របបយោធាមីយ៉ាន់ម៉ា ដាច់ចិត្តស្នើសុំជំនួយពីបរទេស ដើម្បីសង្គ្រោះប្រជាពលរដ្ឋពីទឹកជំនន់កម្ពុជាជួយវៀតណាម!
20-March-2025 / ព័ត៌មានអន្តរជាតិ
មីយ៉ាន់ម៉ា៖ នៅថ្ងៃសៅរ៍ ទី១៤ ខែកញ្ញា ប្រមុខរបបយោធាមីយ៉ាន់ម៉ា បានចេញសំណើដ៏កម្រមួយ សម្រាប់សុំជំនួយពីបរទេស ដើម្បីទប់ទល់នឹងគ្រោះទឹកជំនន់ដ៏កាចសាហាវ ដែលបង្ខំឱ្យអាជ្ញាធររបបសឹកជម្លៀសប្រជាជនរាប់សែននាក់ ដែលកំពុងរងទុក្ខវេទនាស្រាប់នៅក្នុងភ្នក់ភ្លើងនៃសង្គ្រាមស៊ីវិលដ៏រ៉ាំរ៉ៃរយៈពេលបីឆ្នាំ ។
រហូតមកដល់ចុងសប្តាហ៍នេះ គ្រោះទឹកជំនន់ និងការរអិលបាក់ដី បានសម្លាប់មនុស្សជិត ៣០០ នាក់ទៅហើយ ដោយរាប់តួលេខសរុបទាំងនៅក្នុងប្រទេសមីយ៉ាន់ម៉ា វៀតណាម ឡាវ និងថៃឡង់ដ៍ បន្ទាប់ពីព្យុះទីហ្វុងយ៉ាហ្ស៊ី ឬយ៉ាកជី (Yagi) នាំមកនូវព្យុះភ្លៀងយ៉ាងខ្លាំងក្លា ដែលវាយប្រហារតំបន់អាស៊ីអាគ្នេយ៍កាលពីចុងសប្តាហ៍មុន ។
កាលពីថ្ងៃសុក្រទី១២កញ្ញា រដ្ឋាភិបាលមីយ៉ាន់ម៉ា អះអាងថា គ្រោះទឹកជំនន់ បានបង្ខំឱ្យមនុស្សជាង ២៣៥,០០០ នាក់នៅក្នុងប្រទេសមីយ៉ាន់ម៉ា ចាកចេញពីផ្ទះសម្បែង ហើយការណ៍នេះ បានបង្កើនទុក្ខព្រួយបន្ថែមទៀតពីលើគំនរទុក្ខលំបាកចាស់របស់ពលរដ្ឋ បន្ទាប់ពីសង្គ្រាមស៊ីវិលនៅក្នុងប្រទេស បានផ្ទុះឡើងចាប់តាំងពីរបបយោធា បានដណ្តើមអំណាចក្នុងឆ្នាំ ២០២១ ។
ប្រមុខដឹកនាំរបបយោធា លោក មីន អ៊ុងឡាំង (Min Aung Hlaing) បានលើកឡើងថា «មន្ត្រីរដ្ឋាភិបាល ចាំបាច់ត្រូវទាក់ទងជាមួយបណ្តាប្រទេសខាងក្រៅ ដើម្បីទទួលបានជំនួយសង្គ្រោះចាំបាច់ផ្សេងៗសម្រាប់ជនរងគ្រោះនិងអ្នករងផលប៉ះពាល់ឱ្យបានឆាប់រហ័សបំផុតតាមតែអាចធ្វើបាន» នេះបើយោងតាមសេចក្តីរាយការណ៍ដោយកាសែត Global New Of Myanmar ។
របបយោធា បានបញ្ជាក់ជាផ្លូវការថា ចំនួនអ្នកស្លាប់ដោយសារតែគ្រោះមហន្តរាយបង្កដោយព្យុះ Yagi ក្នុងប្រទេសមីយ៉ាន់ម៉ា នាពេលនេះ កើនឡើងដល់ ៣៣ នាក់ ស្របពេលនាយកដ្ឋានពន្លត់អគ្គិភ័យ អះអាងផងដែរថា ក្រុមជួយសង្គ្រោះរកឃើញសាកសពរហូតដល់ ៣៦ នាក់ហើយ ។គួររំឮកថា កន្លងមក របបយោធា បានរារាំង និងមិនបើកចិត្តទទួលយកជំនួយមនុស្សធម៌ពីបរទេសនោះទេ ។
កាលពីឆ្នាំមុន របបនេះ មិនបានអនុញ្ញាតឱ្យក្រុមជំនួយបរទេស អាចយកជំនួយទៅជួយសង្គ្រោះ ប្រជាជនរងគ្រោះដោយព្យុះស៊ីក្លូនម៉ូឆា (Mocha) ដែលបានវាយប្រហារភាគខាងលិចប្រទេសមីយ៉ាន់ម៉ានោះទេ ។ក្នុងឆ្នាំ ២០០៨ របបយោធាត្រូវមជ្ឈដ្ឋានបរទេសចោទប្រកាន់ពីបទរារាំងជំនួយសង្គ្រោះពីប្រទេសក្រៅ បន្ទាប់ពីព្យុះស៊ីក្លូនណារជិះ (Nargis) បានសម្លាប់មនុស្សយ៉ាងហោចណាស់ ១៣៨,០០០ នាក់នៅក្នុងប្រទេសមីយ៉ាន់ម៉ា ។
សូមបញ្ជាក់ថាសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានសម្រេចផ្តល់ថវិកាចំនួន ១០០.០០០ ដុល្លារ ជួយដល់កាកបាទក្រហមវៀតណាម ក្នុងប្រតិបត្តិការមនុស្សធម៌ជួយដល់អ្នករងគ្រោះដោយខ្យល់ព្យុះកំណាច ទីហ្វុង (យ៉កជី) ដែលបានវាយប្រហារភាគខាងជើងប្រទេសវៀតណាម។សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន កាលពីថ្ងៃទី ១៣ ខែកញ្ញា ឆ្នាំ ២០២៤ បានផ្ញើសារលិខិតរំលែកទុក្ខជូនលោកស្រី ប៊ុយ ធីហ័រ ប្រធានកាកបាទក្រហមវៀតណាម ក្នុងគ្រាដែលប្រទេសជិតខាងជួបគ្រោះដោយសារព្យុះកំណាចនេះ។
លិខិតរំលែកទុក្ខបានឱ្យដឹងថា៖«ខ្ញុំពិតជាមានការសោកស្តាយបំផុត ដែលបានទទួលដំណឹងថា ឥទ្ធិពលខ្យល់ព្យុះ យ៉ាកជី (Yagi) បានបង្កឱ្យមានការបាក់ដី និងទឹកជំនន់ធ្ងន់ធ្ងរ ព្រមទាំងបានបំផ្លិចបំផ្លាញនៅតំបន់ភាគខាងជើងនៃប្រទេសវៀតណាម ដែលបណ្តាលឱ្យមានមនុស្សស្លាប់ជិត ២០០នាក់ អ្នកបាត់ខ្លួនប្រហែល ១២៥នាក់ អ្នករបួស ៨០០នាក់ ខូចខាតផ្ទះចំនួន ១៣០.២៦៨ខ្នង និងផ្ទះដែលជន់លិច ចំនួន ៥៧.៨៥៧ខ្នង»។
ក្នុងនាមកាកបាទក្រហមកម្ពុជា និងក្នុងនាមសម្តេចកិត្តិព្រឹទ្ធបណ្ឌិត ប៊ុន រ៉ានី សូមចូលរួមរំលែកសមានទុក្ខដ៏ក្រៀមក្រំ និងរំលែកនូវទុក្ខលំបាកជាមួយកាកបាទក្រហមវៀតណាម និងប្រជាជនវៀតណាមទាំងមូល ជាពិសេសក្រុមគ្រួសារជនរងគ្រោះ និងអ្នកដែលបាត់បង់មនុស្សជាទីស្រលាញ់របស់ពួកគេ។សម្តេចកិត្តិព្រឹទ្ធបណ្ឌិត ប៊ុន រ៉ានី បានបួងសួងឱ្យឆាប់ស្ដារឡើងវិញយ៉ាងឆាប់រហ័ស នៅក្នុងតំបន់ដែលរងគ្រោះ ជាមួយនឹងការខិតខំប្រឹងប្រែងរួមគ្នារបស់កាកបាទក្រហមវៀតណាម និងសហព័ន្ធអន្តរជាតិនៃសមាគមកាកបាទក្រហមនិងអឌ្ឍចន្ទ ក្រហម (IFRC)។
ទឹកជំនន់នៅភូមា
ទឹកជំនន់នៅវៀតណាម
.jpg&h=97&w=146)
