វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1824 នាក់
ម្សិលមិញ 6359 នាក់
សរុប 14088457 នាក់
ភ្នំពេញ ៖ ម្ចាស់បទ «សុំទឹកមួយផ្តិល» បានហែលឆ្លងជីវិតដ៏កម្សត់កម្រជាច្រើននៅលើវិថីសិល្បៈ ទម្រាំទទួលបានការគាំទ្រ និងភាពជោគជ័យ ។អ្នកនាង សុន ស្រីណុន ដែលជាតារាចម្រៀងស្រីមកពីខេត្តកំពង់ស្ពឺរូបនេះ នឹងធ្វើការរៀបរាប់ដំណើរការបទមួយនេះ ហើយបទមួយនេះទៀតសោត តារាចម្រៀងស្រីសម្លេងផ្អែមរូបនេះ ក៏បានហាត់ពត់ជាច្រើនផងដែរ ទម្រាំបទមួយនេះ ទទួលបានការគាំទ្រដូច្នេះ។
តារាចម្រៀងស្រី អ្នកនាង សុន ស្រីណុន បានអោយកាសែតដឹងថា បទ «សុំទឹកមួយផ្តិល» ដែលជាទម្រង់បទមរតកដើម ដែលរូបអ្នកនាងបានធ្វើការបកស្រាយនោះ អ្នកនាងមិនមានការនឹកស្មានថា មានការគាំទ្រដូច្នេះនោះទេ ព្រោះបទមួយនេះ អ្នកនាងបានថត ហើយបានផុសលើបណ្តាញសង្គមជាយូរមកហើយ តែដូចជាគ្មានការគាំទ្រ លុះ៥ទៅ៦ខែក្រោយមក ទើបទទួលបានការគាំទ្រ និងមានគេចាប់អារម្មណ៍មកលើរូបអ្នកនាងជាខ្លាំង រហូតទទួលបានការគាំទ្រ និងការចូលចិត្តមកដល់សព្វថ្ងៃនេះ។តែនាងថា បងប្អូនអ្នកគាំទ្រធ្លាប់តែបានស្តាប់បទមួយនេះ ប៉ុន្តែពុំដែលបានដឹងពីដំណើរការ ក៏ដូចជាមូលហេតុអ្វីដែលធ្វើអោយបទ «សុំទឹកមួយផ្តិល» ទទួលបានការគាំទ្រ និងការចាប់អារម្មណ៍ខ្លាំងដូច្នេះនោះទេ។
ទាក់ទងជាមួយដំណើរការនៃផលិតបទមួយនេះវិញ អ្នកនាង សុន ស្រីណុន បានអោយដឹងថា កាលនោះជាពេលកូវីដ រូបអ្នកនាងទំនេរ មិនមានការងារអ្វីធ្វើ ទើបរូបអ្នកនាងនឹងស្វាមីបានផលិតថតចម្រៀង «សុំទឹកមួយផ្តិល» ដោយពេលនេះអ្នកនាងថា ពុំមានឧបរកណ៍អ្វីទំនើបនោះទេ សម្រាប់ការថតបទមួយនេះឡើយ ដោយមានតែកម្លាំងចិត្តក្នុងការបញ្ចេញសមត្ថភាពបន្តិចបន្តួចរបស់ខ្លួនតែប៉ុណ្ណោះ។បទ «សុំទឹកមួយផ្តិល» ដែលមានភាពលំបាកនៅក្នុងកាច្រៀងក៏ដោយ ប៉ុន្តែតារាស្រីដែលមានទឹកដមសម្លេងដ៏ស្រទន់រូបនេះ ធ្វើការបកស្រាយនូវបទមួយនេះបានយ៉ាងពីរោះ។ កាលពីបទមួយនេះផ្ទុះជាលើកដំបូង នៅតាមភូមិស្រុកស្រែកចម្ការ គឺលឺតែបទមួយនេះ ដែលបងប្អូនយើងបានចាក់ស្តាប់ ដោយទៅណាមកណាលឺតែបទ «សុំទឹកមួយផ្តិល»។
តារាស្រីដែលមានស្រុកកំណើតនៅខេត្តកំពង់ស្ពឺរូបនេះ បានបន្ថែមថា កាលពីរូបអ្នកនាងថតបទមួយនេះឡើង គ្រួសាររបស់អ្នកនាងមានជីវភាពពុំសូវធូរធានោះទេ ហើយរូបអ្នកនាងក៏គ្មានសាច់ញាតិបងប្អូនណាជាអ្នកសិល្បៈនោះឡើយ។ អ្នកនាង សុន ស្រីណុនរូបនេះបន្តថា អ្នកនាងក៏ធ្លាប់រងការរិះគន់ជាច្រើន មុនពេលអ្នកនាងបានចូលសិល្បៈ ដោយខ្លះគេថាអ្នកនាង មិនស្អាត ទាប សម្បុរមិន.ស ហើយសម្រាប់រូបអ្នកនាងផ្ទាល់ក៏ធ្លាប់តូចចិត្តដេកយំជាមួយពាក្យសម្តីដែលបានធ្វើការមើលងាយមកលើរូបអ្នកនាងផងដែរ។