វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9728 នាក់
ម្សិលមិញ 8227 នាក់
សរុប 14136609 នាក់
ភ្នំពេញ៖លោកស្រី Carmen Moreno ឯកអគ្គរដ្ឋទូតនៃគណៈប្រតិភូសហភាពអឺរ៉ុប ប្រចាំព្រះរាជាណាចក្រកម្ពុជាបានសាទរចំពោះជំនួបរវាងឥស្សរជនខ្មែរទាំងពីរ គឺសម្តេចអគ្គមហាសេនាបតីតេជោ ហ៊ុន សែន និងឯកឧត្តម កឹម សុខា នៅថ្ងៃទី៥ ខែឧសភា ដោយយល់ថា ជំនួបនោះ ជាជំហានវិជ្ជមានទី១ (positive first step) ហើយនៅក្នុងជំនួបនោះដែរ លោកកឹម សុខា និងលោកស្រី Carmen Moreno បានពិភាក្សាគ្នា ផងដែរ អំពីសុខទុក្ខ និងជីវភាពរបស់ប្រជាពលរដ្ឋខ្មែរបច្ចុប្បន្ន និងទៅអនាគត។នេះបើតាម លោក មុត ចន្ថា នាយកខុទ្ទកាល័យលោក កឹម សុខា បានឲ្យដឹងថា នៅសៀលថ្ងៃចន្ទ ទី១១ ខែឧសភា ឆ្នាំ២០២០ក្រោយពីជំនួប នៅគេហដ្ឋានរបស់លោក ក្នុងរាជធានីភ្នំពេញ។
សូមបញ្ជាក់ថា កាលពីព្រឹកថ្ងៃទី១១ ខែឧសភា ក្នុងជំនួបដូចគ្នានេះដែរលោក Christian Berger ឯកអគ្គរដ្ឋទូតអាល្លឺម៉ង់ប្រចាំកម្ពុជា បានសាទរចំពោះជំនួបរវាងលោក កឹម សុខា ជាមួយសម្តេចអគ្គមមហាសេនាបតីតេជោ ហ៊ុន សែន ខណៈលោក កឹម សុខា បានអញ្ជើញចូលគោរពវិញ្ញាណក្ខន្ធសពនៃអ្នកឧកញ៉ា ព្រឹទ្ធមហាឧបាសិកា ធម្មញ្ញាណវិវឌ្ឍនា ប៊ុន ស៊ាងលី មាតាក្មេកសម្តេចតេជោ ហ៊ុន សែន កាលពីថ្ងៃទី០៥ ខែឧសភា កន្លងទៅ និងបានចាត់ទុកថាជារឿងវិជ្ជមានមួយ។
គួររំលឹកថា កាលពីល្ងាច ថ្ងៃទី០៥ ខែឧសភា ឆ្នាំ២០២០ លោក កឹម សុខា ដែលកំពុងរងការចោទពីបទសន្ទិដ្ឋិភាពជាមួយបរទេសនោះ បានអញ្ជើញអុជធូបគោរពវិញ្ញាណក្ខន្ធសព នៃអ្នកឧកញ៉ា ព្រឹទ្ធមហាឧបាសិកា ធម្មញ្ញាណវិវឌ្ឍនា ប៊ុន ស៊ាងលី មាតាក្មេកសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាកម្ពុជា និងជាមាតាបង្កើតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅគេហដ្ឋាន ជិតវិមានឯករាជ្យ។
នៅក្នុងជំនួបសំណេះសំណាលគ្នារហូតដល់ចិតជិត៥០នាទីត្រូវបានអ្នកវិភាគយកទៅធ្វើអត្ថាធិប្បាយថាជាសញ្ញាល្អសម្រាប់ស្ថានការនយោបាយនៅកម្ពុជា ។សូមបញ្ជាក់ដែរថាការកាត់ទោសលោកកឹមសុខាត្រូវបានពន្យាដោយសារបញ្ហាជម្ងឺកូវីដ១៩។ក្រោយជំនួបមានពត៍មានថាមេធាវិលោកកឹមសុខាបានដាក់សំណើរសុំឲ្យមានការពន្លឿនការកាត់ទោសផងដែរ។
រាជរដ្ឋាភិបាលសម្តេចតេជោហ៊ុនសែនត្រូវបានគេសម្គាល់ថាបាននិងកំពុងប្រឈមនិងបញ្ហាធំៗដូចជាជម្ងឺកូវិដ១៩ដែលធ្វើឲ្យសេដ្ឋកិច្ចជាតិធ្លាក់ចុះហើយថ្មីៗនេះសហគមន៍អឺរ៉ុបដែលស្នើដាក់កម្ពុជាក្នុងបញ្ជីខ្មៅតាមដានរឿងលាងលុយកខ្វក់ក៏ជិតដល់ពេលត្រូវសម្រេចថាតើត្រូវដកឬមិនដកការអនុគ្រោះពន្ធ២០ភាគរយក្នុងខែសីហាខាងមុខនេះផងដែរ៕