វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2865 នាក់
ម្សិលមិញ 6501 នាក់
សរុប 13951420 នាក់
បាត់ដំបង៖ជនជាតិថៃល្បីឈ្មោះក្នុងពិភពរាត្រីនៅខេត្តភូកេតនិងតំបន់ប៉ាតាយ៉ាប្រទេសថៃម្នាក់ដែលជាប់ ចោទថាបានសម្លាប់គូសង្សារ ២នាក់ ដោយដោយសារភ្លើងប្រចណ្ឌត្រូវបាននគរបាលខ្មែរចាប់ខ្លួនកាលពីថ្ងៃទី១៥សីហា ពេលរត់ចូលមកទឹកដីកម្ពុជាដោយខុសច្បាប់ និងត្រៀមធ្វើបត្យាប័នបញ្ជូនទៅកាន់ភាគីថៃវិញ ដោយគ្មានលក្ខខណ្ឌ។
កាសែតខាវសុត (Khaosod) ប្រទេសថៃ បានឱ្យដឹងថា ជនសង្ស័យឈ្មោះប៉ានីយ៉ាស៊ីយ៉ាអួនយិនដាង( Panya “Siya Ouan” Yingdang )បានព្យាយាមរត់ជាច្រើនសប្ដាហ៍ បន្ទាប់ពីករណីឃាតកម្មដ៏កក្រើកកើតឡើងកាលពីថ្ងៃបោះឆ្នោតនៅស្រយុកខ្មែរ។
បើតាមសមត្ថកិច្ចថៃ បានឱ្យដឹងថា ករណីឃាតកម្ម គឺកើតឡើងលើជនរងគ្រោះ ២នាក់ ជាសង្សារនឹងគ្នា ដែលខាងស្រីមានវ័យ ២០ឆ្នាំ ចំណែកខាងប្រុស មិនបានបង្ហាញអត្តសញ្ញាណឡើយតាំងពីថ្ងៃទី២៩ ខែកក្កដា នៅវត្តមួយ នៃខេត្តឈុនបុរី ប៉ុន្តែសមត្ថកិច្ចទើបស្រាវជ្រាវឃើញ និងដឹងថាជនសង្ស័យ ឈានជើងឆ្លងដែនចូលមកទឹកដីកម្ពុជា។
អ្នកនាំពាក្យប៉ូលិសថៃ បាននិយាយថា អាជ្ញាធរកំពុងសុំធ្វើបត្យាប័នសុំយកជនសង្ស័យដែលខ្មែរចាប់បានយកទៅកាន់ប្រទេសថៃវិញ។ បើតាមប៉ូលិសជាន់ខ្ពស់ថៃឈ្មោះពីយ៉ាប៉ានពិនមួង( Piyapan Pingmuang) បានឱ្យដឹងថា សមត្ថកិច្ចកម្ពុជាយល់ព្រមប្រគល់ជនសង្ស័យ ដោយគ្មានលក្ខខណ្ឌឡើយ បន្ទាប់ពីជនសង្ស័យរូបនោះ សម្លាប់ជនរងគ្រោះឈ្មោះ Paweena Namuangrak និង Anantachai Jaritram។
ជនរងគ្រោះដែលស្លាប់ទាំង២នាក់ ត្រូវខ្មាន់កាំភ្លើង ២នាក់ បាញ់ចំនួន 6គ្រាប់ ស្លាប់ទាំង២នាក់ អំឡុងពេលទៅលេងភ្នំមួយ នៃខេត្តឈុនបុរី។ ក្នុងនោះប៉ាវីណា( Paweena) ត្រូវចំនួន ៤គ្រាប់ និងអាណាន់តាឆៃ( Anantachai) ត្រូវចំនួន ២គ្រាប់។ ក្រៅពីជនដៃដល់ទាំង២ នៅមានមនុស្ស នាក់ផ្សេងទៀត ក៏ជាប់សង្ស័យពាក់ព័ន្ធក្នុងករណីឃាតកម្មនេះដែរ ប៉ុន្តែត្រូវបានចាប់ខ្លួនអស់ហើយ។
គួរបញ្ជាក់ដែរថាជនសង្ស័ជនជាំតិថៃឈ្មោះប៉ានីយ៉ាស៊ីយ៉ាអួនយិនដាង( Panya “Siya Ouan” Yingdang )គឺជាមនុស្សមានមុខមាត់ដែលគេស្គាល់ច្រើន នៅខេត្តប៉ាតាយ៉ា ហើយក៏ជាសេដ្ឋីម្នាក់ដែលមានជំនួញច្រើន ពាក់ព័ន្ធនឹងបារ ក្លឹបកម្សាន្ត សម្រាប់ភ្ញៀវទេសចរផងដែរ៕