វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5156 នាក់
ម្សិលមិញ 5304 នាក់
សរុប 14144682 នាក់
កូឡុំប៊ី៖ រដ្ឋមន្ត្រីក្រសួងយុត្តិធម៌ប្រទេសកូឡុំប៊ី បានឱ្យដឹងថា រដ្ឋាភិបាលគ្រោងបង្កើតច្បាប់ថ្មីមួយ ឈ្មោះ ”ច្បាប់ទម្លាក់អាវុធ” (Surrender Law) សម្រាប់ដំណើរការសមាហរណកម្មសមាជិកក្រុមឧក្រិដ្ឋជនគ្រឿងញៀននៅក្នុងសង្គម។ ក្រសួងបានបន្ថែមថា ច្បាប់ថ្មីនេះ នឹងមិនមានការអនុគ្រោះទោសណាមួយសម្រាប់សមាជិកក្រុមឧក្រិដ្ឋជនដែលកំពុងជាប់ទោសនៅក្នុងពន្ធនាគារឡើយ។
គម្រោងច្បាប់នេះ ស្ថិតនៅក្រោមការជម្រុញដោយប្រធានាធិបតី Gustavo Petro នៅខណៈនេះ សភាកូឡុំប៊ី កំពុងរៀបចំដំណើរការអនុម័តច្បាប់ស្តីពីការទម្លាក់អាវុធ ដើម្បីទាក់ទាញទឹកចិត្តសមាជិកក្រុមឧក្រិដ្ឋជនគ្រឿងញៀនឱ្យចាកចេញពីបណ្តាញឧក្រិដ្ឋកម្មរបស់ខ្លួន ហើយនេះ គឺជាកិច្ចខិតខំមួយដើម្បីនាំមកនូវសុខសន្ដិភាពពេញលេញសម្រាប់ប្រទេសជាតិនៅថ្ងៃអនាគត។រដ្ឋាភិបាលកូឡុំប៊ីសង្ឃឹមថាគម្រោងច្បាប់នឹងអាចជួយឱ្យក្រុមបណ្តាញឧក្រិដ្ឋជនគ្រឿងញៀននៅក្នុងប្រទេស កាន់តែចុះទន់ខ្សោយខ្លាំងឡើងបន្ថែមទៀត។
គួរជម្រាបថា បញ្ហាអសន្តិសុខក្នុងប្រទេសកូឡុំប៊ីសម្រាប់រយៈពេលជិត ៦ទសវត្សរ៍មកនេះ ជាទូទៅ បណ្ដាលមកពីសកម្មភាពជួញដូរគ្រឿងញៀនដោយខុសច្បាប់ និងយ៉ាងគឃ្លើនរបស់បណ្ដាញជនអន្ទពាល ដែលបានសម្លាប់មនុស្សជាច្រើនពាន់នាក់ក្នុងមួយឆ្នាំៗ ៕ ប្រភព៖ Reuters