វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8114 នាក់
ម្សិលមិញ 5020 នាក់
សរុប 14123561 នាក់
ខេត្តសៀមរាប ៖ ប៊ីចេងសញ្ញារូបវែក១៨តោន ដែលសមត្តកិច្ចថាក្លែងបន្លំពាណិជ្ជសញ្ញា និង ក្លែងផលិតផលទំនិញត្រូវបានគណៈកម្មាធិការប្រយុទ្ធប្រឆាំងផលិតផលក្លែងក្លាយនៃស្នងការដ្ឋានការនគរខេត្តសៀមរាបដកហូតបានចំនួន១៨តោនកាលពីថ្ងៃទី១៨ ខែធ្នូ ឆ្នាំ២០១៩ត្រូវបានយកមកធ្វើពិធីដុតបំផ្លាញចោលនៅព្រឹកថ្ងៃទី២៨ ខែកក្កដា ឆ្នាំ២០២២ នៅក្នុងភូមិអន្លង់ពីរ ឃុំត្រពាំងធំ ស្រុកប្រាសាទបាគង ខេត្តសៀមរាប ។
លោកឧត្តមសេនីយ៍ទោ ទូច យុទ្ធា អនុលេខាធិការដ្ឋានបានឱ្យដឹងថា វត្ថុតាងទាំងនេះគឺជាបទល្មើសក្នុងការក្លែងបន្លំពាណិជ្ជសញ្ញា និងក្លែងផលិតផលទំនិញ ដោយបានរំលោភទៅលើកម្មសិទ្ធិបញ្ញា ក្រុមហ៊ុនដែលបានធ្វើការចុះបញ្ជីនៅក្រសួងពាក់ព័ន្ធ។ លោកឧត្តមសេនីយ៍ទោបានបន្តទៀតថា ប៊ីចេងក្លែងក្លាយទាំង១៨តោននេះ សមត្ថកិច្ចក្រុមប្រតិបត្តិការ នៃគណៈកម្មាធិការប្រយុទ្ធប្រឆាំងផលិតផលក្លែងក្លាយបានសហការជាមួយអាជ្ញាធរមូលដ្ឋានចុះធ្វើការឆែកឆេរត្រួតពិនិត្យជាក់ស្តែង ហើយបានរកឃើញមានការរក្សាទុកសម្ភារវេចខ្ចប់លក់និងចែកចាយផលិតផលដែលជាការបង្កគ្រោះថ្នាក់មានហានិភ័យខ្ពស់ដល់សុខភាពនិងសុវត្ថិភាពសង្គម និងដល់អ្នកប្រើប្រាស់។ ក្រោយពេលនីតិវិធីរបស់ស្ថាប័នតុលាការបានចប់សព្វគ្រប់ហើយទើបគណៈកម្មាធិការប្រយុទ្ធប្រឆាំងផលិតផលក្លែងក្លាយសុំធ្វើការរៀបចំដុតបំផ្លាញចោលនៅថ្ងៃនេះ។
លោកឧត្តមសេនីយ៍ទោក៏បានបញ្ជាក់ទៀតថា រាល់បទល្មើសទាំងអស់យើងគ្រប់រូបត្រូវចូលរួមសហការជាមួយសមត្ថកិច្ចជំនាញ ក្នុងការបង្ក្រាប ទប់ស្កាត់នូវផលិតផលក្លែងក្លាយដែលគ្មានស្លាកយីហោត្រឹមត្រូវ និងមិនបានចុះកម្មសិទ្ធិបញ្ញានៅក្រសួង ដែលបានធ្វើចរាចរណ៍នៅតាមទីផ្សារឬតាមហាងនិងទីកន្លែងផ្សេងៗទៀត គឺត្រូវធ្វើការបង្ក្រាបឱ្យខាងតែបាន។ ក្នុងនោះលោកក៏បានបញ្ជាក់ទៀតថា គ្រប់សកម្មភាព បទល្មើសទាំងអស់ដែលធ្វើឱ្យប៉ះពាល់ដល់សុខុមាលភាពរបស់ប្រជាពលរដ្ឋ កម្លាំងសមត្ថកិច្ចនៅតែធ្វើការបង្ក្រាបឱ្យដូចភ្លៀងរលឹម ហើយក៏មិនខ្លបខ្លាចជនល្មើសទាំងនោះឡើយ។
តាមការបញ្ជាក់របស់លោកប៉ុន តារា ព្រះរាជអាជ្ញារងនៃសាលាដំបូងខេត្តសៀមរាបបានឱ្យដឹងថា ចំពោះករណីបុគ្គលម្ចាស់ផលិតផលក្លែងក្លាយនេះត្រូវបានសាលាដំបូងខេត្តចេញសាលក្រមដាក់ពន្ធនាគាររយៈពេល១ឆ្នាំ។តំណាងក្រុមហ៊ុនដែលជាអ្នកដើមបណ្តឹងបានធ្វើការបកស្រាយបង្ហាញនូវសារៈសំខាន់ៗនៅលើកញ្ចប់ប៊ីចេងសញ្ញារូបវែកដើម្បីជាចំណុចសម្គាល់ទៅលើផលិតផលក្លែងក្លាយ និងមិនក្លែងក្លាយសម្រាប់ប្រជាពលរដ្ឋយើងគ្រប់រូបយកទៅប្រើប្រាស់ផងដែរ៕