ក្រុមមេធាវីស្ម័គ្រចិត្តសម្តេចតេជោសែន ចុះជនរងគ្រោះគ្រោះថ្នាក់ចរាចរណ៍ លើស្ពានជ្រោយចង្វារក្នុងពេលសមត្តកិច្ចសម្រួលមិនបញ្ជូនជនបង្កទៅតុលការ?
07-June-2025 / ព័ត៌មានជាតិ
ភ្នំពេញ៖ក្រុមមេធាវីស្ម័គ្រចិត្តសម្ដេចតេជោ សែន ចំនួន៤នាក់ នៅថ្ងៃទី៦ ខែធ្នូ ឆ្នាំ២០២២នេះ បានចុះទៅជួបផ្ទាល់ក្រុមគ្រួសារជនរងគ្រោះ និងម្ដាយទារក ដែលបានរងគ្រោះថ្នាក់ចរាចរណ៍លើស្ពានជ្រោយចង្វា ដោយសារត្រូវរថយន្តបើកបរហួលល្បឿនបុក បង្កគ្រោះថ្នាក់យ៉ាងធ្ងន់ធ្ងរដល់មនុស្ស៣នាក់ និងបង់សំណងត្រឹម ២៥០០ ដុល្លារអាមេរិកក្រោមការជួយសម្រួលពីនគរបាល។
បន្ទាប់ពីទទួលបានសំណូមពរជាច្រើនពីប្រជាពលរដ្ឋឱ្យជួយរកយុត្តិធម៌ជូនគ្រួសារនោះ លោកប្រធានក្រុមមេធាវីស្ម័គ្រចិត្តសម្ដេចតេជោ បានចាត់តាំង មេធាវីចំនួន ៤នាក់ ទៅជួបគ្រួសារជនរងគ្រោះ ដើម្បីការពារតាមផ្លូវច្បាប់។ ចំពោះលទ្ធផលយ៉ាងណា មិនទាន់សម្រេចនោះទេព្រោះស្នងការគរបាលរាជាធានីភ្នំពេញចេញមុខបំភ្លឺថាភាគីជនរងគ្រោះត្រូវគ្នាដោយខ្លួនឯងនិងបានដកពាក្យបណ្តឹង!។បច្ចុប្បន្នជនបង្ក និងរថយន្ត ត្រូវបានឃាត់ខ្លួន នៅស្នងការនគរបាលក្រុង ចំណែកបុរសជាបើកម៉ូតូនិងក្មេងតូចគ្រោះថ្នាក់ធ្ងន់ធ្ងរ មិនទាន់មានព័ត៌មានច្បាស់ថា ស្លាប់ ឬនៅទេ។ ពាក់ព័ន្ធករណីនេះ លោក សាន សុខសីលា អ្នកនាំពាក្យស្នងការដ្ឋាននគរបាលរាជធានីភ្នំពេញ នៅព្រឹកថ្ងៃទី៧ ខែធ្នូ ឆ្នាំ២០២២ បានបញ្ជាក់ប្រាប់កាសែតថា៖ ទាក់ទងបញ្ហានឹងគឺយើងបានអនុវត្តតាមនីតិវិធីរួចហើយ មានការឃាត់មនុស្ស មានការឃាត់ឡាន ព្រមទាំងការធ្វើការផាកពិន័យតាមច្បាប់ចរាចរណ៍ ទាំងការរៀបចំសំណុំរឿងទៅតុលាការ ។
លោក សាន សុខសីលា បានលើកឡើងទៀតថា៖ ទាក់ទងនឹងរឿងបន្តទៀត ជាឆន្ទានុសិទ្ធ ជាការស៊ើបអង្កេត ជាការមើលអង្គហេតុ ជាការត្រួតពិនិត្យអីផ្សេងៗ ជាសិទ្ធខាងតុលាការ យើងបានបំពេញតួនាទីភារកិច្ចរួចរាល់ ហើយការឯកភាពគ្នារវាងជនរងគ្រោះនិងជនសង្ស័យ នោះគឺជារឿងផ្ទាល់របស់គាត់ទេ គ្រាន់តែយើងជាអ្នកអនុវត្តច្បាប់ ជាអ្នកធ្វើកំណត់ហេតុអីផ្សេងៗនៅពេលដែលគាត់ឯកភាពគ្នាតែប៉ុណ្ណោះ ។ ជាមួយនឹងសំណួរជាញឹកញាប់សួរថា៖ តើមន្ត្រីនគរបាលចរាចរណ៍ផ្នែកយុត្តិធម៌ ចាំបាច់ត្រូវតែកសាងសំណុំរឿង និងបញ្ជូនខ្លួនជនសង្ស័យ ជាមួយសំណុំរឿងទៅតុលាការដែរឬអត់ ឬមួយបញ្ជូនតែសំណុំរឿង មិនបញ្ជូនជនសង្ស័យទៅតុលាការ ? លោក សាន សុខសីលា បានឆ្លើយថា៖ ជាធម្មតាយើងបញ្ជូនទាំងឯកសារពាក់ព័ន្ធ ការអនុវត្តផ្សេងៗ ! តុលាការគាត់នឹងធ្វើការចាត់ចែងតាមហ្នឹង ! ជាឆន្ទានុសិទ្ធរបស់គាត់ ។ ចំពោះសំណួរទៀតថា៖ តើបច្ចុប្បន្នជនសង្ស័យស្ថិតនៅក្នុងការឃាត់ខ្លួនរបស់មន្ត្រីនគរយុត្តិធម៌ផ្នែកចរាចរណ៍ឬអត់ ? លោកអ្នកនាំពាក្យបានឆ្លើយថា៖ «បាទៗ ! បើយើងនេះ …! យើងបញ្ជូនទៅទាំងអស់ហើយ។ សួរទៀតថា, (មានន័យថា៖) បញ្ជូនជនសង្ស័យទៅជាមួយសំណុំរឿងដែរមែន លោកអ្នកនាំពាក្យឆ្លើយថា៖ (បាទ.បាទ)…រួចក៏បិទទូរស័ព្ទទៅ ។ គេសង្ស័យថា, ជនសង្ស័យអាចត្រូវបានដោះលែង ទើបការឆ្លើយរបស់ អ្នកនាំពាក្យស្នងការដ្ឋាននគរបាលរាជធានីភ្នំពេញ មិនសូវច្បាស់សោះ។
កាលពីម៉ោង ២អធ្រាត្រ ថ្ងៃទី៥ ខែធ្នូ ឆ្នាំ២០២២ រថយន្តមួយគ្រឿងម៉ាក បើកបរដោយបុរសម្នាក់ ក្នុងល្បឿនលឿនឆ្លងកាត់ស្ពានជ្រោយចង្វា ក្នុងទិសដៅពីលិចទៅកើត បុកម៉ូតូ ពេញទំហឹង បណ្តាលឱ្យមនុស្សចាស់ និង ទារកខ្ទាត និងកំពុងជួយសង្គ្រោះ។ ជនបង្កត្រូវសមត្ថកិច្ចឃាត់ បញ្ជូនទៅប៉ុស្តិ៍ភ្លាមៗ រីឯរថយន្ត ត្រូវបានជនមិនស្គាល់មុខ វាយបំបែកកញ្ចក់ទាំងកំហឹង។សមត្ថកិច្ចបញ្ជាក់ថា, ភាគីរថយន្តម៉ាក ជាជនបង្ក ៖ LEXUS NX200t ពណ៌ស ពាក់ផ្លាកលេខ ភ្នំពេញ 2BB-9989 បើកបរដោយឈ្មោះ សោម ណូរីទីឃា ភេទប្រុស អាយុ១៩ឆ្នាំ មានទីលំនៅផ្ទះលេខ៥៣ ផ្លូវកែវចិន្តា ភូមិ៣ សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ (ឃាត់ខ្លួនកាលពីថ្ងៃ០៥ ខែធ្នូ ឆ្នាំ២០២២)។
ដោយឡែក ភាគីម៉ូតូម៉ាក ជាជនរងគ្រោះ ៖ HONDA SCOOPY ពណ៌ស ពាក់ផ្លាកលេខ កណ្តាល 1B-9978 បើកបរដោយឈ្មោះ ហុង រត្នថា ហៅស្វិត ភេទប្រុស អាយុ៣៣ឆ្នាំ មុខរបររើសអេតចាយ (រងរបួស ធ្ងន់សម្រាកព្យាបាលនៅមន្ទីរពេទ្យមិត្តភាពកម្ពុជា-ចិនព្រះកុសុមៈ) រួមដំណើរជាមួយ មានគ្នា០២នាក់ទី១-ឈ្មោះ មុច សុខឡេង ភេទប្រុស អាយុ៦០ថ្ងៃ (រងរបួសធ្ងន់កំពុងសម្រាកព្យាបាលនៅមន្ទីរពេទ្យគន្ធបុប្ផា) និងទី២-ឈ្មោះ មុច ស្រីល័ក្ខ ភេទស្រី អាយុ៣១ឆ្នាំ មុខរបរ រើសអេតចាយ (រងរបួសធ្ងន់សម្រាកព្យាបាលនៅគ្លីនិកពន្លឺ) អ្នកទាំងបីស្នាក់នៅផ្ទះជួលលេខ២២៥ ផ្លូវលេខ៨៦ ភូមិ២២ សង្កាត់ស្រះចក ខណ្ឌដូនពេញ រាជធានីភ្នំពេញ។
មហាជន អ្នកប្រើប្រាស់បណ្ដាញសង្គមហ្វេសប៊ុក និងអ្នកសិល្បៈល្បីៗជាច្រើនមានការបញ្ចេញមតិរិះគន់ជាច្រើនតាមរយៈការបង្ហាញក្ដីអាណិតអាសូរចំពោះទារកអាយុ ២ ខែ និងម្ដាយដែលជួបរឿងដ៏រន្ធត់បែបនេះ។សូម្បីលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានបង្ហោះផេកផ្លូវការយ៉ាងខ្លី តែមានន័យបំផុតថា, ( អាជ្ញាធរគួរឆ្លើយអោយបានរហ័សផង !) ។ ម្យ៉ាងទៀត អ្វីដែលធ្វើឲ្យគេកាន់តែបង្ហាញការហួសចិត្តខ្លាំងថែមទៀតនោះ គឺក្រោយមានព័ត៌មានថា ជនរងគ្រោះពីរនាក់ម្ដាយ និងកូនខាងលើ ទទួលបានសំណងត្រឹមតែ ២៥០០ ដុល្លារប៉ុណ្ណោះ ពីភាគីជនបង្ក ដើម្បីបញ្ចប់រឿងដោយមិនមានទោសទណ្ឌចំពោះអំពើដែលខ្លួនបានប្រព្រឹត្ត។ក្រៅពីមានរីះគន់ក៏មានសប្បុរសជនជាច្រើនបានបរិច្ចាកថវិកាជួយជនរងគ្រោះដែលមានការវាយតម្លៃថាបើមិនមានការបាត់បង់ទេអាចទទួលបានប្រហែលពីរម៉ឺនដុល្លារអាមេរិកដែរ?។យ៉ាងណាមាហាជនរងចាំមើលថាតើករណីយ៍នេះមានវត្តមានជនបង្កទៅដល់តុលាការដែឬអត់?៕
