
វីដេអូ
តាមដានសង្គម

ចំនួនអ្នកទស្សនា
ថ្ងៃនេះ 7112 នាក់
ម្សិលមិញ 4883 នាក់
សរុប 19257662 នាក់
ថ្មីៗនេះ អ្នកនាង អ៊ឹម សុគន្ធាបាន ទម្លាយពីវីដេអូពីអតីតផលិតករ និងជាពិធីករល្បីរបស់ទូរទស្សន៍ My Tv លោក VJ សុភា ចូលលួចកាំមេរ៉ានៅក្នុងក្រុមហ៊ុនរបស់ខ្លួន។ ប៉ុន្តែក្រោយមកដោយសារម្តាយ VJ សុភា អ្នកនាង អ៊ឹម សុគន្ធា បានសម្រេចដកពាក្យបណ្តឹងមិនទារសំណងទេ។
អ្នកនាង អ៊ឹម សុគន្ធាដែលជាអាជីវករនិងជាសិល្បៈការិនីមួយរូប បានបញ្ជាក់ថា កាំមេរ៉ាដែលត្រូវបានលួចយកទៅនោះគឺមានតម្លៃប្រមាណជិត ២ម៉ឺនដុល្លារ ខណ:សកម្មភាពនោះក៏ត្រូវបានបង្ហោះឡើងកាលពីថ្ងៃទី២១ ខែមីនា ឆ្នាំ២០២៦ កន្លងទៅ។ តែក្រោយមកបើតាមការបង្ហោះវីដេអូរបស់គណនីផេកមួយ ដែលគេបានស្គាល់ជាអតីតគូស្នេហ៍ VJ សុភាពេល បានទៅកាន់ផ្ទះរបស់អ្នកម្តាយ VJ សុភា នៅឯខេត្តសៀមរាប បានបង្ហាញពីស្ថានភាពអ្នកម្តាយរបស់ពិធីករខាងលើដែល កំពុងពិបាកចិត្តរឿងកូនព្រោះកូនកន្លងមក ជាកូនល្អមិនដែលនាំទុក្ខដល់ម្តាយនោះទេ!។
ក្រោយមកអតីតគូស្នេហ៍ VJ សុភា ក៏បានផ្តល់ដំណឹងពី VJ សុភា ជាបន្តបន្ទាប់ដូចគ្នា ដោយដំណឹងល្អ ដែលបានបង្ហោះឡើងនៅយប់ថ្ងៃទី ២៦ ខែមីនា ឆ្នាំ ២០២៦ នោះ បានរៀបរាប់ថា “បងៗទាំងពីរ អីក៏ចិត្តល្អថ្នាក់ហ្នឹង រកមិនបានទេបងអើយ មិនទារសំណង ដកពាក្យបណ្តឹងវិញ ជូនថវិកាយាយតាគ្រាន់ទិញបាយហូប ថែមទាំងឆាតមកសួរសុខទុក្ខយាយតារហូតទៀត ទឹកចិត្តបងប្រពៃណាស់បងអើយបង”។
ប្រភពដដែលបន្តថា “យាយតា មានសង្ឃឹមហើយ ខ្ញុំអររកពាក្យថ្លែងមិនឃើញ មិននឹកស្មានថា បងទាំងពីរមានចិត្តមេត្តាសណ្តោសយាយតាយ៉ាង ហ្នឹងល្អទាំងព្រមពេកហើយបងទាំងពីរ។ ជំងឺគាត់ធ្វើទុក្ខពេក ខ្ញុំពិបាកភ្នែកមើលមិនដឹងជួយតាមណាទៀតទេ យាយអើយបងប្រុសបងស្រីគាត់ជួយអស់ពីសម្ថភាពហើយ”។ គេមិនដឹងថាមកពីមូលហេតុពិតថាតើមកពីការអាណិតម្តាយរបស់ VJ សុភា ឬក៏មកពីជនលួចកាំមេរ៉ាអ្នកស្រី អ៊ឹម សុគន្ធា បានទទួលកំហុសហើយសុំទោស ឬយ៉ាងណានោះទេ?បានបញ្ហាត្រូវបានបញ្ចប់ចឹង?។
សូមបញ្ជាក់ថានៅក្នុងអំឡុងឆ្នាំ ២០២០ អ្នកស្រី អ៊ឹម សុគន្ធា បានបង្កើតអាជីវកម្មអនឡាញ ដោយមានឈ្មោះថា HK7 ហើយកាន់តែជោគជ័យពីមួយថ្ងៃទៅមួយថ្ងៃ និងមានផលិតផលថែរក្សាសម្រស់ច្រើនប្រភេទ រហូតមានការជំរុញឲ្យទិញកម្មវិធីប្រកួតប្រជែងសម្រស់ Miss Grand Cambodia បាន ២ ឆ្នាំ គឺ ២០២៣ និង ២០២៤។ ក្រៅពីកម្មវិធី Miss Grand Cambodia អ្នកស្រី សុគន្ធា ក៏ជាម្ចាស់ Miss Cosmo Cambodia ដូចគ្នាដែរ ហើយកាលពីពេលថ្មីៗនេះ ក្រុមហ៊ុនអ្នកស្រីក៏បានបញ្ជូន អ៊ិន លក្ខិណា ទៅប្រកួត Miss Cosmo នៅវៀតណាម និងទទួលចូលទៅក្នុង Top 10 នៃកម្មវិធីថែមទៀតផងដែរ៕