សម្តេចនាយករដ្ឋមន្ត្រីហ៊ុនសែនប្រកាសពីផែនការតម្លើងប្រាប់បៀរវត្សជូនមន្ត្រីរាជការនៅឆ្នាំ២០២៣
04-September-2023 / សេដ្ឋកិច្ច
ភ្នំពេញ៖នៅថ្ងៃទី១៣ ខែមិថុនា ឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពជា បានប្រកាសថា នឹងមានការដំឡើងប្រាក់បៀវត្សរ៍មន្ត្រីរាជការ នៅក្នុងឆ្នាំ២០២៣ បន្ទាប់ពីខកខានអស់រយៈពេលពីរឆ្នាំ ។
ក្នុងឱកាស អញ្ជើញចែកសញ្ញាបត្រជូនសិស្សសាលាភូមិន្ទរដ្ឋបាលជាង២ពាន់នាក់ បន្ទាប់ពីពួកគេបានបញ្ចប់ ការសិក្សាវិជ្ជាជីវៈជាមន្ត្រី បានដោយជោគជ័យ នៅព្រឹកថ្ងៃទី១៣ ខែមិថុនា ឆ្នាំ២០២២នេះសម្ដេចតេជោ ហ៊ុន សែន បានបញ្ជាក់យ៉ាងដូច្នេះថា «សម្រាប់សារចរណែនាំ ទាក់ទងនឹងការរៀបចំច្បាប់ថវិកាសម្រាប់ឆ្នាំក្រោយ គ្រោងនឹងតំឡើងប្រៀវត្សរ៍ យើងខានដំឡើងប្រៀវត្សរ៍២ឆ្នាំមកហើយ ឥឡូវយើងនឹងចាប់ផ្តើមឡើង តែឡើងមិនគិតជាភាគរយទេ»។
សម្ដេចតេជោ ហ៊ុន សែន បានគូសបញ្ជាក់ថា ការតំឡើងនេះ មិនគិតជាភាគរយនោះទេ គឺឡើងតាមរបៀប ដោយអ្នកប្រាក់បៀវត្សរ៍តិចដំឡើងច្រើន អ្នកប្រាក់បៀវត្សរ៍ច្រើនដំឡើងតិច។សម្ដេចតេជោ ហ៊ុន សែន បានឲ្យដឹងថា គ្រូបង្រៀន និងគ្រូពេទ្យ ទាបបំផុតឲ្យបាន១.៥លានរៀល ដោយកន្លងទៅប្រាក់ប្រៀវត្សរ៍ គ្រូបង្រៀន និងគ្រូពេទ្យ មានចំនួន១.៣លានរៀល ឯមន្ដ្រីដទៃទៀត មានប្រាក់ប្រៀវត្សរ៍ ១.២លានរៀល នាពេលកន្លងទៅ ឡើងដល់១.៤លានរៀល។
សម្ដេចតេជោ ហ៊ុន សែន បានឲ្យដឹងថា សម្ដេចបានប្រាប់ទៅ អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ថានៅពេលដែល តំឡើងប្រៀវត្សរ៍ ក៏ត្រូវតំឡើងពិដាន នៃប្រាក់ប្រៀវត្សរ៍ជាប់ពន្ធ បានសេចក្ដីថា ពេលដែលឡើងប្រៀវត្សរ៍ អ្នកដែលមានប្រាក់ប្រៀវត្សរ៍ក្រោម១.៥លានរៀលអត់ជាប់ពន្ធ ប៉ុន្ដែអ្នកលើសនឹងគឺជាប់ពន្ធ។សម្ដេចតេជោ បានបញ្ជាក់ថា ការធ្វើបែបនេះ ដើម្បីជៀសវាងអ្នកប្រាក់ប្រៀវត្សរ៍តិចជាប់ពន្ធ ចាំអ្នកដែលមានប្រាក់ប្រៀវត្សរ៍ច្រើន ចាំជាប់ពន្ធ។ សម្ដេចតេជោបន្ដថា ការធ្វើបែបនេះ ដោយគិតទាំងវិស័យរដ្ឋ និងវិស័យឯកជន។
គូសបញ្ជាក់ថា ក្នុងឆ្នាំ២០១៩ មានមន្ត្រីរាជការសរុប២១១,០៩៤នាក់ (ស្ត្រី៨៧,៥១៩នាក់ ស្មើនឹង៤១.៤៦%) ក្នុងនោះថ្នាក់ជាតិ៣៨,២៥០នាក់ ស្មើនឹង១៨.១២% (ស្ត្រី១១,៧៨៦នាក់ ស្មើនឹង៣០.៨១%) និងថ្នាក់ក្រោមជាតិ១៧២,៨៤៤ ស្មើនឹង៨១.៨៨% (ស្ត្រី៧៥.៧៣៣នាក់ស្មើ នឹង៤៣.៨២% ដែលមានក្របខណ្ឌ «ក»២៩.១៣% ក្របខណ្ឌ «ខ» ៣៣.៧៨% និងក្របខណ្ឌ «គ» ៣៧.១០%។
យោងតាមរបាយការណ៍ប្រាក់បៀវវត្សរ៍ របស់ក្រសួងមុខងារសាធារណៈ បានបង្ហាញថា នៅក្នុងឆ្នាំ២០១៩ ប្រាក់បៀវវត្សរ៍ មន្ដ្រីរាជការក្នុងវិស័យ៖
* មន្ត្រីជាប់កិច្ចសន្យា មានចំនួន៦៥០,០០០រៀល កើនឡើង៥០,០០០រៀល* ប្រធានក្រុមប្រឹក្សារាជធានី ខេត្ត មានចំនួន ១,៤៤០,០០០រៀល កើនឡើង៨០,០០០រៀល
* សមាជិកក្រុមប្រឹក្សារាជធានី ខេត្ត មានចំនួន១,១៣៥,០០០រៀល កើនឡើង៥០,០០០រៀល* ប្រធានក្រុមប្រឹក្សាក្រុង ស្រុក ខណ្ឌ មានចំនួន១,១៥៥,០០០រៀល កើនឡើង៨០,០០០រៀល
* សមាជិកក្រុមប្រឹក្សាក្រុង ស្រុក ខណ្ឌ មានចំនួន៩១០,០០០រៀល កើនឡើង៥០,០០០រៀល* ប្រធានក្រុមប្រឹក្សាឃុំ សង្កាត់ មានចំនួន១,១១០,០០០រៀល កើនឡើង ៨០,០០០រៀល
* ជំទប់ទី១ និងទី២ ចៅសង្កាត់រងទី១ និងទី២ មានចំនួន៨៥០,០០០រៀល កើនឡើង ៥០,០០០រៀល* សមាជិកក្រុមប្រឹក្សាឃុំ សង្កាត់ មានចំនួន៧៤០,០០០រៀល កើនឡើង៤០,០០០រៀល
* មេភូមិ មានចំនួន៤០០,០០០រៀល កើនឡើង១៥០,០០០រៀល* អនុប្រធានភូមិ មានចំនួន២៨០,០០០ កើនឡើង៨០,០០០រៀល* សមាជិកភូមិ មានចំនួន ២៥០,០០០រៀល កើនឡើង៧០,០០០រៀល
ដោយឡែក របបសន្តិសុខសង្គមអប្បបរមាប្រចាំខែ សម្រាប់អតីតមន្ត្រីរាជការស៊ីវិល និងអតីតយុទ្ធជន នៅឆ្នាំ២០១៩ មានចំនួន៥៦០,០០០រៀល កើនឡើង៨០,០០០រៀល។
សម្រាប់ការដំឡើងសន្ទស្សន៍បៀវវត្សមូលដ្ឋាន ឆ្នាំ២០១៩ ចំនួន២,៣៤០ មានការកើនឡើង២១០ ដោយក្នុងនោះ ប្រៀវត្សរ៍អប្បបរមាសម្រាប់មន្ដ្រីរាជការស៊ីវិល និងកម្លាំងប្រដាប់អាវុធ រួមមាន៖
* វិស័យរដ្ឋបាល ការទូត និងបច្ចេកទេស នៅឆ្នាំ២០១៩ ចំនួន១,១០០,១០០រៀល កើន៨៥.៦៥០រៀល
* វិស័យអប់រំ និងសុខាភិបាល នៅឆ្នាំ២០១៩ ចំនួន ១,២០០,១០០រៀល កើន៨៥.៦៥០រៀល* នគរបាលជាតិ នៅឆ្នាំ២០១៩ ចំនួន១,១៨៤,៥៧៧រៀល កើន៩៨,៥៤៧រៀល
* យោធិន នៅឆ្នាំ២០១៩ ចំនួន១,១១៤,៣៧៧រៀល កើន៩១,៩៤៧រៀល។
