វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4662 នាក់
ម្សិលមិញ 4292 នាក់
សរុប 14114361 នាក់
ភ្នំពេញ ៖ ចោរប្លន់ក្លាហាន៣នាក់ប្រដាប់អាវុធចេញប្លន់ទាំងព្រឹកនា ថ្ងៃទី ១៥ ខែឧសភា ឆ្នាំ ២០២២ នៅមុខផ្ទះនៅសង្កាត់ស្ទឹងមានជ័យ២។ជនរងគ្រោះ ២ នាក់ ត្រូវជាម្តាយកូននឹងគ្នាពុំត្រូវបានស្គាល់អត្តសញ្ញាណនោះឡើយ។ ចំណែកម៉ូតូជនរងគ្រោះ ម៉ាក Honda Beat ពណ៌ក្រហម ពាក់ស្លាកលេខ 1HZ-0535។
ពេលព្រឹកជនរងគ្រោះទាំង ២ នាក់ បានអូសម៉ូតូចេញពីក្នុងផ្ទះ បម្រុងរៀបចំទៅលក់ដូរនៅផ្សារអូរឫស្សីក៏ស្រាប់តែលេចមុខក្រុមជនសង្ស័យមួយក្រុម មានគ្នា ៣ នាក់ ជិះម៉ូតូ ២ គ្រឿង ប្រដាប់ដោយអាវុធគ្រប់ដៃ បានជិះទៅមុខផ្ទះជនរងគ្រោះធ្វើសកម្មភាពដកកាំភ្លើងខ្លីភ្ជង់ទៅលើជនរងគ្រោះ បណ្តាលឲ្យជនរងគ្រោះ ២ នាក់ម្តាយកូន ភ័យស្លន់ស្លោ រត់ចេញពីម៉ូតូ ហើយក្រុមជនសង្ស័យឡើងជិះម៉ូតូចាកចេញពីកន្លែងកើតហេតុតែម្ដង។
សមត្ថកិច្ចមូលដ្ឋាន បានចុះដល់ទីតាំងកើតហេតុ និងនាំជនរងគ្រោះទៅដាក់ពាក្យបណ្ដឹងនៅប៉ុស្តិ៍រដ្ឋបាលនគរបាលស្ទឹងមានជ័យទី ២ ដើម្បីកំណត់អត្តសញ្ញាណក្រុមជនសង្ស័យ ក្នុងការស្រាវជ្រាវយកទៅផ្ដន្ទាទោសតាមផ្លូវច្បាប់នាពេលខាងមុខ។មានការកត់សម្គាល់ថា បទល្មើសជាច្រើន ពិសេសបទល្មើសឆក់ក្នុងមូលដ្ឋានខណ្ឌមានជ័យ ហាក់មានការកើនឡើងគួរកត់សម្គាល់គិតចាប់តាំងពីអធិការនគរបាលខណ្ឌមានជ័យថ្មី លោកវរសេនីយ៍ទោ អ៊ុក ប៊ូនិន មកកាន់តំណែងប្រមាណ ៤ ខែកន្លងមកនេះ។