វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3993 នាក់
ម្សិលមិញ 10264 នាក់
សរុប 14143175 នាក់
ព្រៃវែង៖ លោក ប្រធានមន្ទីរពាណិជ្ជកម្មខេត្តព្រៃវែង ស្រវឹងស្រា បើករថយន្តបុកម៉ូតូអូសជាច្រើនម៉ែត្រ បណ្ដាលឱ្យជនរងគ្រោះរងរបួសធ្ងន់សន្លប់ស្ដូកស្ដឹងហើយបើករត់គេច ទាំងរថយន្តបែកកង់ លុះបានប្រហែល៤គីឡូម៉ែត្រ ទើបសមត្ថកិច្ចឃាត់ជាប់។ហេតុការណ៍នេះបានកើតឡើង នៅលើបណ្ដោយផ្លូវជាតិលេខ៨ ចំណុចភូមិជ្រៃសីម៉ា ឃុំជាខ្លាង ស្រុកស្វាយអន្ទរខេត្តព្រៃវែង កាលពីយប់ទី២៤ ខែឧសភា ឆ្នាំ២០២២ ។
រថយន្តបង្កត្រូវសមត្ថកិច្ចឃាត់បាន នៅភូមិធ្នង់ ឃុំជាខ្លាង ស្រុកស្វាយអន្ទរ ដែលមានចម្ងាយពីកន្លែងកើតហេតុប្រហែល៤គីឡូម៉ែត្រ។ប្រភពបានឲ្យដឹងថាៈ រថយន្តបង្កម៉ាកFord ភីកអាប់ ពណ៌ស ពាក់ស្លាកលេខ”រដ្ឋ15″2.0060 បើកបរដោយលោក វ៉ា រីទ្ធី ប្រធានមន្ទីរពាណិជ្ជកម្មខេត្តព្រៃវែង។រីឯម៉ូតូរងគ្រោះម៉ាកឌ្រីមសង់C100ពណ៌ក្រហម បើកបរដោយឈ្មោះ ប៊ុត ប៊ុណា ភេទប្រុសអាយុ៦២ឆ្នាំ នៅភូមិជ្រៃសីម៉ា ឃុំជាខ្លាង ស្រុកស្វាយអន្ទរ ខេត្តព្រៃវែង។
នៅមុនពេលកើតហេតុជនរងគ្រោះជិៈម៉ូតូមកពីស្រែក្នុងបំណងមកផ្ទះ ដោយជិៈយឺតៗអែបចិញ្ចើមផ្លូវខាងស្ដាំដៃ។លុះមកដល់កន្លែងកើតហេតុ ស្រាប់តែរថយន្តបង្ក បើកក្នុងល្បឿនយ៉ាងលឿនទិសដៅស្របគ្នា ជ្រុលមកបុកម៉ូតូគាត់ពីក្រោយទាំងកម្រោលតែម្ដង បណ្ដាលឱ្យគាត់ធ្លាក់ពីលើម៉ូតូដួលបោកក្បាលនិងថ្នល់ សន្លប់លែងដឹងខ្លួនត្រូវបាន ក្រុមគ្រួសារដឹកជនរងគ្រោះ ទៅមន្ទីរពេទ្យដើម្បីសង្គ្រោះនៅជិតរង្វង់មូលស្វាយអន្ទរ ។ឯរថយន្តបង្កព្យាយាមបើកគេចខ្លួនតែទៅមិនបានឆ្ងាយដោយសារបែកកង់ត្រូវសមត្តកិច្ចឃាត់បានដូរកងបើកទៅរក្សាទុក ជាមួយម៉ូតូ នៅប៉ុស្តិ៍នគរបាលជាខ្លាង ។លោក វ៉ា រីទ្ធី ត្រូវបានសមត្ថកិច្ចអនុញ្ញាតឱ្យត្រឡប់ទៅផ្ទះវិញ។
ករណីនេះនៅថ្ងៃទី២៧.០៥.២០២២«អ្នកកាសែត»បានព្យាយាមសុំការបកស្រាយពីលោក វ៉ា រីទ្ធី ប្រធាន មន្ទីរពាណិជ្ជកម្មខេត្តព្រៃវែង ។លោក វ៉ា រីទ្ធី ប្រធាន មន្ទីរពាណិជ្ជកម្មខេត្តព្រៃវែងឆ្លើយ
យ៉ាងខ្លីថាៈ ខ្ញុំដោះស្រាយរួចហើយ ក៏ចុចបិទទូរស័ព្ទតែម្ដង។ប៉ុន្តែសម្រាប់ជនរងគ្រោះបានអះអាងថាៈចាប់តាំងពីថ្ងៃកើតហេតុ រហូតដល់ថ្ងៃទី២៧.០៥.២០២២ ពុំទាន់មានដំណោះស្រាយ ឬទទួលបានសំណងពីលោក វ៉ា រីទ្ធី សូម្បី១រៀលលុយខ្មែរនោះទេ?។ជុំវិញករណីយ៍នេះ សមត្ថកិច្ចបានបញ្ជាក់ថាៈលោក វ៉ា រីទ្ធី ប្រធានមន្ទីរពាណិជ្ជកម្មខេត្តព្រៃវែង ពិតជាស្រវឹងស្រា បើករថយន្តវង្វេងផ្លូវ រហូតបុកម៉ូតូខាងស្ដាំដៃគេប្រាកដមែន។ពេលបុកនោះគឺរថយន្តបែកកង់ខាងមុខ ហើយអូសម៉ូតូជាង១០ម៉ែត្រទម្រាំរបូតចេញពីគ្នា។
ទន្ទឹមនិងនោះរថយន្តមិនបានឈប់ទេ ដោយព្យាយាមបើករត់ទៅមុខប្រហែល៤គីឡូម៉ែត្រ ទើបសមត្ថកិច្ចស្ទាក់ជាប់។នៅមុនពេលកើតហេតុ នៅព្រឹកទី២៤.០៥.២០២២ លោក វ៉ា រីទ្ធី ប្រធានមន្ទីរពាណិជ្ជកម្មខេត្តព្រៃវែងបានទៅចូលរួមកម្មវិធី សម្ពោធដាក់ឱ្យប្រើប្រាស់”ផ្សារកំពង់ពពិល”លុះថ្ងៃបន្តិចចេញមកវិញ ក៏ផឹកស៊ីនៅឃុំព្រៃព្នៅ ។ដល់ពេលព្រលប់ថ្ងៃដដែល ស្របពេលស្រវឹងជោកជាំលោក វ៉ា រីទ្ធី បានបើករថយន្តទៅផ្ទះរបស់ខ្លួន នៅឯទីរួមខេត្តព្រៃវែង។ប៉ុន្តែដោយស្រវឹងខ្លាំងពេក គ្រប់គ្រងស្មារតីខ្លួនឯងមិនបាន ក៏បើករថយន្តតាមបណ្ដោយផ្លូវជាតិលេខ៨ ហួសជិតដល់ស្រុកកំចាយមារទើបភ្ញាក់ខ្លួនព្រឺតថាៈ អញបើកហួសផ្លូវ ទៅផ្ទះហើយ ក៏បត់រថយន្តត្រឡប់មកវិញ លុះមកដល់កន្លែងកើតហេតុ បានរេចង្កូតទៅបុកម៉ូតូតែម្ដងទៅពិតជាមិនធម្មតាមែនបុគ្គល វ៉ារិទ្ធី ប្រធានមន្ទីរពាណិជ្ជកម្មដ៏មហិមានៅខេត្តព្រៃវែងម្នាក់នេះ ៕