វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2710 នាក់
ម្សិលមិញ 6501 នាក់
សរុប 13951265 នាក់
មួយរយៈចុងក្រោយនេះតារាចម្រៀងពូកែក្រម៉ាច់ក្រម៉ើម ទូច ស្រីលក្ខណ៍ កាន់តែមានភាពស្រស់ស្រាយឡើងវិញហើយសម្រស់និងការតែងខ្លួនក៏កាន់តែទាក់ទាញប្លែកខុសពីមុន ។ បើក្រឡេកមើលចំណងស្នេហ៍ជាមួយបុរសសង្ហាជាគ្រូកីឡាមាឌមាំរូបនោះក៏កាន់តែមានក្តីសុខខ្លាំងផងដែរ ។ អតីតស្វាមីជាជនបរទេសនោះមានដៃគូ ថ្មីទៅហើយក្តី តែមកដល់ពេលនេះ ទូច ស្រីលក្ខណ៍ នៅតែស្ពាយងារជាអ្នកមេម៉ាយកូនមួយដដែលដោយសា តែនាងមិនទាន់សម្រេចចិត្តថារៀបការឬបែបណានៅឡើយទេ ។
យូរៗម្តង ទូច ស្រីក្ខណ៍ បានបង្ហាញរូបភាពជាមួយដៃគូយ៉ាងមានក្តីសុខនៅតាមបណ្តាញសង្គម ដែលក្នុងនោះក៏មានអ្នកគាំទ្រជាច្រើនបានសរសើរ និងជូនពរដល់អ្នកទាំងពីរផងដែរ ។ថ្មីៗនេះ ទូច ស្រីលក្ខណ៍ បានបណ្តើរគូស្នេហ៍និងកូនប្រុសទៅលំហែរនៅខេត្តមណ្ឌលគីរីដូចគ្រួសារតែមួយដែលបង្ហាញថាចំណងស្នេហ៍របស់ ទូច ស្រីលក្ខណ៍ និងលោកគ្រូកីឡាមាឌធំដំបងកាន់តែមានភាពស្អិតរមួតដូចប្តីប្រពន្ធ ។
ទូច ស្រីលក្ខណ៍ បានបង្ហាញរូបភាពជាច្រើនសន្លឹកជាមួយលោកគ្រូកីឡានិងកូនប្រុសក្នុងទឹកមុខស្រស់ស្រាយដែលមើលទៅពោរពេញទៅដោយក្តីសុខមិនដូចកាលពីប៉ុន្មានឆ្នាំមុននោះទេ ។ ជាមួយនឹងដៃគូថ្មីរបស់ ទូច ស្រីលក្ខណ៍ ក៏ទទួលបានការគាំទ្រនិងចូលរួមត្រេកអរពីសំណាក់មិត្តភក្តិក្នុង និងក្រៅសិល្បៈជាច្រើន ប៉ុន្តែក្នុងនោះក៏មានហ្វេនៗជាច្រើនចង់ដឹងថាតើ ទូច ស្រីលក្ខណ៍ នឹងដឹកដៃលោកគ្រូកីឡារៀបការជាលើកទីពីរឬបែបណា ។ក្រៅពីតារាចម្រៀងពេលនេះ ទូច ស្រីលក្ខណ៍ ក៏បានចាប់យកអាជីពជាអ្នកលក់តាមអនឡាញដែលគេមើលឃើញថាមានភាពរលូនគួរសម ។ទូច ស្រីលក្ខណ៍ កំពុងទទួលបានការគាំទ្រពីសំណាក់មហាជនតាមរយៈបទចម្រៀងថ្មីដែលមានចំណងជើងថា «ប្តីបានផឹកភ្លេចអស់ហើយប្រពន្ធកូន» ៕