វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4753 នាក់
ម្សិលមិញ 8227 នាក់
សរុប 14131634 នាក់
កំពត៖ រថយន្តចំនួន២គ្រឿងដែលដឹកបង្គានាំចូលពីប្រទេសវៀតណាមតាមចក្រព្រែកចាកត្រុវបានសមត្តកិច្ចឃាត់ នៅចំណុចផ្លូវជាតិលេខ៣៣ ត្រង់ចំណុចផ្លូវបំបែក ស្ថិតក្នុងភូមិកំពង់ត្រាចទី១ ឃុំកំពង់ត្រាចខាងកើត ស្រុកកំពង់ត្រាចដោយសារសង្ស័យថាមានសារធាតុគីមីនិងបង្កបចាហួយតម្លើងគីឡូធ្វើឱ្យប៉ះពាល់ដល់សុខភាពអ្នកបរិភោគ។
ប្រធានស្នាក់ការច្រកទ្វារព្រំដែនអន្តរជាតិព្រែកចាក លោក ង៉ែត សាវឿន នៅថ្ងៃទី១៨ ខែមករា ឆ្នាំ២០២២បានឲ្យដឹងថា៖ប្រតិបត្តិការនេះ បានធ្វើឡើងកាលពីវេលាម៉ោង ១០:៣០នាទីយប់ ថ្ងៃទី១៦ ខែមករា ឆ្នាំ២០២២ ដោយមានអាជ្ញាធរ មន្ត្រីនគរបាល មន្ត្រីកាំកុងត្រូល មន្ត្រីជលផល និងមន្ត្រីមកពីសាលាខេត្តកំពតប្រចាំការនៅច្រកទ្វារព្រំដែនអន្តរជាតិព្រែកចាក ដោយមានការសម្របសម្រួលពី លោក ឈា រីម៉ារ៉ូ ព្រះរាជអាជ្ញារងសាលាដំបូងខេត្តកំពតផងដែរ។
គេមិនដឹងថាតើហេតុអីបានជាសមត្តកិច្ចមិនចាប់នៅច្រកព្រុំដែននោះទេ?។ករណីយ៍នេះប្រធានស្នាក់ការច្រកទ្វារព្រំដែនអន្តរជាតិព្រែកចាក បានបញ្ជាក់ថា រថយន្តចំនួន ២គ្រឿងនេះបានដឹកបង្គា និងក្ដាមថ្ម ហើយមានមឹកសរុបចំនួន ៦១០កេស ស្មើរនឹង ១២តោន ដែលម្ចាស់នាំមកពីវៀតណាម និងមិនទាន់មានច្បាប់គ្រប់គ្រាន់ទេ។ ការដឹកជញ្ជូនបង្គានេះខាងជំនាញបានរកឃើញថា បង្គានៅក្នុងកេសនីមួយៗ សុទ្ធតែត្រូវបានចាក់ចាហួយនៅខួរក្បាលបង្គា ហើយសមត្ថកិច្ចជំនាញនឹងធ្វើការដុតកម្ទេចចោល។មិនដឹងថាកន្លងមកឈ្មួញបាននាំចូលមកប៉ុន្មានជើងរួចហើយនោះឡើយព្រោះយូៗទើបឃើញចាប់បានម្តង!៕