អ្នកកាសែតចង់បានច្បាប់ស្តីពីសិទ្ធទទួលនិងផ្តល់ពត៍មានទើបងាយរកពត៍មានពិត

រដ្ឋមន្ត្រីក្រសួងព័ត៌មាន ប្រកាសបើក យុទ្ធនាការ «និយាយថាទេ ចំពោះព័ត៌មានក្លែងក្លាយ!» ចាប់ពីថ្ងៃទី១មេសា

កាស៊ីណូ ក្បែរច្រកទ្វារព្រំដែនអន្ដរជាតិបន្ទាយចក្រី ជាទីតាំងលេងល្បែងស៊ីសងគ្រប់ប្រភេទ បើកអោយខ្មែរ និងយួន ចូលមកលេងល្បែង សមត្ថកិច្ច និង អាជ្ញាធរសម្ងំប្រមូលលាភសក្ការ!

អ្នកនាងកុសុម៉ានិងសាច់ញាតិចូលពេទ្យដោយសារហាងមួយនៅខេត្តសីហនុ!

តើលោកឧបនាយករដ្ឋមន្ក្រីកើតរិទ្ធរដ្ឋមន្ត្រីក្រសួងយុត្តិធម៍គិតយ៉ាងណារករណីយ៍អតីតប្តីប្រពន្ធឧកញ៉ាឌួងឆាយ?

អន្ទឹត ជួន កក្កដា ដែលប្រកាសសឹកយ៉ាងតក់ក្រហល់នឹងក្លាយជាអនុរដ្ឋលេខាធិការក្រសួងធម្មការ!

កាស៊ីណូខុសច្បាប់មួយនៅព្រំដែនបន្ទាយចក្រី គ្មានស្លាកយីហោដែបើកអោយរដ្ឋខ្មែរ និងយួនចូលលេងល្បែង!

ជាច្រើនទៀត

ចំនួនអ្នកទស្សនា

ថ្ងៃនេះ 853 នាក់

ម្សិលមិញ 11025 នាក់

សរុប 16475906 នាក់

សម្តេច ស ខេងប្រកាសគាំទ្រសម្តេចធិបតីហ៊ុនម៉ាណែតនិងអំពាវនាវឱ្យក្រុមជនអគតិ និងទុច្ចរិតទាំងអស់បញ្ឈប់ ទង្វើបំបែកសាម្គីបក្ស

20-March-2025 / ផ្សេងៗ

ភ្នំពេញ ៖ សម្តេច ស ខេង អនុប្រធានគណបក្សប្រជាជនកម្ពុជា និងជាឧត្តមប្រឹក្សាផ្ទាល់ព្រះមហាក្សត្រនៅថ្ងៃទី១១ ខែកញ្ញា ឆ្នាំ២០២៣ បានអំពាវនាវឱ្យក្រុមជនអគតិនិងទុច្ចរិតទាំងអស់បញ្ឈប់ជាបន្ទាន់រាល់ទង្វើទាំងឡាយណាដែលប៉ះពាល់ដល់សន្តិភាព ស្ថិរភាពនយោបាយ និងរាំងស្ទះដល់ការអភិវឌ្ឍសង្គម សេដ្ឋកិច្ចកម្ពុជា និងធ្វើឱ្យសាធារណជនមានការភ័ន្តច្រឡំលើគោលការណ៍ដឹកនាំដ៏ត្រឹមត្រូវរបស់គណបក្សប្រជាជនកម្ពុជា។ a sar kheng

តាមរយៈបណ្តាញសង្គម Facebook សម្តេចក្រឡាហោម ស ខេង បានថ្លែងថា «ក្នុងនាមខ្ញុំជាអនុប្រធានគណបក្សប្រជាជនកម្ពុជា ខ្ញុំសូមជម្រាបជូនប្រជាពលរដ្ឋខ្មែរទាំងអស់ ជាពិសេសបងប្អូនជនរួមជាតិដ៏ច្រើនលើសលប់ ដែលគាំទ្រគណបក្សប្រជាជនកម្ពុជា មេត្តាជ្រាបថា ការលើកឡើងរបស់មជ្ឈដ្ឋានដែលមាននិន្នាការប្រឆាំងនេះ ជាការប៉ុនប៉ងទាំងល្ងិតល្ងង់ក្នុងគ្រាអស់សង្ឃឹម និងជាការបំផុសបំផុលដ៏គ្រោះថ្នាក់ដល់ប្រទេសជាតិ។ ខ្ញុំសូមអំពាវនាវឲ្យក្រុមជនអគតិ និងទុច្ចរិតទាំងនោះ បញ្ឈប់ជាបន្ទាន់រាល់ទង្វើទាំងឡាយណាដែលប៉ះពាល់ដល់សន្តិភាព ស្ថិរភាពនយោបាយ និងរាំងស្ទះដល់ការអភិវឌ្ឍសង្គម សេដ្ឋកិច្ចកម្ពុជា និងធ្វើឲ្យសាធារណជនមានការភ័ន្តច្រឡំលើគោលការណ៍ដឹកនាំដ៏ត្រឹមត្រូវ របស់គណបក្សប្រជាជនកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខ»។

សម្តេចក្រឡាហោម បានបន្តថា «ជាថ្មីម្តងទៀត ខ្ញុំសូមអះអាងឡើងវិញនូវគោលជំហរដ៏ពេញទំហឹងឥតងាករេរបស់ខ្ញុំថា ខ្ញុំនៅតែបន្តគាំទ្រ និងលើកទឹកចិត្តតាមការដែលអាចធ្វើបាន រាជរដ្ឋាភិបាល អាណត្តិទី៧ នៃរដ្ឋសភា ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី បានបំពេញភារកិច្ចរបស់ខ្លួនឲ្យបានសម្រេច និងទទួលបានជោគជ័យយ៉ាងល្អប្រសើរ តាមយុទ្ធសាស្ត្របញ្ចកោណរបស់រាជរដ្ឋាភិបាល ដែលបានប្រកាសកាលពីថ្ងៃទី២៤ ខែសីហា ឆ្នាំ២០២៣»។សុមបញ្ជាក់ថាការចេញមុខរបស់សម្តេចក្រឡាហោមសខេងគាំទ្រសម្តេចធិបតីហ៊ុនម៉ាណែតវាមិនមែនជាលើកទី១នោះទេគឺច្រើនលើកមកហើយ។

ទោះបីយ៉ាងណាក្នុងដំណើរការរៀបចំបង្កើតរាជរដ្ឋាភិបាលថ្មីអាណត្តិទី៧ដែលជារដ្ឋាភិបាលបន្តវេននេះពួកអ្នកប្រឆាំងពិសេសក្រុមអ្នកវិភាគតាមវិទ្យុប្រឆាំងបានយកសម្តេចក្រឡាហោមសខេងធ្វើជាប្រធានបទទាក់ទងនិងការដែលសម្តេចមិនទទួលបានតំណែងអ្វីធំដុំជាពិសេសតំណែងប្រធានរដ្ឋសភាដែលជាតំណែងធានាតុល្សយភាពក្នុងការដឹកនាំរាជរដ្ឋាភបាលថ្មី។ទោះបីយ៉ាងណាបើពិនិត្យតិចការជជែកពីភាក្សាលើកប្រធានបទនេះក៏មិនអត់ប្រយោជន៍នោះដែរគឺវាបានធ្វើឲ្យសម្តេចក្រឡាហោមសខេងឡើងតម្លៃខ្លួនបន្តិចផងដែរ។ព្រោះទោះបីមិនបានទួនាទីជាប្រធារដ្ឋសភាក៏ពិតមែនតែឥទ្ធិពលសម្តេចក្រឡាហោមសខេងនៅតែមានទម្ងន់និងមានសុវត្ថិភាពបើតាមការផ្តល់តួនាទីក្នុងក្រសួងមហាផ្ទៃពីសម្តេចតេជោហ៊ុនសែនដែលជាប្រធានគណបក្ស។ a sar kheng cpp a sar kheng hun a sar sokha2 a sar thet