាដំណើរទស្សនកិច្ចដោយផ្ទាល់ជាលើកដំបូងរបស់លោក ទៅកាន់ស្ថាប័នពិភពលោកដែលមានសមាជិក ១៩៣ ប្រទេសចាប់តាំងពីរុស្ស៊ីឈ្លានពានអ៊ុយក្រែន កាលពីខែកុម្ភៈ ឆ្នាំ ២០២២។ ដោយលោកហ្សេលែនស្គី នឹងថ្លែងសុន្ទរកថាទៅកាន់មហាសន្និបាតប្រចាំឆ្នាំរបស់បណ្តាថ្នាក់ដឹកនាំពិភពលោក នៅថ្ងៃអង្គារនេះក្នុងេលដែលមេដឹកនាំរុស្ស៊ីអង់គ្លេសចិនមិនបានទៅ ចូលរួមទេលើកលែងតែលោកចូបៃដឹនប្រេធានាធិបតីអាមេរិក។

បន្ទាប់ បានចុះ នៅឯព្រលានយន្តហោះក្នុងទីក្រុងញូវយ៉ក លោកហ្សេលែនស្គី បានធ្វើដំណើរត្រង់ដោយឆ្ពោះទៅកាន់មន្ទីរពេទ្យនៅសកលវិទ្យាល័យពេទ្យ ស្តេធិនអាយលែន (Staten Island) ជាទីកន្លែងដែលទាហានអ៊ុយក្រែនរងរបួសដៃ កំពុងស្ថិតនៅ ។ចេញពីទីក្រុងញូវយ៉កកន្លែងដែលលោកត្រូវថ្លែងសន្ទរកថា លោកហ្សេលែនស្គីនឹងធ្វើដំណើរទៅកាន់ទីក្រុងវ៉ាស៊ីនតោន ដោយគេរំពឹងថា លោកនឹងជួបជាមួយប្រធានាធិបតីសហរដ្ឋអាម៉េរិក លោក ចូបៃដិន (Joe Biden) និងសមាជិកសភាអាម៉េរិក ។ តាមរយៈការបង្ហោះនៅលើបណ្តាញសារអេឡិចត្រូនិក Telegram លោកហ្សេលែនស្គី (Zelenskiy) បានអះអាងថា លោកក៏មានគម្រោងជួបជាមួយក្រុមមន្ត្រីយោធា និងធុរកិច្ចជនផងដែរ ។

សូមបញ្ជាក់ដែរថាដើម្បីបង្ហាញភាពស្អាតស្អំពីអំពើពុករលួយរដ្ឋាភិបាលអ៊ុយក្រែន បានសម្រេចបណ្ដេញអនុរដ្ឋមន្ត្រីការពារជាតិចំនួន ០៦រូប ទៀតចេញពីតំណែងនៅថ្ងៃចន្ទទី១៨កញ្ញានេះ បន្ទាប់ពីបានតែងតាំងរដ្ឋមន្ត្រីការពារជាតិថ្មីកាលពីដើមខែនេះ។ ទីភ្នាក់ងារសារព័ត៌មាន AFP នៅថ្ងៃទី១៨ ខែកញ្ញា ឆ្នាំ២០២៣បានឲ្យដឹងថា៖រដ្ឋាភិបាលមិនបានផ្តល់ហេតុផលសម្រាប់ការបណ្តេញចេញនោះទេ។ អ្នកដែលត្រូវបានបណ្តេញចេញ រួមមានទាំង លោក Hanna Maliar ដែលតែងតែចេញព័ត៌មានថ្មីៗជាសាធារណៈ អំពីសង្គ្រាមរបស់រុស្ស៊ីនៅអ៊ុយក្រែន។

លោក Rustem Umerov ត្រូវបានតែងតាំងជារដ្ឋមន្ត្រីការពារជាតិជំនួសលោក Oleksiy Reznikov ទើបតែបានមិនទាន់ដល់ពីរសប្តាហ៍ផង។ ក្រសួងការពារជាតិបានប្រឈមមុខ នឹងការចោទប្រកាន់របស់ប្រព័ន្ធផ្សព្វផ្សាយអំពីអំពើពុករលួយ កំឡុងលោក Reznikov នៅកាន់តំណែងប្រមុខការពារជាតិ ទោះបីជាលោកផ្ទាល់មិនបានប្រឈមមុខ នឹងការចោទប្រកាន់ពីអំពើពុករលួយក៏ដោយ។រដ្ឋមន្ត្រីការពារជាតិថ្មីរបស់អ៊ុយក្រែន លោក Umarov បាននិយាយនៅក្នុងសារបង្ហោះហ្វេសប៊ុកថា «ចាប់ផ្តើមឡើងវិញ។ យើងបានចាប់ផ្តើមហើយ។ យើងកំពុងបន្ត។ ក្រសួងនៅតែបន្តការងាររបស់ខ្លួនជាធម្មតា»។គួរបញ្ជាក់ថា នៅពេលចូលកាន់តំណែង លោក Umarov បាននិយាយថា អាទិភាពរបស់ការងារលោក គឺនឹងធ្វើឱ្យក្រសួងក្លាយជាស្ថាប័នសំខាន់ ក្នុងការសម្របសម្រួលកងកម្លាំងការពារជាតិ ការលើកកម្ពស់តម្លៃដែលភ្ជាប់ជាមួយទាហានម្នាក់ៗ ការអភិវឌ្ឍឧស្សាហកម្មយោធារបស់អ៊ុយក្រែន និងការប្រយុទ្ធប្រឆាំងអំពើពុករលួយ៕ a uy un1