វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1793 នាក់
ម្សិលមិញ 3261 នាក់
សរុប 13058582 នាក់
ពោធិ៍សាត់៖ឯកអគ្គរាជទូតថៃប្រចាំកម្ពុជា គឺលោក ឆឺតកៀត អាត់ថាកន បានជួបជាមួយអភិបាលខេត្តពោធិ៍សាត់ លោក ខូយ រីដា នៅសាលាខេត្តពោធិ៍សាត់ នារសៀលថ្ងៃទី២៩ខែសីហាឆ្នាំ២០២៣ ដើម្បីធ្វើការពិភាគ្សាចំនួន០៣ចំណុចទាក់ទងនិងច្រកព្រុំដែន៖
១.ការតំណរភ្ជាប់គមនាគមន៍រវាងថៃ-កម្ពុជា(ខេត្តត្រាតនិងខេត្តពោធិ៍សាត់) និងតំបន់ប៉ូលសេដ្ឋកិច្ចសំខាន់ៗរបស់កម្ពុជា រួមមាន៖ ប៉ោយប៉ែត បាត់ដំបង សៀមរាប ភ្នំពេញ២.សិក្សាការត្រៀមលក្ខណ:សម្បត្តិ តំបន់ជាយព្រំដែន ជាពិសេសច្រកថ្មដា-ថាសែន។
៣.ស្វែងរកមធ្យោបាយ និងកិច្ចសហប្រតិបត្តិការនៃការជំរុញការធ្វើពាណិជ្ជកម្ម និងទេសចរណ៍តាមជាយដែន ដោយគាំទ្រគំនិតផ្តួចផ្តើម រឿងធ្វើសៀវភៅព្រំដែនបណ្ណោះអាសន្ន (Temporary Border Pass) និងទី៤ ការសហការនិងជួយគ្នាទៅវិញទៅមកក្នុងការកាត់បន្ថយ ការពារនិងបញ្ជៀសនូវគ្រោះមហន្តរាយផ្សេងៗ ដែលកើតឡើងដូចជាក្នុងករណីអគ្គិភ័យនៅក្រុងប៉ោយប៉ែត។ ក្រៅពីនេះស្ថានទូត ក៏ធ្លាប់សហការជាមួយកងទ័ពជើងទឹកថៃ និងមន្ទីរពេទ្យក្រុងថេបចន្ទបុរីនៅក្នុងការបណ្តុះបណ្តាលឆ្មាំសមុទ្រនៅខេត្តព្រះសីហនុ ដោយស្ថានទូតក៏នឹងរីករាយគាំទ្រនិងផ្តល់ការសហការ ប្រសិនបើខេត្តពោធិ៍សាត់ មានគំនិតផ្តួចផ្តើមគម្រោង ដែលមានលក្ខណ:បែបនេះ។
ភាគីថៃក៏ចង់ទទួលបាននូវព័ត៌មានផ្សេងៗទាក់ទងនិងការអភិវឌ្ឍន៍ អំពីសក្តានុពលរបស់ខេត្តពោធិ៍សាត់ ដើម្បីរូបរួមទិន្នន័យ យកទៅផ្សព្វផ្សាយបន្តដល់ឯកជន អ្នកវិនិយោគថៃនិងភ្ញៀវទេសចរណ៍ថៃបន្តចូលមកទស្សនាកម្សាន្តនៅកម្ពុជា ជាពិសេសក្នុងទឹកដីខេត្តពោធិ៍សាត់។លោក ខូយ រីដា បានស្វាគមន៍ចំពោះវត្តមានលោក ឆឺតកៀត អាត់ថាកន ឯកអគ្គរាជទូតថៃប្រចាំកម្ពុជា ដែលកន្លងមកប្រទេសទាំងពីរមានទំនាក់ទំនងគ្នាល្អ លើគ្រប់វិស័យ ជាពិសេសបញ្ហាព្រំដែន ហើយលោកក៏មានការគាំទ្រ ចំពោះកិច្ចពិភាក្សានេះផងដែរ។
លោកអភិបាលខេត្តបានឲ្យដឹង ថា នៅខេត្តពោធិ៍សាត់ ប្រមុខរាជរដ្ឋាភិបាល បានស្ថាបនាផ្លូវ១ខ្សែគឺផ្លូវជាតិលេខ១៥៥ តភ្ជាប់ពីផ្លូវជាតិលេខ៥ ឆ្ពោះទៅកាន់ច្រកទ្វារព្រំដែនលេខ៥៦ថ្មដា ដែលអាចធ្វើដំណើរឬដឹកជញ្ជួនកសិផល ពីកម្ពុជាទៅលក់នៅក្នុងប្រទេសថៃ បានដោយចំណាយពេលវេលា២ទៅ៣ម៉ោងប៉ុណ្ណោះ ដូចជាស្រូវ អង្ក ដំឡូងមី ពោត សណ្តែក ជ័រកៅស៊ូ ត្រីទឹកសាបនិងកសិកផលផ្សេងៗទៀតដែលប្រជាជនកម្ពុជាផលិតបាន។
បើទោះបីបច្ចុប្បន្នផ្លូវមានស្ថានភាពបត់បែន ទាបខ្ពស់ ចុះឡើងក៏ពិតម៉ែន ប៉ុន្តែបើយើងឯកភាពគ្នា បើកច្រកទ្វារព្រំដែន ការដឹកជញ្ជួនបានកម្រិតណាមួយនោះតាមលក្ខណជាក់ស្តែង ប៉ុន្តែអ្វីដែលសំខាន់ធ្វើយ៉ាងណា ឲ្យប្រជាជននៃប្រទេសទាំងពីរធ្វើចរាចរណ៍ចេញចូល និងដោះដូរទំនិញគ្នាទៅវិញទៅមកបាន ដូចជាការបង្កើតឲ្យមានប័ណ្ណឬលិខិតចេញចូលជាបណ្តោះអាសន្នជាដើម។ចំពោះបញ្ហានេះ ខាងភាគីថៃ គឺលោក ឆឺតកៀត អាត់ថាកន បានមានប្រសាសន៍ថា នឹងខិតខំជំរុញនូវគំនិតផ្តួចផ្តើមរឿងការធ្វើសៀវភៅព្រំដែនបណ្តោះអាសន្ន ដែលកន្លងមកក្រសួងមហាផ្ទៃថៃ និងក្រសួងមហាផ្ទៃកម្ពុជា ធ្លាប់បានទំនាក់ទំនងចរន្តឯកសារគ្នាម្តងរួចហើយ។