វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6513 នាក់
ម្សិលមិញ 8227 នាក់
សរុប 14133394 នាក់
ភ្នំពេញៈ ចៅក្រមស៊ើបសួរតុលាការរាជធានីភ្នំពេញនៅថ្ងៃទី៣ ខែមេសា ឆ្នាំ២០២៣ បាន សម្រេចមិនឃុំខ្លួនលោក បែល វ៉ាន់ដែន អនុប្រធាននាយកដ្ឋាន នៃរដ្ឋលេខាធិការដ្ឋានអាកាសចរស៊ីវិលករណីយ៍គម្រាមសម្លាប់និងប្រើអាវុធខុសច្បាប់នោះទេ ដោយគ្រាន់តែដាក់ឱ្យស្ថិតក្រោមការត្រួតពិនិត្យតាមផ្លូវតុលាការ។ លោកបែល វ៉ាន់ដែន អាយុ៣៨ឆ្នាំអនុប្រធាននាយកដ្ឋាន នៃរដ្ឋលេខាធិការដ្ឋានអាកាសចរស៊ីវិលកាលពីថ្ងៃទី១ ខែមេសា ឆ្នាំ២០២៣ ត្រូវបាន តំណាងអយ្យការ បានសម្រេចចោទប្រកាន់លើ ពីបទកាន់កាប់អាវុធដោយគ្មានការអនុញ្ញត និងបទគំរាមកំហែងថានឹងសម្លាប់។
សមត្ថកិច្ចខណ្ឌឫស្សីកែវ បានបញ្ជូនខ្លួនអនុប្រធាននាយកដ្ឋាន នៃរដ្ឋលេខាធិការដ្ឋានអាកាសចរស៊ីវិល ទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់ កាលពីរសៀលថ្ងៃទី៣០ ខែមីនា ឆ្នាំ២០២៣ ពាក់ព័ន្ធករណីប្រើប្រាស់កាំភ្លើងភ្ជង់គំរាមលើគូរជម្លោះដោយសារតែគ្រោះថ្នាក់ចរាចរណ៍កាលពីយប់ថ្ងៃទី២៩ ខែមីននា ឆ្នាំ២០២៣ នៅចំណុចបុរីជីបម៉ុង៥៩៨ ផ្លូវP04 សង្កាត់ច្រាំងចំរេះ ខណ្ឌឬស្សីកែវ រាជធានីភ្នំពេញ ។
ជនរងគ្រោះមានឈ្មោះ ឆៃ វ៉ាន់ម៉ូលីវ័ន្ត ភេទប្រុស អាយុ២៣ឆ្នាំ ជានិស្សិត ។ពេលឃាត់ខ្លួនជនសង្ស័យ សមត្ថកិច្ចបានដកហូតអាវុធខ្លី១ដើម ម៉ាកGlook ពណ៌ខ្មៅ គ្រាប់១៣គ្រាប់ គ្មានច្បាប់អនុញ្ញាត , រថយន្តមួយគ្រឿងម៉ាក រ៉េងរ៉ូវើ ពណ៌ស ពាក់ស្លាកលេខ ភ្នំពេញ 2BL-0199 ។មុនពេលកើតហេតុ ជនរងគ្រោះបានបើករថយន្តពីខាងក្រោយរថយន្តជនសង្ស័យ រួចស៊ីផ្លេរ ទើបជនសង្ស័យខឹង ក៏ឈប់រថយន្តពីមុខរយៈពេលប្រហែល៥នាទី ។ បន្ទាប់មកជនរងគ្រោះ ក៏បើករថយន្តវ៉ាចេញ ធ្វើឱ្យជនសង្ស័យបើករថយន្តដេញតាមរួចដកកាំភ្លើងភ្ជង់គំរាមរួចគេខ្លូន ។ ភ្លាមៗ ជនរងគ្រោះក៏បានដាក់ពាក្យបណ្ដឹង ទើបកម្លាំងសមត្ថកិច្ចស្រាវជ្រាវឃាត់បាន នៅវេលាម៉ោង១០យប់ ថ្ងៃខែដដែល ពោលក្រោយកើតហេតុជាង១ម៉ោង ដើម្បីយកមកសួរនាំនៅនគរបាលខណ្ឌ។
ប្រភពពីតុលាការបានបង្ហើបឲ្យដឹងថា ក្រុមគ្រួសារជនសង្ស័យបានរត់ការខ្វែងដៃខ្វែងជើង និងមានការអន្តរាគមន៍ពីខាងក្រៅខ្លះ ធានាជនសង្ស័យយកទៅផ្ទះវិញ។ ការសម្របសម្រួលនេះ បានធ្វើម្តងរួចមកហើយនៅខណ្ឌ ប៉ុន្តែដោយសារភាគីខាងជនរងគ្រោះមិនព្រមទើបចរចាគ្នាមិនត្រូវ ទើបសមត្ថកិច្ចបញ្ជូនខ្លួនជនសង្ស័យមកតុលាការកាលពីរសៀលថ្ងៃទី៣០ ខែមីនា ឆ្នាំ២០២៣។ តែនៅពេលមកដល់តុលាការក៏នៅតែបន្តអន្តរាគមន៍រហូតទាល់តែចៅក្រមសម្រេចមិនឃុំខ្លួន៕