វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3415 នាក់
ម្សិលមិញ 5378 នាក់
សរុប 14082708 នាក់
ពោធិ៍សាត់: ថ្ងៃទី២៤ ខែវិច្ឆិកា ឆ្នាំ២០២២ តាមសេចក្ដីរាយការណ៍ពីបងប្អូនប្រជានេសាទលក្ខណៈគ្រួសារបានប្រាប់មកអង្គភាពសារព័ត៌មានយើងអោយដឹងថា នៅចំណុចកំពុង ថ្គោល.ជ្រោយស្ដី ជ្រួយយាយហ៊ីង.កំពង់ស្ទឹង.កំពង់លួង ដែលស្ថិតនៅក្នុងស្រុកក្រគរ មានរបាំងលបណរ៉ានិង(ឆ្នុក)ជាច្រើនកន្លែង ។
ពេលអ្នកផ្សារព័ត៌មានយើងបានចុះផ្ដិតយករូបភាពនៅតាមកន្លែងនិមួយៗ ដែលប្រជានេសាទជាលក្ខណៈគ្រួសារបានរាយការណ៍ប្រាប់អ្នកសារព័ត៌មានយើង។ ជាក់ស្ដែងពិតជាមានដូចតាមសេចក្ដីរាយការណ៍របស់បងប្អូនប្រជានេសាទពិតមែន របាំងលបណរ៉ាវទាំងនោះមានប្រវែងចាប់ពី៧០០.ម (ប្រាំពីររយម៉ែត)ទៅ ១៥០០.ម(មួយពាន់ប្រាំរយម៉ែត)សរុបទាំងអស់មានជាង៥0កន្លែង ចំណែក(ឆ្នុក)មានប្រម៉ាណជាង៤០កន្លែង ខណៈកម្លាំងចម្រុះថ្នាក់ជាតិកំពុងឈរជើងនៅតំបន់នោះហាក់ធ្វើមិនដឹងមិនឮ ចំណែកលោក យូ សុវិចិត្រ នាយសង្កាត់ រដ្ឋបាលជលផលកំពង់លួង និងលោក ភុំ និមល នាយខណ្ឌ នូវពេលដែលអ្នកសារព័ត៌មានយើងខលសួរប៉ុន្តែទូរស័ព្ទពុំមានអ្នកលើក។
ករណីខាងលើនេះកន្លងមកឃើញមានសារព័ត៌មានជាច្រើនបានចុះផ្សាយជាហូរហែ និងមានការចុះបង្ក្រាបដូចភ្លៀងរលឹម ប៉ុន្តែសកម្មភាពនេះហាក់បីដូចជាវែកចកអញ្ចឹង ។
ប្រជានេសាទលក្ខណៈគ្រួសារអំពាវនាវទៅដល់ លោក ឃុំវិមុលនាយខណ្ឌរដ្ឋបាលជលផលខេត្តពោធិ៍សាត់ ជួយចាត់វិធានការទប់ស្កាត់បទល្មើស(លបណរ៉ាវ)និង(ឆ្នុក)អោយទាន់ពេលវេលាផង ព្រោះត្រីទាំងតូចទាំងធំត្រូវគេចាប់ក្នុងមួយយប់ៗរាប់សិបតោន៕