វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8308 នាក់
ម្សិលមិញ 5733 នាក់
សរុប 14072872 នាក់
ភ្នំពេញ៖ ស្រីស្អាត EE តារាកូនកាត់ខ្មែរ-កូរ៉េ វ័យ១៨ឆ្នាំ ដែលល្បីឈ្មោះតាមបណ្តាញសង្គមថានឹងឈានជើងចូលក្នុងវិស័យ K-POPនៅកូរ៉េ បានធ្វើដំណើរមកដល់ប្រទេសកម្ពុជា ដែលជាទឹកដីកំណើតរបស់ម្តាយខ្លួនហើយកាលពីយប់ថ្ងៃទី២០មករា។
មកដល់ទឹកដីកម្ពុជាដែលជាទឹកដីកំណើតភ្លាម កញ្ញា EE ក៏បានបង្ហាញនូវអារម្មណ៍រីករាយ និងរំភើបជាខ្លាំងនៅពេលដែលបានឃើញមានអ្នកគាំទ្ររបស់ខ្លួនជាច្រើននាក់នៅក្នុងប្រទេសកម្ពុជា ជាពិសេសគឺមានយុវវ័យជាច្រើនរូប បានមកឈររង់ចាំទទួលស្វាគមន៍នាងព្រៀងព្រាតពេញព្រលានយន្តហោះដូច្នេះ។
តារាស្រីក្នុងបណ្តាញសង្គមវ័យក្មេងសាច់សខ្ចីកញ្ញា EE គេបានឃើញកំពុងខិតខំហ្វឹកហាត់ពង្រឹងសម្ថភាពរបស់ខ្លួនយ៉ាងខ្លាំង ដើម្បីត្រៀមខ្លួនចូលទៅប្រឡូកនៅក្នុងវិស័យចម្រៀង K-POP របស់ប្រទេសកូរ៉េ។
ស្រីស្អាតកូនកាត់កូរ៉េកញ្ញា EE បានឲ្យដឹងដែរថា៖«វិស័យចម្រៀង K-POP គឺជាវិស័យដែលធំជាងគេរបស់ពិភពលោកផ្នែកកម្សាន្ត ដែលកំពុងមានភាពល្បីល្បាញយ៉ាងខ្លាំង ដោយវិស័យមួយនេះ គឺមានប្រភពចេញពីប្រទេសកូរ៉េ ដែលនរណាៗក៏ប៉ងប្រាថ្នាចង់ចូលទៅក្នុងវិស័យមួយនេះផងដែរ។ សម្រាប់រូបនាងជាកូនខ្មែរកាត់កូរ៉េ ពិតជាមានមោទនភាពខ្លាំង និងសប្បាយរីករាយ ប្រសិនបើបំណងប្រាថ្នារបស់នាងទទួលបានជោគជ័យ ព្រោះតាមដឹងនាងគឺជាកូនខ្មែរទី១ហើយ ដែលបានឈានជើងចូលទៅក្នុងវិស័យសិល្បៈដ៏ពេញនិយមរបស់ប្រទេសកូរ៉េ»។សម្រាប់អ្នកស្រីជាម្តាយជនជាតិខ្មែរបានប្រកាសថាអ្នកស្រីនឹងខិតខំឲ្យអស់លទ្ទភាពដើម្បីកូនស្រីបានចូលក្នុងក្រុមK-POPកូរ៉េ។
សម្រាប់វត្តមាននៅស្រុកខ្មែរជាមួយម្តាយខ្មែរកញ្ញាអ៊ីអ៊ីបានប្រាប់ថាកញ្ញាចង់ទៅលេងនៅអង្គរវត្តតែខ្លួនបុរាណថតរូបនិងទៅលេងសមុទ្ទកំពង់សោមដើរលេងកន្លែងផ្សេងៗច្រើនទៀត។គួរបញ្ជាក់ផងដែរថា បច្ចុប្បន្ននេះស្រីស្អាត EE ក៏ជាម្ចាស់ប្រេនក្រុមហ៊ុន Cosmtic ផ្ទាល់ខ្លួនមួយផងដែរឈ្មោះថា «EEBLACK9» កំពុងដំណើរការយ៉ាងល្អ ជាផលិតផលពីរោងចក្រខ្នាតយក្សដ៏ល្បីល្បាញរបស់ប្រទេសកូរ៉េ៕