វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7628 នាក់
ម្សិលមិញ 8227 នាក់
សរុប 14134509 នាក់
ភ្នំពេញ៖ភ្លេចៗខ្លួនតារាសម្តែង សម ម៉ាណាដែលលេចមុខម្តងបាត់មុខពិសិល្បៈមានកូនស្រីអាយុ២ឆ្នាំបាត់។ កាលពិយប់ថ្ងៃទី២២មិថុនានាងបានរៀបចំពីធីខួបកំណើតកូនស្រីដោយមានការចូលរួមពីសំណាក់អ្នកសិល្បៈដែលភាគច្រើនជាមិត្តភក្តិដែលជិតស្និទ្ធប៉ុណ្ណោះ ។ អ្វីដែលកត់សម្គាល់ទោះមានកូនស្រីមានវ័យពីរឆ្នាំទៅហើយក្តី តែតារាសម្តែងរូបនេះនៅមិនទាន់បង្ហាញមុខមាត់ស្វាមីនាងជាចំហឡើយ ។
ក្នុងសម្លៀកបំពាក់ពណ៌សសម្រាប់ពិធីខួបកំណើតកូនស្រីជាទីស្រឡាញ់ដែលមានឈ្មោះថា រ៉ន ច័ន្ទលីតា គេសង្កេតឃើញមានមិត្តភក្តិចូលរួមដែលមានដូចជាតារាកំប្លែង ស្រីលាភ និង នាយក្រឹម ទឹម រដ្ឋា ទឹម វត្តី ពៅ លីដា និងលោក ពៅ ពិសិដ្ឋ លោក អេឡិច ចាន់ត្រា និងស្រីពៅមុខឈើជាដើម ។ទោះមានកូនស្រី២ឆ្នាំតែ សម ម៉ាណា នៅតែស្រស់ស្អាតនិងទាក់ទាញដដែល ។តែ អ្វីដែលចាប់អារម្មណ៍ សម ម៉ាណា គេនៅតែមិនទាន់ដឹងថាតើស្វាមីរបស់នាងជាអ្នកណាខ្មែរឬបរទេសចាស់ឬក្មេង? ។
ទោះជាយ៉ាងណាបើតាមប្រភពមិត្តភក្តិក្នុងសិល្បៈបានបង្ហើបឱ្យដឹងថាស្វាមីរបស់ សម ម៉ាណា ជាអ្នកមានមុខមាត់នៅក្នុងសង្គមហើយកូនស្រីរបស់នាងមានមុខដូចបេះដាក់ទៅនឹងឪពុកតែម្តង! ។ ភាគតិចណាស់ដែលនាង សម ម៉ាណា បណ្តើរស្វាមីជាំសាធារណៈលើកលែងតែទៅចូលរួមនៅក្នុងពិធីរបស់មិត្តភក្តិ មិនតែប៉ុណ្ណោះនាង និងដៃគូក៏កម្រនឹងឱ្យអ្នកសារព័ត៌មានថតរូបដែរ ។ សព្វថ្ងៃសម ម៉ាណា ដែលជាមន្ត្រីយោធាផងដែរនៅតែបន្តអាជីពសិល្បៈគ្រាន់តែមិនពេញទំហឹងដូចមុនហើយមួយរយៈមុននាងក៏បានចូលរួមថតរឿងភាគទូរទស្សន៍រឿង «ស្នាមស្នេហ៍សមុទ្ររាម»ផងដែរ។
គួរបញ្ជាក់ដែរថា សម ម៉ាណា ជាអតីតសមាជិកក្រុមរៃមាសតោមាស និងជាតារាសម្តែងនិងបង្ហាញម៉ូត។ត្រូវបានគេចាត់ចូលក្នុងចង្កោមតារាសម្តែងល្បីល្បាញគួរសមហើយសកម្មភាពច្រៀងរាំ និងបង្ហាញម៉ូដរបស់នាង ក៏លេចធ្លោមិនចាញ់សមាជិកក្រុមប៉ុន្មានឡើយ។ អ្នកសិល្បៈម្នាក់លើកឡើងថា ទោះមុខជំនួញបរាជ័យកន្លងមកក្តី ក៏សម ម៉ាណា នៅតែរស់ក្នុងជីវិតបែបហ៊ឺហារដដែល នាងមានរថយន្តទំនើបជិះ សម្ភារប្រើប្រាស់ថ្លៃៗ ដែលអ្នករួមជំនាន់តែកោតសរសើរពីវាសនានាងគ្រប់ៗគ្នាផងដែរ ៕