វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 858 នាក់
ម្សិលមិញ 4140 នាក់
សរុប 14163248 នាក់
សៀមរាប:ឡានក្រុងដឹកអ្នកដំណើរមួយគ្រឿងបើកលឿនក្រឡាប់ទាំង ព្រឹកថ្ងៃទី១៨ ខែមិថុនា ឆ្នាំ២០២៣ វេលាម៉ោង ៤ និង២០នាទីនៅចំណុច ចន្លោះបង្គោលលេខ ៣៤០ និង៣៤១ស្ថិតនៅភូមិ ប៉ាក់ប៉ាន់ ឃុំពួក ស្រុកសរសរស្តម្ភ និងស្រុកពួក ខេត្តសៀមរាប។រថយន្តដឹកអ្នកដំណើរដែលគ្រោះថ្នាក់ពាក់ស្លាកលេខភ្នំពេញ 3.4999ពីភ្នំពេញទៅប៉ោយប៉ែតខេត្តបន្ទាយមានជ័យក្រឡាប់ផ្ងារជើងអូសប្រវែង ៧០០ម៉ែត្រធ្លាក់ស្រែផ្ងារជើងឡើងបណ្តាលឲ្យមានអ្នករងរបួសធ្ងន់ស្រាលចំនួន ២៧នាក់ ក្នុងនោះមានជនបរទេស ០៣នាក់ផងដែរ។
ប្រជាពលរដ្ឋដែលរងគ្រោះបានប្រាប់ឲ្យដឹងថា ÷គាត់បានទិញសំបុត្រនៅផ្សារសុរិយា ខាងជើងផ្សារថ្មីដែលមានភ្នំរស្មីភ្នំពេញអ៊ុិចប្រេសដែលធ្វើដំណើរពីភ្នំពេញទៅប៉ោយប៉ែត ខេត្តបន្ទាយមានជ័យ។ មុនពេលមកដល់កន្លែងកើតហេតុខាង តៃកុងឡានងងុយដេក (ងោក)ក៏បានអោយព្រូឡានបើកជំនួសវិញ។បានដូចចិត្តតៃកុងវ័យក្មេងលេងម៉ាទំហ៊ឹងបើកក្នុងស្ថានភាពលឿនពេលកាច់ចង្កូតមិនទាន់ក៏បានក្រឡាប់ប្រមាណជាពីរ ទៅ បីត្រឡប់ធ្លាក់ចូលប្រឡាយស្រែខាងស្តាំដៃតែម្តង។ គាត់រងរបួសបានលូនចេញមកក្រៅស្រែកអោយគេជួយ និងអ្នកដំណើរផ្សេងទៀតនាំគ្នីគ្នាធាក់កញ្ចក់ឡានដើម្បីចេញមកក្រៅផងដែរ។
មន្ត្រីសមត្ថកិច្ចបានចុះមកដល់កន្លែងកើតហេតុដើម្បីធ្វើការជួយសង្គ្រោះវាស់វែងធ្វើកំណត់ហេតុជាក់ស្តែង ជនរងគ្រោះចំនួន១២ នាក់នៅកន្លែងកើតហេតុផ្ទាល់ និង១៤នាក់ទៀតត្រូវបានបញ្ជូនទៅមន្ទីរពេទ្យដើម្បីជួយសង្គ្រោះបន្ទាន់ ។សំណាង ករណីខាងលើនេះអ្នកធ្វើដំណើររងរបួសធ្ងន់ស្រាល ដោយមិនមានគ្រោះថ្នាក់ដល់អាយុជីវិតនោះទេ។ ចំណែកព្រូឡាន និងតៃកុងឡានបិទសាប៊ូគូថបោលបាត់៕