ចាប់ខ្លួនកញ្ញាសេងតធារីមេធាវីថាប្តឹងឧទ្ធរណ៍ទូតអាមេរិកខកចិត្ត!
តុលាការក្រុងភ្នំពេញ បានសម្រេចឱ្យចាប់ខ្លួន និងផ្តន្ទាទោសកញ្ញា សេង ធារី និងអតីតសកម្មជនគណបក្សសង្គ្រោះជាតិចំនួនជាង៤០នាក់ផ្សេងទៀត ក្រោមបទចោទប្រកាន់ ញុះញង់ និងរួមគំនិតក្បត់ ពាក់ព័ន្ធនឹងដំណើរវិលត្រលប់ចូលមកមាតុភូមិវិញរបស់លោក សម រង្ស៊ីកាលពីឆ្នាំ២០១៩។នគរបាលក៏បានចាប់ខ្លួនកញ្ញាសេងធារីដែលជាសញ្ជាតិអាមេរិកដែលនៅឈរក្រៅតុលាការក្នុងសំលៀកបំពាក់យកតាមលំនាំរូបសំណាក់សេរីភាពប្រជាធិបតេយ្យក្នុងទីក្រុងញ៉ូយកនាំ យកទៅស្លៀកខោអាចឈុតថតបង្ហោះភ្លាមៗផងដែរ។
លោក ជូង ជូងី មេធាវីការពារក្តីឱ្យកញ្ញា សេង ធាវី នៅក្រោយស្តាប់សវនការបានប្រាប់ថា តុលាការបានចេញដីកាចាប់ខ្លួនកញ្ញា សេង ធារី និងសកម្មជនផ្សេងទៀតភ្លាមៗ ដោយម្នាក់ៗត្រូវជាប់ពន្ធនាគារ៥ឆ្នាំ ៦ឆ្នាំ និង៨ឆ្នាំ ដោយមិនមានការកាត់តំរឹមទោសនោះឡើយ។សូមបញ្ជាក់ថាព្រឹកថ្ងៃទី១៤មិថុនសាលាដំបូងរាជធានីភ្នំពេញបានប្រកាសសាលក្រមលើសំណុំរឿងរួមគំនិតក្បត់ដោយផ្តន្ទាទោស សម រង្ស៊ី , អេង ឆៃអ៊ាង , ហូរ វ៉ាន់ , តុ វ៉ាន់ច័ន្ទ , អ៊ីហ្សា ឧស្មាន់ , គង់ សុភា , ម៉ោញ សារ៉ាត់ , អ៊ូ ច័ន្ទឫទ្ធិ , ឡុង រី , ម៉ែន សុថាវរិន្ទ្រ , អ៊ុ សំអាន ដាក់ពន្ធនាគាររយៈពេល ៨ឆ្នាំ ពីបទរួមគំនិតក្បត់ និងបង្គាប់ឲ្យចាប់ខ្លួនភ្លាម។
ចំណែកឈ្មោះ ហេង ចាន់រិទ្ធិ , លោក ទុំ វ៉ាន់ថន , កាក់ កុម្ភារ (នៅក្នុងពន្ធនាគារ) ផ្តន្ទាទោសរយៈពេល ៦ឆ្នាំ ដោយបន្តឃុំខ្លួនដាក់ពន្ធនាគារជាបន្តទៀត។
រីឯឈ្មោះ សេង ច័ន្ទធារី (សេង ធារី) , ហេង ដារ៉ូ , ឃិត ជំរឿន , តោ និមល និងបក្ខពួកមួយចំនួនទៀតផ្តន្ទាទោស ៦ឆ្នាំ និងបង្គាប់ឲ្យសមត្ថកិច្ចចាប់ខ្លួនភ្លាម ហើយមនុស្សមួយចំនួនទៀតផ្តន្ទាទោស ៥ឆ្នាំ ប៉ុន្តែអនុវត្តទោសព្យួរ។គួរបញ្ជាក់ថា សម រង្ស៊ី និងបក្ខពួកជាង ១០០នាក់ ត្រូវបានចោទប្រកាន់ពីបទ “រួមគំនិតក្បត់ ញុះញង់ឲ្យមានភាពវឹកវរធ្ងន់ធ្ងរដល់សន្តិសុខសង្គម និងញុះញង់ឲ្យប្រព្រឹត្តបទឧក្រិដ្ឋជាអាទិ៍” ប្រព្រឹត្តនៅប្រទេសកម្ពុជានិងទីកន្លែងផ្សេងៗទៀតកាលពីថ្ងៃទី២០-២១-២២-២៥-២៦ និងនៅថ្ងៃទី២៧ ខែមករា ឆ្នាំ២០១៩ និងកាលពីអំឡុងខែមិថុនា ឆ្នាំ២០១៩ ។សំណុំរឿងរបស់កញ្ញាសេង ធាវីកាលពីដំបូងស្ថិតនៅជាមួយ សកម្មជននយោបាយចំនួន ១៤០នាក់ផ្សេងទៀត។ ក៏ប៉ុន្តែ ក្រោយមក តុលាការបានបំបែកសំណុំរឿងនេះ និងដាក់កញ្ញា សេង ធារី ឲ្យនៅក្នុងសំណុំរឿងមួយដាច់តែម្នាក់ឯង។ ហើយគិតមកទល់ការចាប់ខ្លួន កញ្ញា សេង ធារី ត្រូវបាន តុលាការជំនុំជម្រះចំនួន១១លើករួចមកហើយក្នុងនោះកញ្ញាក៏បានអុកឡុកតុលាការយ៉ាងចាស់ដៃផងដែរតែដោយសារមុនការបោះឆ្នោតនិងមុនកិច្ចប្រជុំកំពុលអាស៊ាននៅអាមេរិកតុលាការអត់ធើអីឡូវចប់ហើយ!។
លោកមេធាវី ជូង ជូងីបានលើកឡើងនៅមុខសាលាដំបូងរាជធានីភ្នំពេញថា ក្នុងនាមលោកជាមេធាវីការពារក្តីឱ្យកញ្ញា សេង ធារី លោកនឹងប្រើសិទ្ធិប្តឹងទៅកាន់សាលាឧទ្ទរណ៍ចំពោះការចាប់ខ្លួនកូនក្តីរបស់លោក។ លោកមេធាវីរូបនេះ អះអាងទៀតថា ការចាប់ខ្លួនមកលើកញ្ញាសេង ធាវី និងការដាក់ពន្ធនាគារចំនួន៦ឆ្នាំ ជារឿងមិនត្រឹមត្រូវ និងអយុត្តិធម៌ ខណៈកូនក្តីលោកបានព្យាយាមស្វែងរកភាពយុត្តិធម៌ ប៉ុន្តែត្រូវបានតុលាការទម្លាក់បន្ទុកបន្ថែមទៀតទៅវិញ។
នៅមុនតុលាការក្រុងភ្នំពេញចេញដីកាចាប់ខ្លួន និងកាត់ទោស កញ្ញាសេង ធារី និងអតីតសកម្មជនគណបក្សសង្គ្រោះជាតិ កញ្ញាសេង ធាវី បានឱ្យដឹងថា កញ្ញាបានត្រៀមខ្លួនរួចរាល់ចំពោះសេចក្តីសម្រេចកាត់ទោសជាប់ពន្ធនាគារពីតុលាការ ដោយកញ្ញាយល់ថា តុលាការមិនបានអនុវត្តច្បាប់ដោយយុត្តិធម៌ចំពោះអ្នកប្រជាធិបតេយ្យនោះឡើយ។ កញ្ញាបន្តថា ការចោទប្រកាន់ពីបទ ក្បត់ជាតិ គឺជាលេះដែលរបបផ្តាច់ការយកមកប្រើប្រាស់តែប៉ុណ្ណោះ។
ក្រោយការចាប់ខ្លួន ស្ថានទូតសហរដ្ឋអាមេរិកបានចេញសម្តែងការខកចិត្តជាខ្លាំង ចំពោះសាលក្រមនៅថ្ងៃនេះ ដោយស្ថានទូតអាមេរិកធ្វើការ អំពាវនាវឲ្យអាជ្ញាធរកម្ពុជាដោះលែងកញ្ញា សេង ធារី និងសកម្មជនសិទ្ធិមនុស្សដទៃទៀត ពីការដាក់ពន្ធនាគារដ៏ អយុត្តិធម៌នេះ។
