ការតម្លើងលុយឧបត្ថម្ភជូនស្ត្រីមានផ្ទៃពោះរាជរដ្ឋាភិបាលមានគោលដៅ!
21-September-2026 / សេដ្ឋកិច្ច
ភ្នំពេញ៖ នៅថ្ងៃទី០៤ ខែ មិថុនា ឆ្នាំ ២០២៣នេះរាជរដ្ឋាភិបាលបានសម្រេចដាក់ចេញជាផ្លូវការស្តីពី ការបង្កើនកម្រិតប្រាក់ឧបត្ថម្ភ ជូនស្ត្រីជាកម្មក រនិយោជិត មន្ត្រីរាជការ និង ស្ត្រីនៃគ្រួសារ មានបណ្ណសមធម៌ ក្នុងអំឡុងពេលមានផ្ទៃពោះរហូតដល់កូនអាយុ២ឆ្នាំ។
សេចក្តីប្រកាសព័ត៌មានរបស់រាជរដ្ឋាភិបាលចេញនៅថ្ងៃទី ៤ ខែ កក្កដា ឆ្នាំ ២០២៣បានបញ្ជាក់ថា(ការតម្លើងលុយជួយ)ក្នុងគោលបំណងចូលរួមលើកកម្ពស់សុខុមាលភាពមាតា និងកុមារតូច ព្រមទាំងរួមចំណែក ដោះស្រាយបញ្ហាកង្វះអាហារូបត្ថម្ភរបស់កុមារចាប់តាំងពីកូននៅក្នុងផ្ទៃ រហូតដល់អាយុ ២ឆ្នាំ និងជំរុញ ការលូតលាស់ទាំងកាយសម្បទា ទាំងបញ្ញាស្មារតី ក្នុងរយៈពេល ១ ០០០ ថ្ងៃដំបូងនៃជីវិត រាជរដ្ឋាភិបាល បានដាក់ឱ្យដំណើរការកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារតូច តាមរយៈកម្មវិធីមួយចំនួន រួមមាន កម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម ២ឆ្នាំ ដែលជាកម្មវិធីជាតិ ជំនួយសង្គមដំបូងគ កម្មវិធីផ្ដល់ប្រាក់ឧបត្ថម្ភបន្ថែមជូនកម្មករនិយោជិតជាស្ត្រីនៅពេលសម្រាលកូន និង ការផ្តល់ប្រាក់ឧបត្ថម្ភមាតុភាពជូនមន្ត្រីរាជការជាស្ត្រីដែលសម្រាលកូន។
ក្នុងសេចក្តីប្រកាសព័ត៌ដដែលនេះបានឲ្យដឹងថា កម្មវិធីឧបត្ថម្ភមាន ដូចខាងក្រោម៖១. កម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំដោយ ដំឡើងកម្រិតប្រាក់ ឧបត្ថម្ភ ទ្វេដង សម្រាប់ការពិនិត្យផ្ទៃពោះមុនសម្រាល, ការសម្រាលកូន១ និងគិតគូរបន្ថែម សម្រាប់ករណីកូនភ្លោះនិងការពិនិត្យសុខភាពក្រោយសម្រាល និងកូនទៅទទួលថ្នាំបង្ការរហូតដល់កូនមានអាយុ២។
២. ការផ្តល់ប្រាក់ឧបត្ថម្ភបន្ថែមជូនកម្មករនិយោជិតជាស្ត្រីដែលជាសមាជិក ប.ស.ស ក្នុងអំឡុងពេល មានផ្ទៃពោះ រហូតដល់កូនអាយុ២ឆ្នាំ និងដែលប្រើប្រាស់សេវានៅតាម មូលដ្ឋានសុខាភិបាលសាធារណៈ, ផ្តល់ប្រាក់ឧបត្ថម្ភសម្រាប់ការពិនិត្យផ្ទៃពោះមុនសម្រាល ចំនួន ៤ដង និងការពិនិត្យសុខភាព ក្រោយសម្រាល និងយកកូនទៅទទួលថ្នាំបង្ការរហូតដល់អាយុ២ឆ្នាំ ចំនួន ១០ដង ដូចការ ផ្តល់ជូនស្ត្រីនៃគ្រួសារមានបណ្ណសមធម៌ដែរនិងផ្តល់ប្រាក់ឧបត្ថម្ភ ទ្វេដង សម្រាប់ការសម្រាលកូន១ និងគិតគូរបន្ថែមសម្រាប់ករណីកូនភ្លោះ។
៣. ការផ្តល់ប្រាក់ឧបត្ថម្ភមាតុភាពបន្ថែមជូនមន្ត្រីរាជការ មន្ត្រីកម្មសិក្សា និងមន្ត្រីជាប់កិច្ចសន្យា ជាស្ត្រីក្នុងអំឡុងពេលមានផ្ទៃពោះ រហូតដល់កូនអាយុ២ឆ្នាំ ដែលប្រើប្រាស់សេវានៅតាម មូលដ្ឋាន សុខាភិបាលសាធារណៈ៖ ផ្តល់ប្រាក់ឧបត្ថម្ភសម្រាប់ការពិនិត្យផ្ទៃពោះមុនសម្រាល ចំនួន ៤ដង និងការពិនិត្យសុខភាព ក្រោយសម្រាល និងយកកូនទៅទទួលថ្នាំបង្ការ រហូតដល់អាយុ២ឆ្នាំ ចំនួន ១០ដង ដូច ការផ្តល់ជូនស្ត្រីនៃគ្រួសារមានបណ្ណសមធម៌ដែរនិងផ្តល់ប្រាក់ឧបត្ថម្ភសម្រាប់ការសម្រាលកូន និងករណីកូនភ្លោះ ដូចការផ្តល់ជូន កម្មករនិយោជិត ជាស្ត្រីដែលជាសមាជិក ប.ស.ស ដែរ។
ក្នុងសេចក្តីប្រកាសដដែលបានបញ្ជាក់ដែរថាការដំឡើងកម្រិត និងផ្ដល់ការឧបត្ថម្ភបន្ថែមខាងលើ នឹងចាប់ផ្តើមអនុវត្ត ពីថ្ងៃទី១ ខែសីហា ឆ្នាំ២០២៣ តទៅ។ការដំឡើងកម្រិត និងផ្ដល់ការឧបត្ថម្ភបន្ថែម ជូនស្ត្រីនៃគ្រួសារមានបណ្ណសមធម៌, កម្មករនិយោជិត ជាស្ត្រី ដែលជាសមាជិក ប.ស.ស និងមន្ត្រីរាជការ មន្ត្រីកម្មសិក្សា និងមន្ត្រីជាប់កិច្ចសន្យាជាស្ត្រី ក្នុងអំឡុងពេល មានផ្ទៃពោះពេលសម្រាល និងក្រោយពេលសម្រាល រហូតដល់កូនអាយុ២ឆ្នាំ វាជាការបញ្ជាក់ឱ្យឃើញ ពីការប្តេជ្ញារបស់រាជរដ្ឋាភិបាល(ដឹកនាំដោយគណបក្សប្រជាជន)ក្នុងការគិតគូរដល់ស្ត្រីមានផ្ទៃពោះ និងកុមារតូច ស្របតាម អាទិភាពដែលកំណត់យក “មនុស្ស” ជាចម្បង់ និងគោលការណ៍ “មិនបោះបង់ពលរដ្ឋណាម្នាក់” ដើម្បីជួយ សម្រួលជីវភាពរបស់ប្រជាពលរដ្ឋកម្ពុជា ជាពិសេសដើម្បីលើកទឹកចិត្តស្ត្រីមានផ្ទៃពោះ ឱ្យមកទទួលសេវាពិនិត្យ ផ្ទៃពោះឱ្យបានសមស្របតាមនិយាមសុខាភិបាល ដែលអាចជួយកាត់បន្ថយអត្រាមរណៈមាតា និងទារក និងជំរុញការលូតលាស់ទាំងកាយសម្បទា និងបញ្ញាស្មារតីរបស់កុមារតាំងពីវ័យតូច ដែលជាមូលដ្ឋានគ្រឹះ ក្នុងការក្លាយជាមូលធនមនុស្សដ៏សំខាន់ សម្រាប់បន្តអភិវឌ្ឍសង្គម-សេដ្ឋកិច្ចកម្ពុជា ឱ្យកាន់តែរឹងមាំ និង ប្រកបដោយភាពធន់ សមធម៌ និងបរិយាបន្ន នាពេលអនាគត។
វាក៏ជាការលើកទឹកចិត្តឲ្យស្ត្រីកម្ពុជាបង្កើនការផលិតកូនផងដែរ។ព្រោះថាកម្ពុជាដែលមានផ្ទៃដី១៨១០៣៥គីឡូម៉ែតក្រឡាមានប្រជាពលរដ្ឋតែ១៦លាននាក់ជាងគឺនៅតិចនៅឡើយ។ជាងនេះទៅទៀតតាមការស្រាវជ្រាវវិភាគទៅលើប្រជាសាស្ត្រក្នុងពិភពលោក ពីឆ្នាំ ១៩៥០ ដល់ឆ្នាំ ២០១៧ អ្នកជំនាញខាងផ្នែកមាត្រសាស្ត្រ និងសុខភាពរបស់សកលវិទ្យាល័យវ៉ាស៊ីនតោន បានរកឃើញថា ការបង្កកំណើតរបស់ស្ត្រីនៅក្នុងពិភពលោក បានធ្លាក់ចុះចំនួនពាក់កណ្តាល ពី ៤,៧ នៅឆ្នាំ ១៩៥០ មកនៅ ២,៤នៅឆ្នាំ ២០១៧។ ការធ្លាក់ថយចុះខ្លាំង នៃអត្រាកំណើត កើតមាន នៅក្នុងប្រទេស ចំនួន ៩១ ពាក់កណ្តាលនៃចំនួនប្រទេសក្នុងពិភពលោក ហើយដែលភាគច្រើន ស្ថិតនៅទ្វីបអឺរ៉ុប អាមេរិក។ ជាមួយនឹងប្រទេសនៅអឺរ៉ុប និងអាមេរិក ដែលមានសេដ្ឋកិច្ចរីកលូតលាស់ខ្លាំង អូស្ត្រាលី ហើយនិងកូរ៉េខាងត្បូង កំពុងមានអត្រាកំណើតធ្លាក់ចុះគួរឲ្យកត់សំគាល់។នៅពេលដែលអត្រាកំណើតធ្លាក់ចុះក្នុងចំណោមប្រទេសអភិវឌ្ឍន៍ ប្រទេសមានសេដ្ឋកិច្ចរីកចំរើនលូតលាស់ខ្លាំង ដូចជាប្រទេសស្ហ៊ីប នៅអឺរ៉ុប ជាទីដែលស្ត្រីម្នាក់ មានកូនតែម្នាក់នោះ ផ្ទុយទៅវិញ នៅក្នុងបណ្តាប្រទេសក្រីក្រ នៅអាស៊ី និងអាហ្វ្រិក ដូចជាអាហ្វហ្កានីស្ថាន ម៉ាលី ឬឆាត ស្ត្រីម្នាក់ មានកូនជាមធ្យម ៦នាក់។
