លោក ហាស់ វិបុល ប្រធានមន្ទីរបរិស្ថានខេត្តមណ្ឌលគិរី ត្រូវកូនចៅប្តឹងហើយធ្លាប់ចៅហ្វាយខេត្តស្នើដក!

ដីចំណីផ្លូវសាធារណ:នៅតាមដងផ្លូវទៅច្រកទ្វារព្រំដែនអន្តរជាតិអូរស្មាច់ត្រូវបានគេរំលោភបំពានយកធ្វើសំណង់អគារតូបលក់ដូរឯកជន ស្រេចចិត្ត ?

រដ្ឋាភិបាលសម្រេចឱ្យក្រសួងការពារជាតិ ជ្រើសរើស«ពលទាហានថ្មី ចំនួន៣០០នាក់»

ស្ងាត់ៗឈ្មួញចាក់ដីលុបទន្លេសាបចូលជ្រៅ៧០ម៉ែត្រ អាជ្ញាធរខេត្ត និងមន្ទីរធនធានទឹក ទើបដឹង!

អតីតនាយករដ្ឋមន្ត្រីរដ្ឋាភិបាលជជុះលោក សម សេរី វិលត្រឡប់ចូលស្រុកវិញរកលាភសក្កាៈ

ក្រសួងបរិស្ថាន ប្រកាសថ្កោលទោស និងស្នើឱ្យមានកិច្ចសហការតាមចាប់ព្រានព្រៃដែលបាញ់មន្ត្រីឧទ្យានុរក្ស័ស្រែពក(មានវីដេអូ)

បញ្ជូនប្រពន្ធនគរបាលនិងគ្នីគ្នា៤នាក់ទៀតទៅតុលាការករណីយ៍ជួញគ្រឿងញៀន

ជាច្រើនទៀត

ចំនួនអ្នកទស្សនា

ថ្ងៃនេះ 485 នាក់

ម្សិលមិញ 8656 នាក់

សរុប 16621199 នាក់

គោហ្វូងដើរពីថៃនិងទំនិញនាំចេញពីថៃតាមច្រករបៀងអូរបីជាន់ណងចាន់

06-April-2025 / ព័ត៌មានជាតិ

ខេត្តបន្ទាយមានជ័យ : នៅ ថ្ងៃ២៨ ខែ មីនា ឆ្នាំ ២០២៣គេឃើញមាន គោកាត់ធំៗទាំងហ្វូងៗ ត្រូវបានពលរដ្ឋខ្មែរទាំងក្មេងចាស់ដឹកនឹងដេញបណ្តើចេញពីទឹកដីថៃចូលស្រុកខ្មែរ តាមច្រករបៀង ក្នុងឃុំអូរបីជាន់ ស្រុកអូរជ្រៅ ខណៈទំនិញជាច្រើនមុខ ក៏ត្រូវបានឈ្មួញនាំចូលពីថៃផងដែរ។ ។ a car cow2

ហ្វូងគោធំៗដែលគេនាំចូលពីថៃទាំងនេះ សុទ្ធតែមានលក្ខណៈសម្គាល់ដូចជាសរសេរលេខលើខ្នងនិងលាបថ្នាំពណ៌ស្នែង ឬក្បាល និងបំពាក់ជ័រ និងត្រចៀកជាដើម ។ ហ្វូងគោទាំងនេះ ត្រូវបានគេដេញឬដឹកកាត់ព្រៃ និងវាលស្រែម្តុំជិតបង្គោលសីម៉ាព្រំដែនលេខ៤៣ ។ ពេលដល់ផ្លូវជាតិលេខ៥៨លើទឹកដីខ្មែរ ក្នុងភូមិសាស្ត្រខាងលើហ្វូងគោត្រូវបានព្រលែងឲ្យ ដើរព្រោងព្រាតពេញដងផ្លូវ ពេលខ្លះរំខានដល់ការបើកបរយានយន្តរបស់អ្នកស្រុកទៀតផង។ ក្មេងប្រុសតូច២នាក់និយាយឲ្យដឹងថា ពូកគាត់ដឹកនិងដេញគោឲ្យគេម្តងបានឈ្នួល៣ម៉ឺនរៀល ។ ចំណែកមនុស្សចាស់ៗ ខ្លះមិនហ៊ាននិយាយស្តីអ្វីឡើយ។ ចំពោះទំនិញវិញគេឃើញឈ្មួញបានដឹកពេញៗរថយន្តដោយគ្របជិតៗក្រោយចេញពីតាមច្រករបៀង ក្នុងស្រុកអូរជ្រៅ។

ច្រករបៀងខ្លះហាក់មានការលាក់បាំងសង្ស័យជាច្រកនាំទំនិញចូលពីថៃ ជាពិសេសច្រករបៀងជោគជ័យ ព្រោះពេលឃើញអ្នកយកព័ត៌មានចូលទៅទីនោះ បែរជាមានជនស្លៀកពាក់ស៊ីវិលតែមាន អាយកូម គ្រប់គ្នា និងសួរគ្នាឆ្វែងឆ្វាត់ និងសាកសួរអ្នកយកព័ត៌មានពីនេះពីនោះភ្លាមដើម្បីបង្វែងដាន ។សូម្បីរថយន្តឬរ៉ឺម៉កម៉ូតូសណ្តោងដែលចូលទៅទីនោះ ក៏មានអ្នកស៊ីញ៉ូឲ្យចាកចេញវិញឬអ្នកចូលហើយក៏មិនអនុញ្ញាតឲ្យចេញវិញដែរ។ចំណែកមួយចំនួនទៀតដែលចូលតាមទីតាំងធំៗដែល ហ៊ុមព័ទ្ធដោយស័ង្កសីជិតៗនៅក្បែរមាត់ច្រករបៀងត្រូវទាញទ្វារបិទជិតតែម្តង។

ពេលសាកសួររឿងទំនិញឃើញដឹកតាមរថយន្តពេញៗលើដងផ្លូវជាតិជិតព្រំដែនក្នុងភូមិសាស្ត្រខាងលើ បុរសម្នាក់នៅមាត់ច្រករបៀងជោគជ័យនឹងសង្ស័យជាយោធាផងនោះ ព្រោះមានវិទ្យុទាក់ទងជាប់ខ្លួនប្រាប់បែបចុងមាត់ចុងកថា ឡានដឹកទំនិញខ្លះដឹកមកពីច្រករបៀងផ្សេង ហើយគេថែមទាំងព្រលយសំដីថា ច្រករបៀងខ្លះឡានខ្មែរអាចចូលទៅដឹកឥវ៉ាន់ដល់ដីថៃទៀតផង។ពេលសួរចំៗរឿងយានយន្តចេញចូលច្រករបៀងចំណុចកើតហេតុតើគេទៅដឹកអ្វីបុរសដដែលនេះនិយាយថាភាគច្រើនពលរដ្ឋទិញទឹកសុទ្ធពីថៃយកទៅលក់នឹងប្រើប្រាស់ប៉ុន្តែបង្ហើបថាច្រករបៀងជោគជ័យភាគីថៃបើកឲ្យទិញទំនិញដូចជាទឹកសុទ្ធពិសេសទំនិញចាបហួយក្នុង១សប្តាហ៍៣ថ្ងៃ។

ចំពោះរឿងឈ្មួញនាំគោទាំងហ្វូងៗពីថៃ ត្រូវបានលោកហ៊ុយ ទូច ប្រធានការិយាល័យផលិតកម្ម និងបសុព្យាបាលនៃមន្ទីរកសិកម្មខេត្តប្រាប់តាមទូរស័ព្ទថា ជាគោមានច្បាប់គឺនាំចូលដោយក្រុមហ៊ុនចំនួន៣រួមមានក្រុមហ៊ុនអង្គរមានជ័យក្រុមហ៊ុនផាត់រស្មីនឹងក្រុមហ៊ុនយុវពាណិជ្ជ។ លោកបន្តថា គោទាំងនេះចូល១ថ្ងៃចាប់ពី៤០ទៅ៤៥ក្បាល និងជួនកាលដឹក២ទៅ៣រថយន្តតាមតម្រូវការ៕ a car cow a car cow1 a car cow3