វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4846 នាក់
ម្សិលមិញ 5378 នាក់
សរុប 14084139 នាក់
ភ្នំពេញ៖តារាចម្រៀងល្បីៗប្រមាណជាង១០នាក់បានចេញដំណើរពីកម្ពុជាឆ្ពោះទៅកាន់ទីក្រុងប៊ូសានប្រទេសកូរ៉េកាលពីរាត្រីថ្ងៃទី ១៨ ខែមេសាឆ្នាំ២០១៩ដើម្បីចូលរួមបំរើការសប្បាយជូនពលករខ្មែរនាថ្ងៃទី២០មេសានៅទីក្រុងប៊ូសានដោយទទួលបានការឧបត្តមដោយក្រុមហ៊ុនឡេងណាវ៉ាត្រា ។
នៅក្នុងព្រឹត្តិការណ៍នោះផងដែរ ក៏មានការរាំវង់បំបែកកំណត់ត្រា ប្រចាំឆ្នាំ២០១៩ផងដែរ។តារាចម្រៀង កញ្ញា ឡូរ៉ាម៉មតារាចម្រៀងកូនកាត់អាគាំង បានឲ្យកាសែតដឹងថានាងពិតជារំភើបក្នុងការចេញដំណើរទៅច្រៀងរាំនៅប្រទេសកូរ៉េនេះព្រោះតែជាពេលមួយដ៏ល្អព្រមគ្នាដែលក្រៅតែពីការជួបជុំកម្សាន្តសប្បាយ ក៏ជាឱកាសមួយរួមគ្នាបង្កើតកំណត់ត្រាក្នុងការរាំចង្វាក់រាំវង់ ពិសេសគឺស្វែងរកមូនិធីជួយដល់គន្ធបុប្ផា។ កញ្ញាបានត្រៀមរួចជាស្រេចនូវបទចម្រៀងប្រជាប្រិយខ្មែរដ៏សម្បូរបែបដើម្បីរាំលេងកម្សាន្ត។
តារាចម្រៀងស្រីផលិតកម្មសាន់ដេឈ្មោះកញ្ញា យូរី បានបញ្ជាក់ថា នេះគឺជាលើកទី៣ដែលនាងមានឱកាសចេញទៅជួបបងប្អូនខ្មែររស់នៅប្រទេសកូរ៉េ ។ នាងបញ្ជាក់ថា នាងនិងដៃគូលោក B Mo បានត្រៀមរួចជាស្រេចដើម្បីបង្កើត បរិយាកាសសប្បាយរីករាយក្នុងព្រឹត្តិការណ៍ជួបជុំសប្បាយរីករាយប្រចាំឆ្នាំមួយនេះ។ នាងនឹងត្រៀមបទចម្រៀង”រាំទយ” ដែលពេញនិយមនៅកម្ពុជាច្រៀងរាំលេងកម្សាន្តជាមួយបងប្អូនខ្មែរនៅទីនោះ ។
អ្នកជំនួញល្បីល្បាញនិងជាអតីតសិល្បករលោកឧកញ៉ា ឡេង ណាវ៉ាត្រា បានបញ្ជាក់បន្ថែមថាការចេញដំណើររបស់សិល្បកលើកនេះគឺជាកម្មវិធីសប្បុរសធម៌ និងដើម្បីអបអរពិធីបុណ្យចូលឆ្នាំថ្មីប្រពៃណីជាតិខ្មែរ។ លោកថាការធ្វើកម្មវិធីនៅប្រទេសកូរ៉េគឺត្រូវរើសយកថ្ងៃសៅរ៍ទី២០ខែមេសានេះដើម្បីឲ្យប្រជាជនខ្មែររស់នៅទីនោះបានសប្បាយក្នុងថ្ងៃឈប់សម្រាកបើទោះបីជាពិធីបុណ្យចូលឆ្នាំថ្មីខ្មែរយើងហួសពេលបន្តិចក្តី។
គួរបញ្ជាក់ដែរថាតារាចម្រៀងដែលចូលរួមនៅក្នុងព្រឹត្តិការណ៍នោះរួមមាន កញ្ញា ឡូរ៉ាម៉ម លោក ខេម កញ្ញា បាន មុន្នីលក្ខណ៍ កញ្ញាយូរី លោក B mo សមាជិកក្រុមKlap Ya Hand លោក វុទ្ធា លោក Tempo Tris លោក ចន ចាន់តារា លោកប៉ែន ចំរ៉ុង លោក ចាន់ សម័យ ជាដើម។អ្នកដឹកនាំ យឹម តាស្រង់ដែលចូលរួមដែរ នឹងធ្វើអោយកម្មវិធីកាន់តែអស្ចារ្យ ផលិតវីដេអូ ព្រឹត្តិការណ៍ដ៏អស្ចារ្យនេះ ទុកជាអនុស្សាវរីយជារៀងរហូត។
ការជួបជុំសប្បាយដ៏ធំកម្រមាននេះ គឹ ចូលរួមដោយសេរី នៅថ្ងៃទី២០ ខែមេសា ចាប់ពីម៉ោង៤ ល្ងាចដល់ម៉ោង១០ យប់ អាសយដ្ឋាន #ទីក្រុងប៊ូសាន សួនឧទ្យាន សាមណាក់ ក្បែរស្ថានីរថភ្លើងសាសាង ឬតាមរយៈ부산 사상구 삼락동 29-51 ។ ព័ត៌មានបន្ថែម-010-2151-5565 / 010-4447-7168៕