វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 646 នាក់
ម្សិលមិញ 10264 នាក់
សរុប 14139828 នាក់
បាងកក៖ នៅថ្ងៃចន្ទ័ទី១៥ឧសភានេះបន្ទាប់ពីបានបញ្ចប់ជាស្ថាពរហើយនូវដំណើរការរាប់សន្លឹកឆ្នោត គណៈកម្មការរៀបចំការបោះឆ្នោតនៃប្រទេសថៃ បានប្រកាសថា គណបក្សចលនាឆ្ពោះទៅមុខ (MFP) គឺជាអ្នកទទួលជ័យជម្នះ ក្នុងការបោះឆ្នោតសកល កាលពីថ្ងៃអាទិត្យទី១៤ឧសភាកន្លងទៅនេះ។ ទីភ្នាក់ងារព័ត៌មាន AFP នៅថ្ងៃចន្ទ ទី១៥ ខែឧសភា ឆ្នាំ២០២៣បានឲ្យដឹងថា៖ប្រធានគណៈកម្មការបោះឆ្នោតថៃ លោក អ៉ីតទីផន ប៊ូនប្រាខុង (Ittiporn Boonpracong) បាននិយាយថា គណបក្ស MFP ឈ្នះបានអាសនៈសរុបចំនួន១៥១អសនៈ ដែលជាចំនួនច្រើនលើសគេ។
បន្ទាប់មកគណបក្ស ភឿថៃ (Pheu Thai) ឈ្នះបាន១៤១អាសនៈ, គណបក្ស ភូមិចាយថៃ (Bhumjaithai) ឈ្នះបាន៧១អាសនៈ, គណបក្ស ប៉ាឡាងប្រាឆារ៉ាត (Palang Pracharath) ដឹកនាំដោយលោកប្រាវីតវង្សសូវ៉ាន់មន្ត្រីជាន់ខ្ពស់យោធានិងជាឧបនាយករដ្ឋមន្ត្រីឈ្នះបាន៤០អាសនៈ ។ឯគណបក្ស ថៃរួបរួមជាតិ (United Thai Nation)ដែលជាគណបក្សរបស់លោកប្រាយុទ្ធចាន់អូចា ឈ្នះបាន៣៦អាសនៈ។ បើតាមលោក អ៉ីតទីផន ៧៥.២២ភាគរយ នៃប្រជាជនមានសិទ្ធិបោះឆ្នោត(មានជាង៥០លាននាក់) បាននាំគ្នាចូលរួមការបោះឆ្នោតសកលកាលពីថ្ងៃអាទិត្យ ដែលជាកំណត់ត្រាថ្មីមួយ លើសពីកំណត់ត្រាចាស់៧៥.០៣ភាគរយ កាលពីឆ្នាំ២០១១។
មេដឹកនាំគណបក្សចលនាឆ្ពោះទៅមុខ (MFP) លោក ភីថា លីមចារឿនរ៉ាត់ (Pita Limjaroenrat) បានប្រកាសក្នុងពេលកំពុងរាប់សន្លឹកឆ្នោតថា គណបក្សរបស់លោកនឹងបង្កើតរដ្ឋាភិបាលចម្រុះ មួយជាមួយគណបក្សភឿថៃ និងគណបក្សប្រឆាំងដទៃទៀត ហើយនឹងមិនចូលរួមជាមួយ គណបក្សគាំទ្រដោយយោធាថៃនោះឡើយ។ទោះជាយ៉ាងណាលទ្ធផលនៃការបោះឆ្នោតខាងលើ មិនទាន់អាចសម្រេចបានថាតើនរណានឹងក្លាយជានាយករដ្ឋមន្ត្រី ឬក៏នរណាអាចនឹងបង្កើតរដ្ឋាភិបាល បាននៅឡើយទេ។ ការតែងតាំងនាយករដ្ឋមន្ត្រី ឬក៏ការបង្កើតរដ្ឋាភិបាលត្រូវធ្វើឡើងតាមរយៈរដ្ឋសភា និងព្រឹទ្ធសភា ដែលអាចនឹងប្រព្រឹត្តទៅនៅ ខែកក្កដាខាងមុខ ហើយត្រូវការសំឡេងគាំទ្រសរុប យ៉ាងហោច៣៧៦។សម្រាប់គណបក្សចលនាឆ្ពោះទៅមុខនិងគណបក្សភឿថៃបើទោះជារួមគ្នាគឺបានតែ២៩២អសនៈប៉ុណ្នោះចឹងត្រូវការគណបក្សផ្សេងៗសរុបយ៉ាងតិច៨៤អសនៈទៀតដែលជាបញ្ហាលំបាក។ ដូច្នេះ គណបក្សប្រឆាំងត្រូវរកដៃគូក្រុមចម្រុះ រីឯគណបក្សគាំទ្រដោយយោធា ក៏ត្រូវរកដៃគូបង្កើតក្រុមចម្រុះដូចគ្នាដែរ។
បញ្ហាស្មុគស្មាញ គឺនៅត្រង់ថា សមាជិកព្រឹទ្ធសភា ទាំង២៥០នាក់ សុទ្ធតែត្រូវបានតែងតាំងដោយយោធាតាមរដ្ឋធម្មុញ្ញយោធាបង្កើតឡើងនោះ ម្លោះហើយពួកគេមុខជាមានទំនោរបោះឆ្នោតគាំទ្រដល់គណបក្ស ឬបេក្ខជននាយករដ្ឋមន្ត្រី គាំទ្រដោយយោធា។បើពីនិត្យគណបក្សដែលគាំទ្រយោធាមានប៉ាឡាងប្រាឆារ៉ាត (Palang Pracharath)មាន៤០អសនៈ។គណបក្ស ថៃរួបរួមជាតិ (United Thai Nation)មាន៣៦អាសនៈ។គណបបក្សភូមិចាយថៃ (Bhumjaithai) ឈ្នះបាន៧១អាសនៈដែលជាដៃគូចាស់សរុបចូលគ្នាបាន១៤៧អាសនៈបូកនិងអាសនៈព្រិទ្ធសភា២៥០ដែលអង្គុយចាំគាំទ្រឲ្យគឺមានសម្លេងសរុប៣៩៧អាសនៈគឺលើសពីសម្លេងត្រូវការដើម្បីបង្កើតរដ្ឋាភិបាលចំនួន៣៧៦អាសនៈ?។
បន្ទាប់ពីរយៈពេលបួនឆ្នាំចាប់តាំងពីការភ្ញាក់ផ្អើលនៃការមិនទទួលបានអាសនៈណាមួយនៅក្នុងទីក្រុងបាងកកក្នុងការបោះឆ្នោតឆ្នាំ 2019 មក គណបក្សប្រជាធិបតេយ្យបានបន្តភាពទន់ខ្សោយនេះម្តងទៀត ខណៈដែលពួកគេបានបន្តដៃទទេនៅក្នុងរដ្ឋធានីនៅក្នុងការបោះឆ្នោតឆ្នាំនេះ។ទាក់ទងនិងការបោះឆ្នោតនេះដែរលោកជីរិនឡាកសាណាវីសិទ្ធ( Jurin Laksanawisit )បានលាលែងពីតំណែងជាមេដឹកនាំគណបក្សប្រជាធិបតេយ្យ ដែលជាគណបក្សនយោបាយចាស់ជាងគេរបស់ប្រទេសថៃ ដើម្បីទទួលខុសត្រូវចំពោះលទ្ធផលមិនល្អរបស់គណបក្សនៅក្នុងការបោះឆ្នោតសកលកាលពីថ្ងៃទី១៤ ខែឧសភា។
នៅក្នុងសារតាមបណ្តាញសង្គម Line របស់គាត់ទៅកាន់គណបក្សប្រជាធិបតេយ្យកាលពីល្ងាចថ្ងៃទី ១៤ ឧសភា លោក Jurin បានអបអរសាទរបេក្ខជនរបស់គណបក្សនេះចំពោះការទទួលបានអាសនៈ និងថ្លែងអំណរគុណដល់អតីតមេដឹកនាំគណបក្ស Chuan Leekpai និង Abhisit Vejjajiva សមាជិកក្រុមប្រឹក្សាប្រតិបត្តិ និងសមាជិកគណបក្សស្មោះត្រង់ចំពោះការគាំទ្ររបស់ពួកគេ។លោកថា លោកបានដាក់ពាក្យលាលែងពីតំណែងជាប្រធានគណបក្សហើយ ដោយលោកបន្ថែមថា លោកនឹងនៅជាមួយបក្សក្នុងគ្រប់សមត្ថភាព។
បន្ទាប់ពីរយៈពេលបួនឆ្នាំចាប់តាំងពីការភ្ញាក់ផ្អើលនៃការមិនទទួលបានអាសនៈណាមួយនៅក្នុងរដ្ឋធានីបាងកកដែលមានអាសនៈសភាភាគច្រើនតាមមណ្ឌលក្នុងប្រទេសនោះ នៅក្នុងការបោះឆ្នោតឆ្នាំ 2019 បាននាំឱ្យមេដឹកនាំគណបក្សនៅពេលនោះលោក Abhisit Vejjajiva ត្រូវលាលែងពីដំណែង គណបក្សប្រជាធិបតេយ្យបានបន្តដំណើរការមិនល្អនេះ។