វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1580 នាក់
ម្សិលមិញ 10264 នាក់
សរុប 14140762 នាក់
បន្ទាយមានជ័យ៖ មុខសញ្ញាចាស់១ក្រុម បានប្រើរថយន្តជាមធ្យោបាយដឹកបក្ខពួកវា ទៅទម្លាក់ចុះតាមគោលដៅនៅតាមបណ្តោយផ្លូវជាតិផ្លូវក្នុងខេត្ត ហើយធ្វើសកម្មភាពលួច រថយន្តអីក៏ដោយ ចាប់ពាក់កណ្តាលអាធ្រាត្រដល់ទៀបភ្លឺ។
សមត្តកិច្ចបានឲ្យដឹងថា មុខសញ្ញាចោរលួចឡានមួយក្រុមនេះ លួចរថយន្តបានចំនួន៣គ្រឿង នៅខេត្តបន្ទាយមានជ័យ និងលួចនៅខេត្តដ៏ទៃទៀត បានមួយចំនួនដែរ តែបង្ក្រាបមិនទាន់បានដូចគ្នា!។
លោកឧត្តមសេនីយ៍ទោ អាត់ ខែមស្នងការនគរបាលខេត្តបន្ទាយមានជ័យនៅថ្ងៃទី២៤ ខែសីហា ឆ្នាំ២០១៨ បានដាក់បញ្ជារ ឱ្យកម្លាំងនគរបាល តាមដានស្រាវជ្រាវ ទប់ស្កាត់ បង្ក្រាបមុខសញ្ញានេះ។ បើយោងតាមការពិនិត្យកាមេរ៉ាសុវត្ថិភាព ក្រុមចោរទាំងនោះមានគ្នាច្រើននាក់ ហើយបានជិះរថយន្តម៉ាក់តូយ៉ូតា ឡិចស៊ីស ជាមធ្យោបាយ ក្នុងការលួចរថយន្ត។
បើតាមសមត្តកិច្ច ករណីនេះចោរលួចឡានបាន៣គ្រឿងរួមមាន ៖*ទី១៖ កាលពីថ្ងៃទី១៥ ខែសីហា ឆ្នាំ២០១៨ ចន្លោះម៉ោង១រំលងអធ្រាត្រដល់ម៉ោង៨និង៣០នាទីព្រឹក នៅចំណុចមុខវិមានរៀម ក្នុងភូមិ/សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ លួចរថយន្ត១គ្រឿង ម៉ាកតូយ៉ូតាកាមរីបាឡែន ពណ៌ទឹកមាសសេរី២០០២ ពាក់ស្លាកលេខ បន្ទាយមានជ័យ2A-5396 ជារបស់ជនរងគ្រោះឈ្មោះ ថាប់ ផាវិន ភេទប្រុស អាយុ៣៣ឆ្នាំ រស់នៅភូមិស្លក្រាម ឃុំស្លក្រាម ស្រុកស្វាយចេក មកស្នាក់នៅបណ្តោះអាសន្ន ភូមិ សង្កាត់កើតហេតុ។
*ទី២៖ កាលពីថ្ងៃទី១៤ ខែសីហា ឆ្នាំ២០១៨ វេលាម៉ោង១១និង៣៦នាទីយប់នាទី លួចរថយន្ត១គ្រឿង ម៉ាកកាមារីបាឡែន ពណ៌ទឹកប្រាក់ ពាក់ស្លាកលេខ ភ្នំពេញ 2S-5154 លេខតួ4T1BE32K22U050366 នៅចំណុចភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ដែលមានម្ចាស់ឈ្មោះ មឿង ស៊ីម៉ុល ភេទប្រុស អាយុ៥៨ឆ្នាំ មុខរបររត់តាក់ស៊ី រស់នៅភូមិកើតហេតុខាងលើ។
*ទី៣៖ កាលពីយប់ថ្ងៃទី១៦ ខែកក្កដា ឆ្នាំ២០១៨ ចោរបានកាត់របងផ្ទះចូលមកលួចឡានតូយ៉ូតាកាមរីបាឡែនស៊េរីឆ្នាំ២០០៣ ពាក់ស្លាក លេខ២X ៣៩៤៨ ពណ៍ទឹកមាស របស់ឈ្មោះ ម៉ក់ ការេន ភេទប្រុសអាយុ៤១ឆ្នាំ នៅភូមិជំទាវ ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ ដែលយកមកលាង នៅកន្លែងរបស់ឈ្មោះ អឹងសំអាត ភេទប្រុស អាយុ៤៨ឆ្នាំ នៅភូមិខាងលើ។